Jang tuk halei karei, bruk sangka, daong uranaih brei hu ba tagok dang akaok

Tui yaok pataom di Mintri Lao động-Thương binh saong Xã hội, dalam mbang jit COVID-19 ka 4 meng di harei 27/4 tal urak ni, dom sarak daong ka uranaih F0, F1, urang kumei matain, urang raong anek sit ala 6 thun hu peih ngak samar drah. Hu labaih 108 ribau urang praong saong uranaih F1 hu daong jien mbang abih tih jaik 116 tỷ đồng. Gam haong nan, 13 paok tài liệu, 200 ribau tapuk brei thau hu ngak saong hu ba nao tal labik brei daok karei pataom gauk, dom baoh sang saong rahra, bruk sangka prein yava akaok saneng ka uranaih samar hu sangka peih tabiak. Ong Trần Ngọc Sơn, Phó Giám đốc Sở Lao động-Thương binh saong Xã hội ban raya HCM, labik jit COVID-19 daok rahtabiak sarau kadau brei thau lac, tal urak ni Sở hu rilo jalan langyah daong samu ka uranaih njom ruak atau gaok kan kandah kayua jit ruak:“Sở Lao động-Thương binh saong Xã hội ban raya hu padang cơ sở dữ liệu, brei thau yaok harei dom bruk uranaih njauk kan kandah kayua jit COVID-19, samar pambuak bruk haong dom labik piah langyah, daong ka uranaih dalam labik pacang viek, labik brei daok karei. Padang mã QR piah thau samar angan di bhap bini yaih khan ka dom uranaih sang biak kan kandah. Dom dữ liệu yaok pataom hu payua tal dom gah pabak dịch vụ saong dom puk, palei piah ngak brei cambaih laih, samar langyah dom bruk di uranaih

Jang tuk halei karei, bruk sangka, daong uranaih brei hu ba tagok dang akaok. Yaok bruk pambuak tal uranaih, bhap bini meda ieu phone tal Tổng đài pakat negar daong uranaih 111 piah hu daong samar drah. Ong Đặng Hoa Nam, akaok Cục uranaih, Mintri Lao động-Thương binh saong Xã hội brei thau: Tổng đài ni daok lac jalan phone daong jalan, peih bruk sangka prein yava, hatai sahneng ka uranaih, pacang caga bruk sarau kadhau akaok saneng ka uranaih dalam tuk jit ruak COVID-19: “Khol dalak hu pambuak haong dom chuyên gia tâm lý, dom urang halain hatain pambuak bruk langyah hatai saneng tal dom labik pandiak, dom labik brei daok karei hu rilo uranaih. Khol dahlak daok pambuak bruk haong kadung jien uranaih Liên hợp quốc (UNICEF) saong dom kapul dunya karei roh duah, taong yaom dom kan kandah di jit praong COVID-19 piah meda ba tabiak jalan daong ka Rajaei, Thủ tướng Rajaei saong dom Mintri, dom gah hu jalan langyah, sarak anak di meta saong hadei di jit praong”

Amuk Nguyễn Thanh Ngọc, Cục taong, iek ruak, Mintri Y tế brei thau, dom bruk urak ini brei mboh uranaih takik njauk ruak trak saong takik metai kayua njom COVID-19 dut saong dom umo thun karei. Min, bruk praong lac njauk pato pakai uranaih dom jalan pacang caga ruak, yau ye khik paatah di gauk piah hu salamat, plaih labik hu rilo manuac saong taom gaok jaik, cuk pataik pacang mbaok ka nyu njauk saong bhian rao tangin. Abih di nyu nan lac, njauk samar hu jalan klauk vaccine caga COVID-19 ka uranaih dalam tukvak samar di abih:“Rilo mbang ieu phone tal khol dahlak brei mboh lac, amaik ame njauk daok karei labik ni, dom anek njauk daok karei labik dieh, kayua yau nan ye kurang bruk sangka di sang, di gauk gar. Dahlak saneng njauk roh duah jalan ngak habar dalam labik daok karei hu amaik ame saong gauk gar dalam sang gam haong dom kamuan piah iek glang hu siam jang. Tuk hu vaccine kayua Việt Nam roh duah saong vaccine meng negar langiu mai brei ka uranaih ala 18 thun ye khol dahlak kham marat brei klauk dahlau di abih ka dom urang ini”

Urak ni Mintri Lao động-Thương binh saong Xã hội pambuak haong gah y tế daok daong ka UBND dom tỉnh, bal padang dom jalan ngak cambaih laih tuk Việt Nam peih tabiak bruk klauk vaccine caga COVID-19 ka uranaih. Gam haong nan, brei sangka, taong ruak dahlau di abih ka dom uranaih njom COVID-19 di dom labik taong ruak/.

Urang lang: Thu Thao – 14/09