Ong Trương Tiến Dũng, akaok Cty Cổ phần Pablei salih kaya ikan Sài Gòn (APT), brei thau, labaih 400 urang ngak di Cty hu rami ramik tani tanat labik mbang ndih saong ngak bruk di sang mac. Công ty hu mek abih dom duk ngak bruk, labik sang padeih padei ka chuyên gia, dom sang điều hành piah ngak labik ka urang ngak hu labik daok siam mekre, hacih sa-at saong mbuan laghaih di abih.

Jeng tui ong Dũng, bruk peih ngak tui bruk “3 di labik” (ngak di labik, mbang di labik – padeih padei di labik) atau “1 jalan nao, dua labik” (nan lac tok hu sa jalan nao meng labik ngak tal labik daok di urang ngak, meda palih ruah ký túc xá, khách sạn, labik daok pataom gauk ka urang ngak) kayua UB bhap bani bal raya HCM patabiak yaom lac samar drah min DN jeng oh gaok kan kandah rilo. Kayua dahlau di nan, Mentri Y tế hu panuac kakei peih ngak dom jalan nan ka dom DN.

Khan ka bruk ini, amuk Lê Bích Loan, Phaok mban khik iek labik Ilamu glaong bal raya HCM brei thau, di labik ilamu glaong, bruk tacei pato DN peih ngak siam mekre, dalam nan hu ramik labik mbang ndih pataomgauk ka urang ngak hu peih ngak meng bilan 6. Dom DN hu rilo jien ndo hu pambuak bruk haong dom po khách sạn, labik sang trọ piah brei ka urang ngak daok pataom gauk saong peih bruk pajeng ba urang ngak. Hadei di tuk bruk ini hu bal raya ba tabiak, hu 75/85 DN pabak hu bruk pacang caga jit Covid-19.

Yau nan min, taphia dom DN peih ngak siam bruk pacang caga jit ruak jeng daok hu rilo DN oh pabak hu bruk pacang caga jit saong njauk kreik pabah mbang sang mac. Rilo di abih nan lac DN ngak gah jhik, menyim, kalik takhok.

Ong Phạm Xuân Hồng, akaok Kapul Jhik menyim bal raya HCM brei thau, jaik abih DN jhik menyim jeng brei padeih ngak. Makna oh lac oh ngak hu dom kadha piah pacang caga jit bo kayua urang ngak biak rilo, oh khik hu siam mekre ka urang ngak jeng yau jien padai piah daong. Meng bruk kuhria caga di DN anak dom adat bahrau ka pacang caga jit Covid-19, ong Phạm Thanh Trực, Phaok mban khik iek labik chế xuất – ngak kong bal raya HCM (Hepza), brei thau, taphia rilo DN peih ngak siam saong pabak hu bruk “3 di labik”, jeng daok hu rilo DN gaok cuang kandah oh ka peih ngak hu, daok dang anak bruk mbuan njauk kreik pabah mbang brei padeih ngak.

Njauk thau lac, meng bilan 6-2021, Hepza hu khan brei thau dahlau lac njauk kuhria caga peih bruk brei daok atah gauk piah ngak bruk, khik kajap bruk pacang caga jit min rilo DN oh caik hatai tal. Urak ini Hepza daok kham merat taduan mek harak tut angan, daong tacei pato piah ba mbuan lagaih di abih ka DN peih ngak “3 di labik”. 

Peih ngak bruk “3 di labik” meda ba tal patagok jien buh tame, dalam nan rilo meng lac jien mbang jien ndih, jien dut iek Covid-19. Anak bruk yau nan, rilo DN brei thau, meyah ramik hu labik brei ka urang ngak mbang ndih saong pasang iek hu ye njauk brei dui atah bruk dut iek Covid-19, pambuak haong xã hội hóa bruk dut iek Covid-19 piah trun tukvak cang di urang ngak, daong ka DN khik hu bruk ngak gam gam. Oh padeih di nan, rilo DN daok hu panuac caong lac, dom bộ ngành njauk hu tacei pato yau gauk piah oh daok bruk gar jalan pajeng ba pandap panda di dom tỉnh bal./.

Urang lang: Jasi -22/07/2021