Sarak daong urang ngak saong urang pandar manuac ngak njauk kan kandah trak damak di jit praong Covid-19

Akaok Mintri Lao động Thương binh saong Xã hội Đào Ngọc Dung brei thau: Bruk padang sarak daong kapul urang ngak bruk tự do mbang ini hu bac magru meng paok daong dahlau, tui jalan mbuan lagaih di abih piah ka urang ngak hu mbang tui sarak biak mbuan lagaih di abih.

Taong abih jien daong, yaom lac samu 1/3 dut saong paok daong 62 ribau tỷ dahlau nan, min paok daong 26 ribau tỷ ni pataom tame njauk manuac, njauk labik, oh klaak urang halei oh hu mbang tui jien daong saong lac sa bruk piah daong prein urang ngak gaok kan kandah. Abih di nyu nan lac, bruk bahrau abih di paok jien daong mbang ini lac brei ka dom tinh, ban eng drei ba tabiak angan dom urang hu mbang tui jien daong. Bác sỹ Nguyễn Thu Giang, Phó Akaok Viện cak rok patagok rahra, Akaok mạng lưới urang ngak di cư brei thau: kein laba camriep abih di bruk jao ka dom tinh, ban eng drei ngak lac samar saong samu, kayua angan hu tinh, ban pasang iek saong pataom ginup khau tin cambaih laih: “Paok daong mbang ini cambaih laih jang. Khol dahlak mboh paok dang mbang dahlau dieh biak suai, adat ngak biak kan kandah, 3 tal 5 bilan urang ngak jeng ka oh taduan hu paok jien daong. Min mbang ini lac karei jang,drei maong mboh nyu siam lagaih jang. Pagap yau di ban raya HCM hu peih bruk daong ka labaih 800 tỷ dalam nan hu gam kapul urang pablei vé số, radaih kuan…yau ye bruk jao angan ka tinh, ban hu siam lagaih jang biak rilo.”

Akaok mintri Lao động Thương binh saong Xã hội Đào Ngọc Dung brei thau, bac magru meng bruk peih ngak paok daong 62 ribau tỷ, paok daong mbang ini sangka paglaong bruk pasang iek veik, patagok bruk pasang iek di Mặt trận negar dom pakat, Tổng Liên đoàn lao động Việt Nam. Dalam tuk ngak, pok paglaong bruk ngak di urang dang akaok: “12 kapul urang hu mbang tui sarak hu brei thau cambaih laih yau ye: jalan peih ngak, tukvak ngak, jalan langyah saongparabha pakat biak cambaih laih; paglaong bruk ngak di urang dang akaok, pak ini lac akaok UBND tỉnh, huyện. Dalam tuk ngak, khol dahlak jeng gam ngak gam ramik veik saong paglaong bruk pasang iek hadei; paglaong bruk pasiang iek di mặt trận negar; Công đoàn saong kapul nyaom..”

Mayah paok daong 62.000 tỷ đồng hu tukvak langyah  adat ka urang pandar manuac ngak hu sraiy bi-yar jien bilan, padieh bruk, meda tagok tal 1 bilan 10 harei, ye ngan haong paok daong ini, tukvak langyah daok 7 harei min. Kayua yau nan ye, bruk patakik harak gar piah daong ka bhap bini saong doanh nghiệp hu mbang tui sarak samar di abih.   

Tui Akaok Mintri lao động thương binh xã hội Đào Ngọc Dung: ngan haong paok daong mbang ini tui tacei pato di Mintri Chính trị, Quốc hội, Rajaei tabiak sarak daong urang ngak saong urang pandar manuac ngak njauk kan kandah trak damak di jit praong Covid-19: “Sarak mbang ini, ngan haong dom urang yau nan ye rami ramik ngak dom sarak biak cambaih laih, dalam nan hu 3 kapul sarak praong abih. Ka 1 lac kapul daong tapak jien mbaok ka dom urang ngak njauk brei padieh harak pambuak bruk. Kapul sarak ka 2 lac pataom tame piah patrun jien, daong meng dom sarak bảo hiểm yau ye: Bảo hiểm khik salamat ngak bruk, bảo hiểm padieh hưu, metai lahik saong bảo hiểm pacang lahik bruk ngak. Kapul sarak ka 3 lac daong piah  pasiam bruk ngak, bo  cambaih laih lac brei pabak veik phun jien saong mek meneing meng Kadung jien bảo hiểm lahik bruk ngak piah ngak pasiam, piah pato pakai, pasram megru paglaong ilamu khik takai urang ngak piah pasiam hadei di jit Covid-19.”

Akaok Mintri Đào Ngọc Dung jeng brei thau: Taphia di dom urang lahik bruk ngak, padieh harak ngak bruk, njauk padieh ngak, ngan haong dom urang lac F0, F1, F2 jeng hu tacei tabiak cambaih laih dalam paok daong ini: “Rajaei tacei tabiak cambaih laaih: taong abih dom urang taong ruak Covid-19 (atau daok ieu lac F0) saong dom urang brei daok karei F1 (nao daok karei) jeng hu mbang tui sarak daong abih tih yaom jien taong ruak. Gam tui di nan, daong jien mbang 80.000 sa harei sa urang saong tukvak daong oh tapa 45 harei. Dalam tuk taong ruak, tukvak daong oh tapa 45 harei saong tukvak daong brei daok karei oh tapa 21 harei. Langiu di nan, yaok urang kumei matain hu daong pabak 1 triệu đồng; urang lac ame atau amaik  raong ranaih ala 6 thun jeng hu daong pabak ka yaok kamuan 1 triệu đồng. Ngan haong ranaih umo meng oh ka tal sa thun tal 16 thun ye hu daong pabak 1 triệu đồng. Daok ngan haong F2 hu dom tinh, ban pasang iek tui prein di pak nan blaoh jak ba kadung pahla karei, hu jien ye daong. Daok dalam sarak ni ka oh ba tabiak bruk daong nan.”

Meda ndem lac, bruk peih ngak Sarak 68 di rajaei ka nyu samar drah saong hu siam lagaih lac jalan ngak biak njauk hatai bhap bini, hu prein khang pambak tabiak, pabak prein ka bruk pacang caga jit ruak COVID-19, peih 2 bruk haong gauk di rajaei, daong pakhang hatai jia di bhap bini haong Đảng, haong Rajaei./.

Urang lang: Thu Thao – 23/12