Pathau mikva urang ngak nong! Mai tal palei 9, xã Nhân Nghĩa, huyện Cẩm Mỹ, tỉnh Đồng Nai, bhap bini labik ini thei jeng thau ong Nguyễn Thanh Cường, urang nao dahlau dalam bruk ba pajaih durian Thái mai pala. Urak ini yaok thun ong mek tame hu labaih 1 tỷ đồng, saong daok ba bruk ngak tani tanat ka rilo urang ngak dalam palei. Kadha “ Urang ngak hamu caong thau” harei ini, kol drei duah thau bruk pala durian ba mai kein laba glaong di ong Nguyễn Thanh Cường.

          Thun 1976, ong saong diuk anek meng Bình Dương mai Đồng Nai peih taneh bilau padang mbang ngui. Meng 7 sào taneh bein pala ginup janih phun yau cà phê, durian, amriak kalu…tui jalan mek katut raong atah, oh sahneng hagait tal bruk ngak kaya meda. Tal thun 1996, doanh nghiệp di Đồng Nai blei meng negar lingiu pajaih durian Thái brei kein laba glaong. Ong Cường khang hatai buh jien tabiak pala pajaih durian ini dalam taneh bein di drei, ong Cường khan yau nan.

          Meng duah thau jalan ghép piah chiết dhar phun durian Thái ghép tame got durian asar hu bloh. Ong nao tal dom nông trường ghép cao su, cà phê piah maong iek, bac jalan ghép dhar bloh mai sang eng drei ghép durian. Kayua samar thau ilamu, ong ghép phun halei jeng tamuh siam. Kein lagaih di bruk ghép phun duriam nan lac abih takik jien buh tame ngak, dui katut panak tukvak tabiak baoh. Bhian di nyu pala durian meng 5 tal 6 thun meng hu baoh, min phun ghép dalam 3 thun meda paik baoh hu

          Yau Yuan lac “Nghề dạy nghề:, meng ilamu pataom hu tapa rilo thun nan ye urak ini maong tame hala durian ye ong thau lac thun nan hu baoh rilo atau takik. Nan ye thun halei bein durian di ong jeng hu rilo baoh. Tuk hu laba, sang ong brei peih praong bein durian. Tal harei ini, sang ong hu labaih 4 ha durian, yaok thun paik hu 70 tấn. Kaok tabiak phun jien buh tame ngak, ong daok laba hu 1,2 tỷ đồng saong angan Cường durian, ong trùm durian hu dane atah, hu rilo menuac thau tal. Mboh bruik ngak mbang di sang ong hu kein laba glaong, rilo sang daok jaik nan jeng salih tapa pala durian saong hu ong Cường abih hatai tacei pato.

Amuk Phạm Thị Tuyết, urang jakar iek gah ngak nong xã Nhơn Nghĩa brei thau: " durian lac phun pala praong di xã Nhơn Nghĩa, daong ka mikva ngak kaya meda. Urak ini dalam xã hu jaik 200 ha durian, samu 1/4 taneh ngak nong. Xã hu daong ka 18 baoh sang ngak hệ thống pruh ia tự động piah pala phun durian brei rilo baoh./.