Bruk TQ padang giàn khoan Hải Dương 981 sung hukum dalam bhum tasik di VN hu jeng bruk pandiak  dalam taneh ia saong dunya. Ngan saong dom urang harei melam hu mbaok tapak labik nan, dom khau tin di rayo sap ndom VN pang tapa radio hu daong ka dom urang nan khang hatai labik akaok riyak, jhung hangin. Pang “rayo sap ndom VN” di kreih bhum tasik HS, dom urang hu mbaok di labik TQ padang giàn khoan sung hukum mboh hu bruk anit ranam meng baoh taneh, yau hu daong pabak  pren khang piah sanang hatai pambuak pagam saong tasik piah ngak bruk di drei. Kadha vak di urang vak Đình Thiệu, daok di bhum kreh negar brei thau ka bruk nan: 

6 tuk mesup, meng baoh radio angaok kapal HP 926, sap di urang papar sap di rayo sap ndom VN bac khau tin pandiak ka bruk biển đông, yaok urang angaok kapal caik hatai tui pang. Harei halei jeng yau nan, urang pathau khan di kapal kiểm ngư HP-926 Đinh Kim Thảo tuk halei jeng ba tui baoh radio sit tapen rup. Ong Thảo kanal cambaih tuk papar sap yaok danak dak di rayo sap ndom VN. 

“Tapa  rayo sap ndom VN hu daong ka adei saai kol dahlak dom urang daok ngak bruk đấu tranh di labik ini hu pabak hatai jia, pachreih ba adei saai kol dahlak. Daong pren, yau daong pakhang pren ka kol dahlak di labik ini đấu tranh  hu siam jang”.

Baoh kapal kiểm ngư HP-926 ini bhian hu ba kapul urang vak báo dalam taneh ia akaok meti tabiak labik pandiak HS hadei di tuk TQ ba padang giàn khoan Hải Dương 981 sung hukum dalam bhum tasik di VN. Harei melam hu mbaok di bhum tasik HS, oh iek hu tivi, oh đọc mbao hu nan ye baoh radio nan lac kênh thông tin duy nhất ngan saong urang. Dom thông tin pandiak ka labik nan, dom hatung hatian anit ranam di menuac sia daok di baoh taneh brei ka dom urang kiểm ngư, cảnh sát tasik saong bhap bini taong cap ikan hu khan chip angaok riyak lingik rayo sap ndom VN. Thuyền phó kapal kiểm ngư HP- 926 Nguyễn Bưởi khan lac:

“Hu mbaok ngak bruk angaok tasik, điều kiện thông tin biak takik, thông tin kol dahlak hu thau nan lac tapa rayo sap ndom VN. Dakam tuk kapal TQ nyu pacang cakak biak ralo, kol dahlak hu tranh thủ tuk lahaiy ye pang radio, pang panuac pachreih ba men g baoh taneh, dom sap ndom di bhap bini. Kol dahlak biak drut drui. Mboh lac, yaom lac daok atah min taong abih bhap bini VN, kiều bào drei angaok dunya jeng pachreih tui jalan ngak di VN. Bruk nan hu daong pabak pren khang ka kol dahlak”.

Dom harei biển đông srau kadau, kapul thực thi hukum VN angaok bhum tasik HS biak bình tĩnh anak bruk hung hăng di dom kapal TQ. Urang jakar, urang kiểm ngư, dom urang lin cảnh sát tasik jeng daok tui pang khau tin angaok rayo sap ndom VN tapa baoh radio sit. Riyak lingik sap ndom VN di kreih HS hu jeng talei pambauk bruk anit ranam di baoh taneh saong dom urang harei melam khik caga bhum tasik pulao di taneh ia palei negar./.