Trạm y tế xã Châu Phong, ban sit Tân Châu, tỉnh AG hu taneh prong labaih 300 m² hu padang ngak song tong abih phun jien labaih 2 tỷ đồng meng kadung jien dong di Kapul trăng lưỡi liềm đỏ di Đại sứ quán Các Tiểu Vương Quốc Á Rập Thống nhất (UAE).Hu padang ngak song ba tame pandar dalam thun 2010, Trạm y tế hu ginup pandap panda jamriak, song ginup dom phòng chức năng yau: Sản, nhi, lao, tư vấn sức khỏe...khik ka bruk iek glang pren yava ka labaih 32000 urang dok di xã Châu Phong song dom bhum palei dok jiak tapen. Hanipha, urang vak di rayo sap ndom VN hu kadha vak khan ka bruk iek glang pren yava di Trạm y tế dok di bhum palei atah bayah ni.

Bahrau 7 tuk saboh mesup bo Trạm y tế xã Châu Phong dok di ấp Vĩnh Tường 1, ban sit Tân Châu hu biak rilo adei saai urang kamei Chăm chuh ngui pandap Chăm. Hu thau, harei ni Trạm y tế hu kapul y bác sỹ di ban raya HCM mai iek ruak song brei jru saoh ka mik va Chăm song rilo boh sang hu rai duik kan kandah di puk palei. Dalam dom thun jiak di ni, kayua ngak siam bruk pathau khan dalam bruk patagok pren yava ka bhap bini, dom kapul nyaom hu pambuak bruk song kapul urang kamei xã tacei pato ka dom amaik hu anek umo ala  5 thun thau tanek mbang ka nyu lagaih, parabha chế độ dinh dưỡng tui yaok tukvak, pandap mbang brei hu ginup dưỡng chất. Kayua yau nan ye, bo uranaih lavang lavaih dalam xã di thun 2013 nan lac 19%, ye urak ni dok 11%. Saai Marina, sa urang amaik rong anek 9 bilan brei thau:   

Băng tiếng Chăm: Dahlau di tuk kuhria ngak amaik ... hulin kham brei anek mam tal umo 2 thun.

Tui ong Nguyễn Văn Thi, Trưởng trạm y tế xã Châu Phong brei thau, dahlau deih mik oh krein randap ka bruk iek ruak di trạm y tế, khol hulin brei nao tal dom boh sang ngak krein jak ba mik va nao iek ruak. Hu dom urang ruak tuk ruak kik meda iek ruak meng jru tavoa di bhap bini, min urak ni mik va dalam bhum palei jia tame bruk iek ruak, yau nan ye bruk iek ruak dak harei dak patagok, số lượng urang ruak tal trạm y tế iek ruak dak harei dak rilo. Saai Phatimah, urang jakar iek gah pren yava urang amaik song uranaih di palei Phũm Soài, xã Châu Phong brei thau: 

Băng tiếng Chăm: Yaok bilan hulin kakei adei saai brei nao iek ruak định kỳ piah thau ka ruak song pacang caga njauk tukvak...brei thẻ BHYT ka dom boh sang kan kathaot, boh sang jiak si kan kathaot.

.

Taphia bruk iek ruak di labik ni, Trạm y tế xã Châu Phong dok pambuak bruk song dom kapul nyaom y bác sỹ di ban raya HCM, dom kapul nyaom iek ruak ngak pahla peih ngak dom danak dak y tế cộng đồng dok dalam palei yau pacang caga ruak liar dom, hacih saat pandap mbang menyum, pacang caga HIV/AIDS, pacang caga uranaih lavan lavaih, bruk dân số - kế hoạch hóa boh sang, pathau khan ka mik va bangsa takik di labik ni nếp sống vệ sinh mbang tasak menyum tasak, jak tah bruk mê tín dị đoan, dom adat cambat klak. Dalam dom thun gilac mai dom janih ruak bhian mboh yau pandiak tabiak darah, aik chraoh di dom xã tapen negar hu patrun. Taphia di nan, yaok thun trạm y tế xã Châu Phong dok peih ngak meng 3 tal 4 mbang langyah pren yava son brei jru saoh ka 200 tal 400 urang di labik ni song yaom jien meng 20 tal 40 triệu đồng. Saai Saroh, Akaok kapul urang kamei xã Châu Phong brei thau:   

Băng tiếng Chăm: Khoal hulin hu panuac ieu adei saai kamei chăm brei hu mbaok dalam bruk XH, yaok bilan.....khik ka boh sang saat gieng siam peih ngak mô hình 5 saoh 3 saat.

Mik va dalam palei biak bui sambai tuk hu trạm y tế xã piah iek ruak oh abih rilo tukvak , pren yava nao atah. Ni lac hatai cong khin di mik va di dom xã bhum atah bayah. Jalan ngak ni brei mboh bruk caik hatai sangka, buh brei ka gah  y tế di dom ban, ngành hu pambuak pagam tal dom bhum palei atah bayah, bhum mik va bangsa takik nan lac biak njauk piah gam pabak ka bruk iek ruak ka mik va, gam rik dong patrun patakik bruk quá tải di dom sang iek ruak di pasak. Gam song bruk nan lac bruk patagok KTXH, pamong palagaih ka mik va ngak mbang, tagok jien mek tame, pasiam patagok rai duik, katut panah bruk chênh lệch di urang dok di bhum atah bayah song urang dok di dom labik pasak, dom ban sit, ban prong./.