Meng  tari tarieng, kham pasram megru saong ba dom ilamu ky thuat bahrau tame dalam bruk pala drak, rilo thun gam, sa-ai Kim Siêne daok di palei Sóc Chà, xã Thanh Sơn, huyện Trà Cú, tỉnh Trà Vinh hu palih ruah lac urang nong ngak mbang, pablei salih naih joi. Dalam kadha“Kareih camin palei negra” adit ini, da-a mikva saong grauk ayut pang kadha vak di Nguyễn Tân khan ka sa-ai nan: 

Thun 2000, sa-ai Kim Siêne tok diuk padang mbang ngui, drap ar oh hu hagait langiu 4 cong taneh, pala drak oh hu ralo, diuk pasang sa-ai nao ngak mbang apah tapa harei. Meng thau tari tarieng ngak mbang,  cai pandar patak pataom, diukpasang sa-ai blei hu 17 công taneh (sumu 17.000 met vuong). 

Ngan saong 21 cong taneh, sa-ai khang hatai padang ngak bein, danao, var ro, hamu  vin taom dar, pala dom janih phun mbang baoh hu yaom glaong daok hu  darak pasar takre yau ye pa-ok Hòa Lộc, kruac sành, kruac bung… saong var ro raong 4 drei pabui binai, ala danao raong ikan saong pala njam nhút; piah mek katut raong atah, taneh hamu padai sa-ai ngak 2 vụ padai, sa vụ tangei lai.

Hadei di klau thun,  sang sa-ai Kim Siêne hu jien mek tame rilo, patak pataom hu jaik 200 triệu đồng. Meng pok jien nan, sa-ai blei rilo pandap piah ngak mbang, padang hu sa baoh sang praong laneng lanoi saong ginup pandap pandar dalam sang. Sa-ai Kim Siêne brei thau: “Hu yau harei ini, njauk ndem tal bruk daong oh lac sit di karja palei, hu mbaok tame dom tal bac pasram ilamu ky thuat, dahlak hu ba tame ngak ba mai kein laba glaong.”

Meng bruk ngak mbang di sang sa-ai Kim Siêne, thun blaoh, hu 100 urang daok di dom xã karei mai duah thau, bac megru ilamu ngak mbang. Sa-ai abih hatai tacei patao jalan ngak mbang saong pambak praong tal 20 baoh sang ngak hu kein laba yau sang sa-ai Kim Đơn, Sa Oanh…Sa-ai daok hu daong ka 21 baoh sang kan kathaot tuk gaok kan kandah, yaok baoh sang 12 kilo brah saong jaik 5 triệu đồng jien; gam jak ba dom baoh sang hu rilo taneh brei ka 21 baoh sang urang kan  pah piah pala drak. Meng bruk ngak hu yau nan, sa-ai Kim Siêne hu Trung ương Kapul urang nong Viet Nam palih ruah pok meyaom lac urang naih joi dalam negar./.