\

Thí sinh hu palih ruah iek tui học bạ 

Tui danak dak palih ruah anek saih dom sang bac đại học brei thau, tanut palih ruah tui học bạ jeng dok hu rilo sang bac pandar. Min tanut hu trun dut song thun bloh. Yau ye sang bac đại học Mỏ địa chất tanut palih ruah tui học bạ pakat THPT meng  6 tal 10%; sang bac  Đại học jalan mbak pajeng ba, Học viện báo chí song pathau khan hu meng 20 tal 30% tanut piah palih ruah học bạ di dom gah bac. Ong Nguyễn Thanh Chương, Paok akaok  sang bac Đại Học jalan mbak pajeng ba brei thau:

"Bruk pilih ruah tui học bạ, sang bac hu meng  20% tal  30 %. Min, dom gah bac, sang bac oh palih ruah học bạ yau công nghệ thông tin, quản trị song chuỗi cung ứng; gah tự động hóa…Khol hulin palih ruah rilo meng pakacah  trung học phổ thông".

Gam song bruk ba tabiak jalan palih ruah, tanut palih ruah di dom sang bac đại học jeng brei thau dom gah bruk ngak bahrau peih dalam thun bac ni. TS Nguyễn Tuấn Anh, Akaok jabat pato pakai sang bac Đại học Thủy lợi brei thau, sang bac peih 7 gah pato pakai bahrau, patagok gah pato pakai jeng 31 gah bac. Dom gah bac bahrau peih  tui kuhria mboh bruk palih ruah rilo dalam tuk vak anak tal, gam song bruk chuyển đổi số yau urak ni:

"Thun ni, khol hulin hu 7 gah bahrau dut song thun dahlau. Tanut yaok gah meng  60 tal 70 tanut. Khol hulin peih dom gah ni kayua mboh hatai khin di xã hội biak glong  song tui jalan patagok công nghiệp hóa dalam vaktu chuyển đổi số. Dalam negar dok jhul pakhang bruk chuyển đổi số. Khol hulin pandar ka tong abih dom gah tui 3 jalan palih ruah tapak, iek học bạ song palih ruah pakacah".

Dreih yau sang bac  đại học Ngoại thương, thun ni jeng peih 2 gah bac bahrau iek tui pren khang di sang bac song tapa pasangf iek drak pasa urang ngak dalam vaktu mbeik drei tame dunya. Nan lac danak dak chất lượng glong hukum palei salih dunya tui jalan ngak bruk song danak dak sap Anh pablei salih.

Bruk dom sang bac hu eng drei palih ruah, hu peih dom gah bac bahrau hu patrun  áp lực song patagok dom jalan ka dom thí sinh palih ruah bruk ngak. Min, nao gam haong panuac sanya saong trách nhiệm di dom sang bac anak menuac sia lac chất lượng pato pakai di sang bac brei mboh meng bruk sinh viên bac tamat bloh hu bruk ngak.

Tui akaok Vụ pato pakai  Đại học, Mintri pato megru Nguyễn Thu Thủy, di dom mbang palih ruah dahlau, Thanh tra Mintri  hu mboh rilo bruk ngak suan di dom labik pato pakai  yau danak dak palih ruah eng di rilo sang bac ka oh cambaih laih, rilo khaw tin ka oh tantu, dom sang bac palih ruah oh njauk danak dak. Rilo sang bac brei thau tanut yam tapa prein pato pakai… Mintri pato megru pandar dom sang bac đại học, cao đẳng ngak siam dom asar kadha di danak dak palih ruah bo sang bac ba tabiak. Meyah ngak suan, sang bac nan njauk patrun tanut di thun hadei, taong phạt hành chính song oh brei eng drei  palih ruah dalam  5 thun patui di nan:

"Bruk brei thau cambaih danak dak palih ruah jeng hu yaom biak prong. Dom sang bac samar ngak pasiam song pabak tal  thí sinh, vaktu ni, bruk langyah ka  xã hội thau, lac bruk di dom sang bac.Hadei di tuk palih ruah , jeng hu dom mbang pasang iek , duah thau ka dom bruk khik ramik  chất lượng ngan song bruk palih ruah  song abih di nyu nan lac  dom sang bac bo hu peih bruk pakacah palih ruah eng".

Tui tacei pato peih bruk pakacah THPT 2021 di mintri pato megru, meng harei 27/4 tal harei  11/5, dom thí sinh hu tut angan tame pakacah tamat THPT song palih ruah tame đại học, cao đẳng thun 2021./.

Urang lang: Hanipha- 16/4