Rilo urang mai duah bruk ngak di tuk puac thun 

Urak ni, meng bruk patagok di internet, công nghệ glong, dom jalan lau pachot dak harei dak rilo jang, kan thau jang. Hu oh takik dam dara njauk lah pachot tuk nao likau bruk ngak, rilo di abih lac dom bruk pablei salih “đa cap bien tương”.

Meng hatai khin duah bruk, Hoàng Oanh - sinh viên thun puac sang bac ĐH Cong nghiep thuc pham ban raya HCM mboh khaw tin palih ruah “bruk hanjual, jien bilan glong, oh cang hu ilamu” angaok mạng xã hội nan ye chreih chrai tut angan tame, min tuk tal labik ye thau lac drei gaok khol bleik saleik:

      "Adei likau bruk tapa blah facebook  ye urang tacei labik ka adei. Tuk adei tal ye hu sa auyt sinh viên trun song ndom lac “jhui buh jien hagait ka khol nyu, hulin njauk  lah pachoh  nan”. Hu sa ong mbaok biak jhak tabiak preo “Hư ndom gait?” blaoh pateok ayut nan nao sang. Adei mboh huac min dok la pang song nyai lac drei nao ngak. Tuk mai sang bloh ye adei lac oh nao ngak"

Oh patuah yau Hoàng Anh, Tuấn Anh - sinh viên thun ka 3 sang bac  ĐH Cong nghe TPHCM lahik sa pok jien ka bruk đa cap bien tuong:

"Adei taduan hu  tin nhắn di sa ayut. Tuk adei tal labik ye urang yaih khan ka biak rilo menuac jak jeng, duah hu rilo jien. Adei jeng gam tame labik nan labaih sa bilan, lahik sa pok jien, bloh meng thau lac drei njauk lah pachot"

Trung úy Tăng Trần Minh Châu – urang jakar  Jabat Canh sat kinh te ban raya HCM brei thau urak ni kol bleik saleik bhian mek angan lac pato pakai ilamu ngak bruk.

"Dom urang pablei salih đa cap bien tuong bhian ba tagok mạng lac caong pilih ruah menuac ngak, hu jien bilan glaong, tuk vak ngak bruk mbuan lagaih hong SV; daa dom ayut hu mbaok tame  nyaom biai, pasram megru dom asar kadha “padang mbang ngui”, “patagok ilamu pablei salih”

Langiu di bruk  đa cap bien tuong ye dok hu dom bruk pachoh karei pamong tame sinh viên tui jalan palih ruah  ba urang nao ngak bruk di negar langiu song abih di nyu nan lac  brei mesraiy jien  song mek laba "kaoh takuai". Trung úy Châu Đức Nhân – urang jakar kapul Canh sat kinh te CA Quan 1 brei thau:  dalam thun  2020, hu tong tayah  sa kapul brei mesriy mek laba glong, dalam nan dui tame hu jiak  100 sinh viên, ngak jeng bruk SV “pachot” SV.

"Kol bleik saleik nan nyu pataom sinh viên tame ngak bruk haong angan lac menuac duah tuai. Dom tuai duah hu rilo meng lac SV. Tuk oh daok hu jien bayar sraiy, khol nyu ieu phone preo puac ngak brei huac, ba tagok angaok dom  mạng xã hội bo ayut hu mbaok piah ndaok jien"

Tuk gaok kol bleik saleik, lau pachoh, njauk kol nyu blah mek drap ar, preo puac ngak brei huac, dom ayut sinh viên njauk nao tal jabat CA piah khan brei thau chip. Piah plaih nao likau bruk ngak njauk di dom Cty đa cap bien tuong,Muk Trần Lê Thanh Trúc – Akaok jabat Bruk ngak - An toan lao đong, di So LĐTBXH  TPHCM hu panuac kakei  sinh viên duah thau bruk palih ruah di dom pasak dịch vụ ngak bruk hu angan je.

Praong di abih lac brei thau hu labik halei  hu brei harak adat.Urak ni di ban raya HCM hu pasak dịch vụ ngak bruk  di Sở LĐTB&XH TP song pasak  dịch vụ bruk ngak dam dara di  Thành đoàn.Langiu di nan, Sở jeng hu brei adat  ka 121 doanh nghiệp ngak bruk  dịch vụ bruk ngak"

Nao likau bruk ngak min njauk lah pachot, ngak ka sinh viên lahik jien ndo, sahneng mboh huac blaoh ruak kik, atau ba tangin tame daong kol bleik saleik, pablei salih lau pachot, mbuan gaok metai lahik.Kayua yau nan ye,sinh viên brei gam gam duah thau ka dom jalan lau pachoh, pabak ilamu nao likau bruk ngak saong brei thau jalan pacang caga tuk gaok njauk bruk kan kandah ni./.

Urang lang: Hanipha- 15/1