Thun bloh, bruk taong cap kaya ikan  di urang taong ikan huyện pulao Phú Quý, tỉnh Bình Thuận hu rilo kein laba kayua langik tasik siam lagaih, yaom menyek trun, sarak daong di Karja jang yau bruk khang hatai buh jien tame ngak gilai công suất prong tabiak tasik atah di urang taong ikan pak ini.  

Palei Phú Long, xã Long Hải, huyện pulao Phú Quý lac labik hu ralo urang nao taong ikan di pulao Trường Sa saong Nhà giàn DK1. Yau ralo urang taong ikan karei daok pak ini, sa-ai Đặng Minh Diên – po gilai BTh 96777 biak bui sambai tuk ndom tal bruk ngak mbang di sang drei dalam thun tapa. Sruh gilai công suất 450CV di sang sa-ai hu 20 thuyền viên hu 6 mbang nao Trường Sa. Yaok mbang nao labaih 1 bilan, taong mek hu 7 tấn kaya ikan hu yaom glaong yau: ikan hồng, ikan mú, ikan mó saong jantak... Kaoh abih jien buh tame, dalam thun 2015, sang ong Diên mek tame hu jaik 700 triệu đồng: thun blaoh lingik tasik siam laghaih.  Adei sa-ai nao langiu nan yaok thun hu 5 mbang, min thun ini  langik tasik siam laghaih nao hu 6 mbang, gaok urang ngak hu 7 mbang.

Meng sruh gilai 350CV, urang taong ikan Tạ Văn Sang daok pak xã Long Hải, huyện đảo Phú Quý jeng taong mek ikan pak bhum tasik Trường Sa saong Nhà giàn DK1. Jaik abih dom mbang nao tasik di sa-ai siam lagaih saong mek hu sản lượng prong. Ikan pablei hu yaom glaong, dalam tuk nan yaom menyek diesel meng labaih 20.000 đồng trun daok meng 13.000 tal 16.000 đồng sa lít, nan ye kein laba yaok mbang nao taong ikan biak glaong. Kein laba dalam thun bloh jaik 500 triệu đồng. Urang taong ikan Tạ Văn Sang lac: Meda lac thun ini kayua yaom menyek lap, mikva jeng hu kein jang. Daok yau dom thun dahlau yaom menyek glaong, mikva jeng lah, jien padai nyu jeng lah tui.)

Urak ini, urang taong ikan di dom bhum tasik hu mbang tui Quyết định 48 di Raja-ei tapa bruk daong jien menyek. Yaok thun,  1 sruh gilai công suất jaik 450CV pak huyện pulao Phú Quý hu Karja daong 300 triệu đồng ka 4 mbang nao taong ikan di tasik atah. Nan lac yaom jien oh takik ngan haong mikva urang taong ikan. Thun bloh, huyện pulao hu ngak bahrau 22 sruh gilai công suất prong, patagok sruh gilai angaok pulao  labaih 1.200 sruh, ngan haong công suất abih tih 103.800 CV. Dom kapul gilai taong ikan di tasik atah saong gilai dịch vụ duah blei, hậu cần nghề ikan nao tasik ralo harei ngak mbang dak harei dak hu kein laba.

Tui Ủy ban bhap bani huyện Phú Quý, taong abih sản lượng kaya ikan dalam thun 2015 di huyện mek hu labaih 25.000 tấn, rilo jang kế hoạch ba tabiak labaih 1.000 tấn. Sản lượng prong, yaom glaong, min yaom menjek lap jang, nan ye urang taong ikan huyện đảo patagok jien mek tame, sahanang hatai nao tasik. Ong Nguyễn Văn Linh, Phaok Akaok Ủy ban bhap bani huyện pulao Phú Quý brei thau, huyện tuk halei jeng thau lac taong mek kaya ikan nan lac gah ngak kinh tế chủ lực: Khaol dahlak daok  pathau khan, jak ba saong tacei pato dom gah liên quan piah ngak habar palaghaih ka urang taong ikan hu nao taong mek ikan di tasik atah. Gam haong sarak 67 jang yau Quyết định 48 ka bruk daong jien menyek meda daong ka urang taong ikan ndam gam haong tasik, nao taong ikan atah, abih di nyu lac nao taong mek pak labik Trường Sa saong nhà giàn DK1.

Sa thun taong mek kaya ikan jayak, urang taong ikan huyện pulao Phú Quý hu mbang Tết Bính Thân trei sil jang. Urang daok chreih chai kuhria caga ka dom mbang nao tasik dalam thun baharau hadei di Tết Nguyên đán./.