Sơn la chu dong pacang caga saong nguy co ghuah glai glaong

Tỉnh bhum ceik  Sơn La daok dalam dom harei pandiak ngin Lào di bilan thu thun ini, biak mbuan si khuah glai. Dom huyen daok mbuan si khuah glai pakat 4 – pakat nguy hiểm saong pakat 5 – pakat biak nguy hiểm yau: Phù Yên, Yên Châu, Mai Sơn, Quỳnh Nhai, Mường La. Kadha vak di Thanh Thủy saong Hồng Việt, urang vak di rayo sap ndom VN daok di bhum Tay Bac brei thau ka bruk nan. 

Dom harei jaik ini, nhiệt độ dom glai di Sơn La hu tuk tagok tal 34 độ C. Lingik thu lagu dui atah, angin Lào yuk khang, độ ẩm trun biar miat, oh hu hajan praong. Bruk khuah glai biak mbuan si rah tabiak di pakat 5, pakat biak nguy hiểm saong tuk halei jeng meda khuah hu. Amuk Lò Thị Chài daok di palei Chiềng Ban, xã Tú Nang, huyện Yên Châu brei thau: (tuk cuh apuh thei jeng huac khuah tapa glai nan ye, dahlau si cuh kol dahlak jeng ngak jalan băng cakak  apui, ramik hacih dom gah daok  taphia piah apui oh khuah tapa glai. Hu pathau khan rilo paje, nan ye bhapbini jeng thau ngak tui bruk tacei pato di urang jakar kiểm pak nan.) 

Tỉnh Sơn La hu jaik 700.000 héc ta glai ye hu tal labaih 250.000 hécta daok di labik mbuan si khuah, meblah labaih 30% abih tih taneh glai. Taphia di nan, bilan 3 jeng lac tukvak mikva cuh glai ngak apuh, ngak brei kapul kiểm lâm kan si pasang iek hu bruk khuah glai.  Ông Nguyễn Văn Kỳ, akaok Hạt kiểm lâm Mai Sơn lac : (Huyện hu ngak dom bruk biak siam, brei bruk cambaih laih ka dom urang. Abih di nyu nan lac patabiak quy ước khik caga cakrok glai dalam bhapbini puk palei nan ye, paglaong hu hatai sahneng ka trach nhiem di karja palei, dom po glai jeng hu dom jalan ngak piah pacang cakak  bruk khuah glai” 

Meng akaok bilan bhang tal ini, 2 mbang khuah kayua cuh hamu puh  dalam taneh glai di tỉnh Sơn La hu samal mboh saong brei thau tapa hệ thống brei thau samal di Cục kiểm lâm. Tal tukvak ini, karja puk palei, Hạt kiểm lâm dom huyen gam saong mikva palei hu njauk gauk ka jalan pacang caga khuah saong padam khuah glai. Kadha barau duk saong dom thun lac thun ini, yaok sang brei sa urang tabiak tui iek, khik caga glai.  Ông Sòi Ngọc Dũng, Phó akaok Sở ngak nong saong patagok palei pala, akaok Chi cục kiểm lâm tỉnh Sơn La brei thau : ( Kapul kiểm lâm Sơn La hu pasang iek bruk cảnh báo khuah glai dalam tỉnh, labik halei mbuan si khuah ye pataom tame pasang iek, samal duah mboh bruk khuah glai. Kiểm lâm hu brei bruk khik iek di dom xã brei pambuak haong bhapbini, tui pagam haong glai, haong karja piah pok panuac tagok pakat uy, karja palei paglaong bruk khik ramik di karja gah khik caga glai, pacang caga ghuah glai.

Ngak tui chỉ thị 1316 di mintri ngak nong saong patagok palei pala ka bruk patagok khik caga, pacang padam khuah glai, tỉnh bhum ceik Sơn La urak ini daok samal ngak pasiam piah samal ba tame pandar bản đồ pacang caga khuah, padam khuah tal yaok xã, hệ thống cảnh báo khuah tal dom po glai. Tapa nan meda ndom lac, taong abih gah jeng daok caga piah pacang saong khik caga glai dalam bilan thu thun ini./.

Thúy Linh