Dom thun dahlau diah, bhap bini bangsa Thái daok di Bản Tòng, xã Chiềng Khừa, huyện Mộc Châu tuk halei jeng dang anak bruk kurang ia pandar. Mikva labik ini caong tame ia njan angaok ceik atau ia craoh. Yaok harei, mikva ba gauk, ndua nong ia meng 5 tal 7 mbang ba mai sang pandar. Min ia ini oh ginup, kayua bilan pandiak ye ia thu, bilan hajan ia vik. Min, urak ini karei paje, danak dak patrun kan kathaot tukvak 2 hu buh jien tame pasiam veik jalan ba ia pandar hacih ka palei. Kayua yau nan ye, ia hacih hu ba mai tal yaok baoh sang, biak lagaih ka mikva  pandar ia. Amuk Hà Thị Khố, palei Tòng, xã Chiềng Khừa lac:

          Oh lac buh jien tame padang ngak, danak dak trun kan kathaot daok hu panuac iew palei Tòng padang kapul khik iek jalan ia, daong mikva padang quy chế pandar ia. Meng nan, mikva paglaong akaok sahneng jang ka bruk pandar ia, thau patak pataom ia, oh daok bruk peih ia klak ngak abih rilo ia. Dom bilan bhang pandiak, yaok dua harei kapul khik iek ia nao rah tapen craoh piah tagok tal bể gah angaok atah labaih 3km piah kareik peih van ia, pabak ia ka klau labik daok di  mikva. Sa-ai Hà Văn Xoang, Kapul khik iek ia  pandar bản Tòng, xã Chiềng Khừa brei thau:

Di dom puk palei bhum ceik glaong, kayua jaln nao mai kan kandah, atah bayah, nan ye bruk nao mai di mikva jeng gaok rilo kan kandah. Jalan sit, lingik pandiak ye dhur mur, daok hajan ye gluh baok. Meng tuk danak dak patrun kathaot mbang 2 hu peih ngak, rilo  jalan pambuak dom palei, jalan dalam palei jeng hu ngak siam, ba mbuan lagaih ka bruk nao mai, pajeng ba pandap panda di mikva. Yau ye, jalan nao khu sản xuất palei Thịnh A, xã Suối Bau, huyện Phù Yên; jalan betong dalam palei Sáo Me, xã Pá Lông, huyện Thuận Châu atau jalan betong dalm palei Nà Ớt, xã Nà Ớt, huyện Mai Sơn…hu ba tame pandar. Sa-ai Mùa A Dua, Akok palei Suối Cáy, xã Suối Bau, huyện Phù Yên khan lac:

Dahlau deih tuk biai saong mikva, oh ka hu danak dak ngak jalan ini ye nao trun palei diah lahik abih 30 minit. Min hu danak dak patrun kan kathaot peih jalan pambuak dom labik daoik di mikva abih 15 minit, nao apuh jeng mbaun lagaih. Mikva ngak mbangsaong pajeng ba  tangei rabai jeng mbuan.

Tapa 5 thun peih ngak di 37 xã biak kan kandah dalam dom huyện Vân Hồ, Phù Yên, Bắc Yên, Thuận Châu, Mai Sơn, Mộc Châu, dak dak patrun kan kathaot ba mai rilo siam lagaih, daong jhul kinh tế -xa hoi dom palei nan cak rok patagok.  Ông Cầm Phạn, Phó giám đốc Sở Kế hoạch - Đầu tư, Giám đốc Ban khik iek danak dak patrun kan kathaot tỉnh Sơn La brei thau:

Urak ini, danak dak trun kan kathaot daok peih ngak di 2 huyen Vân Hồ saong Mai Sơn, ngan saong dom xã langiu danak dak, nan lac tabiak jalan ngak hu mbaok bhap bini, bhap bini njauk hatai rilo. Mayah ba tame ngak di dom danak dak dalam tỉnh, yau padang ngak palei pala birau, trun kan kathaot khang kajap ye nan lac siam lagaih saong meda ngak hu biak rilo.

Dalam tuk daong pabak jien meng bilan 7 thun 2015 tal bilan 12 thun 2018, langiu bruk daong patagok cơ sở hạ tầng, bruk ngak mbang, Gilang pariak dunya daok hu tỉnh Sơn La ba jalan tame cak rok kinh tế xã hội di dom palei dalam tỉnh. Piah ngak siam bruk ini, brei hu bruk kham merat ba tangin tame  di dom pakat , dom gah, abih di nyu nan lac Uy ban bhap bini tỉnh Sơn La./.