Huyện  Bắc Bình lac labik hu ralo bhap bini Chăm di abih dalam tỉnh Bình Thuận, rilo meng daok di 3 xã Phan Thanh, Phan Hiệp saong Phan Hòa. Duk saong dom puk palei Chăm karei, rai diuk  di bhap bini Chăm labik ini hu salih barau mboh di anak meta. Yau xã Phan Hiệp  - sa xã pasak di huyện Bắc Bình. Taphia dom công trình hạ tầng palei pala yau: điện, jalan, blai iek ruak hu padang ngak khang kajap; dom cơ sở sang bac  jeng hu ngak pasiam, ngak barau, dak harei dak pabak ka bruk pato saong bac di bhap bini Chăm. Urak ini, xã Phan Hiệp hu sa sang bac tiểu học, sa sang bac THCS, sa sang bac mẫu giáo saong sa sang bac THCS bangsa gam bac gam daok pakat huyện; dalam nan sang bac tiểu học, sang bac mẫu giáo mek hu tanut chuẩn pakat negar; yaok thun jeng hu anek saih urang bangsa Chăm hu nao bac di dom sang bac đại học saong cao đẳng. Amuk Long Thị Huỳnh – Bí thư đảng ủy xã Phan Hiệp, huyện Bắc Bình, tỉnh Bình Thuận brei thau:

Sap Chăm

Anai Gru Phan Thị Mỹ Dung, Hiệu trưởng sang bac mẫu giáo Phan Hiệp jeng brei thau ka bruk đầu tư, iel glang bruk pato megru, abih di nyu nan lac ngan saong dom adei umo bac mẫu giáo dalam bhap bini urang Chăm daok dalam palei. Anai brei thau: 

Sap Chăm 

Mai rivang xã Phan Hòa, huyện Bắc Bình, kol dahlak biak chreih hatai anak sambo hijao mekre di dom mblang hamu padai saong dom danao craih praong hu yaok pluh ribau bingu craih rak meriah mbaok danao. Ong Nguyễn Văn Nam, akaok kapul urang nông xã Phan Hòa, tỉnh Bình Thuận brei thau: urak ini, langiu bruk pala drak, thâm canh tăng vụ labaih 100 ha padai, mikva dalam xã daok pandar danao pala labaih 60 ha craih, mek jien tame rilo jang 2 mbang duk saong ngak padai. Langiu di nan, mikva daok patagok bruk raong glang labaih ribau drei athur raong, menuk ada. Meng nan, raidiuk bhap bini Chăm labik ini hu trei sil jang dahlau. Ini lac bruk jak jeng njauk uan tabuon di sarak salih janih phun pala di karja palei jeng yau bruk salih barau akaok saneng di mikva Chăm dalam bruk patagok kinh tế . Ong Nam lac: 

Sap Chăm

 Gam saong bruk sangka di Đảng saong karja, bruk pachreih ba di karja palei, bhap bini chăm huyện Bắc Bình daok patagok bruk jum pataom, kham merat ngak mbang piah padang rai diuk trei sil, hanem phol./.