Phường Phú Thủy lac labik pataom rilo anek saih, sinh viên, urang ngak dalam saong langiu tỉnh mai daok saong ngak bruk. Nan ye, bruk brei pah sang trọ di labik ini tamuh khang, ba tui dom bruk oh siam ka tệ nạn xã hội, bruk khik iek an ninh trật tự jeng gaok rilo kan kandah. Anak bruk yau nan, bruk “Kalup kapol dom po sang trọ daong gauk patagok kinh te” di dom urang đoàn dam dara hu padang tabiak. Tapa nan piah ngak jeng labik daok siam mekre, salamat, ka dom urang mai pah sang daok saong daong ka dom urang đoàn patagok kinh tế.

Sa-ai Nguyễn Đức Mạnh – Bí thư Đoàn phường Phú Thủy brei thau: “ Kalup kapol dom po sang trọ daong gauk patagok kinhk te” urak ini hu 10 urang đoàn hu mbaok tame. Urang hu takik abih lac meng 4 -5 bilik, rilo ye hu meng 10-20 bilik. Kalup kapol pambuak saong dom cei nai dalam Mban khik iek khu phố, tuk hu menuac khin pah sang trọ meda tacei pato nao tal urang di Kalup kapol piah iek sang, ndem meyai nao mai. Urang pah meda duah angaok blah fanpage Đoàn phường Phú Thủy atau tapa dom urang đoàn dam dara tacei brei. Kalup kapol hu ngak jeng labik diukrai siam mekre, salamat, kham merat daong ka gah chức năng palei dalam bruk khik iek labik daok. Tame rivang iek dom labik sang trọ di dom urang dalam Kalup kapol meng mboh bruk laneng lahei, hacih sa-at di labik ini. Abih di nyu nan lac, dalam tuk jit ruak, dom urang daok gar tavak, oh hu bruk ngak atau lahik bruk ngak, dom po sang trọ hu daong trun jien pah sang. Yaom trun meng 200.000 -500.000 đồng; hu tuk trun meteh yaom jien pah sang. Gam haong nan, Kalup kapol kham merat pathau khan, kakei urang pah sang khik brei salamat labik daokjeng yau di dom labik sang trọ, khik kajap bruk “ Labik daok di bhap bini oh hu dam dara pambak tal bruk tệ nạn xa hoi”

Adei Nguyễn Thị Mỹ Linh, anek saih sang bac THPT Phan Chu Trinh brei thau: “ Sang adei daok di Hàm Thuận Bắc tame Phan Thiết pah sang daok piah nao bac. Tapa dom urang đoàn, adei hu tacei nao pah sang daok Di kalup kapol. Pak ini, dom ayut iek tui hatai caong khin, tacei brei adei pah labik daok yaom lap, jaik sang bac, lagaih nao mai. Adei daok pak ini hu labaih sa thun ye, labik daok hacih sa-at, salamat, daong ka adei sahanang hatai bac megru.”

Hu thau, anak tal, Kalup kapol daok brei pambak praong saong paglong dom bruk siam, daong ka bruk ngak nan cak rok patagok siam lagaih./.

Urang lang: Aí Nghiêm - 24/11/2021