Bhap bini pandar điện dalam tuk jit ruak hu patrun 

Dahlau di tuk mehit lac dom doanh nghiệp viễn thông peih bruk dong dịch vụ jiak 10 ribau tỷ đồng meng harei 5/8, dui atah dalam 3 bilan, urang ngak, doanh nghiệp thau hu bruk bui sambai ni meng ong Võ Quang Lâm – Phaok Tong Yam ndok Tập đoàn Điện lực Việt Nam:

Ngan song dom tuai pandar ala 200 kWh sa bilan hu trun 15% jien điện angaok  hóa đơn di drei. Dom tuai pandar điện labaih 200kWh sa bilan hu trun 10 % jien điện angaok hóa đơn. Jalan piah trun jien điện lac iek tui điện năng pandar dalam sang di hóa đơn bilan  8 song bilan 9/2021

Tui dom chuyên gia kinh tế, ni lac bruk ngak samar drah di Tập đoàn điện lực Việt Nam song dom doanh nghiệp viễn thông, hadei di dom panuac ieu, tacei pato meng rajaei, ngan song sarak peih ngak rilo jalan piah dong ka  doanh nghiệp, ka rahra tukvak kan kandah ni. Tui jalan mong di doanh nghiệp, ong Nguyễn Đình Thắng – Phaok akaok Hội tin học Việt Nam brei thau, ini lac dom sarak samar drah, dong pren ka dom doanh nghiệp , oh lac  doanh nghiệp prong, sit atau daok dang anak bruk phá sản:

Tuk bruk ngak mbang pablei salih njauk klaih klaoh, rajaei, dom mintri, dom mban ngành song dom tỉnh ban hu dom sarak yau dui atah tukvak kak dom janih je, trun yaom điện, viễn thông song dom dịch vụ công ích karei karei, lac bruk ngak biak samar drah piah patrun dom kan kandah ka doanh nghiệp. Ni jeng lac patrun kan kandah ka urang ngak, kayua  doanh nghiệp njauk kuhria jien bilan ka urang ngak tuk paatah di gauk

Tui jalan maong di bhap bini, rilo rahra mboh lac “hu trun kan kandah jang tuk dom sarak hu ba tame pandar dak samar dak siam”. Ong Nguyễn Tuấn Vinh, daok di Quận Long Biên, Hà Nội khan lac:

"Dom sarak dong hu ka rahra dalam tuk kan kandah ni lac biak siam, ba mai bruk pachreih ba song brei mboh Rajaei tuk halei jeng sa jalan nao hong bhap bini dalam tuk kan kandah"

Anak panuac ndom siam mekre di bhap bini haong doanh nghiệp brei ka dom sarak bahrau, hu peih ngak piah klah rahba kan kandah, ong Mạc Văn Tiến – Chuyên gia an sinh xã hội ndom lac:

Trun jien điện dom janih ye an sinh hu siam mekre jang, bhap bini, doanh nghiệp takik glaih glar jang. Ni lac dom bruk ngak biak njauk, biak samar drah, min dom kadha mai meng bruk ini brei hu tuk vak.Meyah bhap bini oh thau sahneng ka bruk ni, mbuan ba tal palai pajoa, pagap yau tuk yaom  glong ye patak pataom, urak ni mboh trun, oh patak pataom nan ye palai pajoa. Song bruk ni meng sarak tal ba tame ngak, njauk caik hatai tal bruk samu gauk dalam xã hội, meyah oh hu yau nan, nyu ba tal oh samu gauk bahrau dalam parab ha jien mek tame, parabha kein laba haong gauk.

Mintri jien padai daok padang Sarak ka dom jalan ngak mek jien tame kadung jien karja, piah daong ka doanh nghiệp, yaok rahra gaok kan kandah di jit  Covid-19, dalam nan hu bruk trun 30% jien je thu nhập doanh nghiệp njauk kak thun 2021. Sang pablei salih, urang pablei salih dalam yaok gah, yaok bruk ngak, yaok tỉnh ban hu trun meteh jien je tamuh tabiak meng bruk ngak mbang dalam quý 3 song quý 4; oh mek jien phạt suai kak je. Gam hong nan, lac rilo sarak karei karei dok hu roh duah, ba tabiak meng dom mintri, dom gah, dom tỉnh, ban./.

Urang lang : Hanipha- 10/8