Oh lac baha Hang bo taong abih dom baha Khmer di Trà Vinh hu padang ngak angaok taneh praong, rilo phun kayau praong. Min, dahlau daih phun kayau praong hadei di tuk tak mek kayau padang ngak baha ye got bhian klak saoh atau mek ngak nyuh. Pluh thun dahlau, dalam sa mbang nao hoằng pháp di tỉnh Vĩnh Long, hòa thượng Thạch Suông, chủ trì rai ka 23 di baha Hang hu mboh saong njauk hatai anak pandap ngak tabiak meng got kayau nan ye ong pachreih ba nghệ nhân labik ini mai pato saong padang xưởng điêu khắc di baha. Hòa hượng Thạch Suông, chủ trì baha Hang brei thau:

 “Dahlak sahaneng khin brei got kayau hu yaom glaong ye tok di hu bruk điêu khắc ini. Tapa điêu khắc got kayau hu jeng pandap meda parang iek dalam baha. Lingiu di nan,  dom sư jeng bac hu bruk ngak, tuk  hoàn tục meda hu bruk ngak piah diuk rai”.

 Thun 2005, hu bruk pachreih ba di karja palei, sư cả Thạch Suông dang tabiak padang klup kapul điêu khắc baha Hang hu labaih 10 urang nan lac dom ong bhik hu tangin gheih ngak, piah gam peih praong bruk pato bruk ngak ka likei dam Khmer gam yaih khan pandap. Meng nan pandap dak harei dak hu ralo urang thau tal jang. Saai Sơn Chụm palei daok di tỉnh Sóc Trăng mai tal baha Hang bac bruk ngak labaih meteh thun ini mai, brei thau:

 “Dahlau daih dahlak jeng nao tu dalam baha, saong mboh pandap điêu khắc di labik ini đăng angak báo, ngan saong ralo tác phẩm gheih; dom linh vật ngak meng got biak mekre meta nan ye dahlak likau amaik ame mai ini bac bruk ngak”.

Bruk njauk biai di klup kapul điêu khắc baha Hang nan lac pato bruk ngak brei saoh oh mek jien. Klup kapul ngak bruk tui jalan lac urang bac dahlau pato veik ka urang bac hadei; yaom jien mek hu meng pablei pandap, hu rik meneing tame kadung jien padang ngak baha, daok veik bayar công ka dom ong bhik nghệ nhân saong blei kayau. Tal urak ini “sang bac pato bruk ngak” ini hu daong ka yaok rituh ong bhik, likei dam Khmer dalam saong langiu tỉnh hu sa bruk ngak khang kajap hadei di tuk hoàn tục. Dalam dom urang ini hu ralo urang hadei di tuk bac bloh bruk ngak, mai sang hu peih cơ sở, hu jien mek tame tani tanat yaok bilan meng 5 tal 7 triệu đồng. Ong Thạch Sô Phiếp daok di xã Hòa Lợi, huyện Châu Thành sa dalam dom urang bhian hu bac bruk ngak di baha Hang, urak ini hu diuk saong hu rai diuk kaya meda meng bruk điêu khắc kayau brei thau: 

 “Ngak hamu ye oh pandar abih pren yava jeng yaau tukvak laneng lanoi. Bruk điêu khắc ini nyu biak lagaih saong pren, ilamu di drei, meyah drei gheih, ngak hu dom pandap siam, pachreih urang ye giá trị hu patagok, jien mek tame glaaong jang piah kuhria ka rai diuk”.

Labaih pluh thun ngak bruk, klup kapul điêu khắc baha Hang oh lac ngak tabiak yaok pluh ribau pandap gheih yau: Tứ linh, Cửu long tranh châu, Song phụng, Song ngư, 12 drei anek lisak; ralo pandap brei thau ka bruk diuk rai, ngak mbang pala drak di urang Khmer Nam bộ bo daok lac labik brei ba cảm hứng, pato veik ilamu ka dom baha Khmer khin padang xưởng điêu khắc pato veik bruk ngak. Tui nan, tal urak ini di Trà Vinh hu 8/142 baha Khmer dalam tỉnh hu xưởng điêu khắc kayau, pachreih hu jaik sa rituh urang ngak bruk gam gam. Langiu di nan daok hu dom baha di dom tỉnh Cà Mau, Kiêng Giang saong Sóc Trăng jeng brei menuac mai bac, padang xưởng chế tác piah pataoa bruk ngak ka ong bhik, anek kamuan phật tử di drei. Ong Dương Quang Ngọc, Phaok giám đốc Sở Lao động, Thương binh saong Xã hội tỉnh Trà Vinh brei thau:

 “Tukvak anak tal kol dahlak pambuak bruk saong mban bangsa tỉnh, kapul jum pataom ong bhik ruah duah jang bruk ngak ini, min oh lac eng bruk điêu khắc saoh bo kol dahlak ruah duah ba tame dom bruk ngak karei tra. Yau dom bruk duh ka bruk nao ngak công nhân ka dom doanh nghiệp, bruk ngak patagok kinh tế baoh sang piah peih praong di dom baha karei”.

Tapa labaih pluh thun padang tagok, klup kapul điêu khắc baha Hang brei mboh hu bruk kein laba bo nyu ba mai. Klup kapul oh lac daong ka dom likei dam Khmer caong hu nao tu tui adat cambat meng kan – abih di nyu nan lac dom likei dam oh hu điều kiện tame sang pato bruk ngak công lập, hu sa bruk ngak piah padang rai diuk siam jang bo daok rik daong khik ramik ilamu bangsa Khmer Nam Bộ./.