Di grauk labik ceik glaong, grauk dom jalan Tây Bắc, labik halei jeng hu takai yam di sa-ai. Tuk dalam angan lac urang ngak nong nao daong ka bhap bini patagok bruk ngak mbang, patruh eik patrun kathaot, tuk lac urang lin Wa Hồ trun pathau khan, jak ba bhap bini ngak tui sarak di Đảng, hukum di Karja, sa-ai njauk lac sa urang anek di puk palei. Bích Thuỷ, urang vak di rayo sap ndom VN daok di bhum Tây Bắc hu kadha vak ka sa-ai - thượng uý Giàng Cha Ly, bangsa Mông, urang jakar dân vận, mBan chỉ huy quân sự huyện Sông Mã, tỉnh Sơn La.

 Ngan saong mikva urang Mông daok di palei Hợp Tiến, xã Huổi Một, huyện biên giới Sông Mã, tỉnh Sơn La, sa-ai bộ đội Giàng Cha Ly yau sa urang gauk gar dalam palei. Dom thun dahlau, puk palei ini srau kadau lô, abih di nyu nan lac jru phiel, di cư tự do, ieu tui agama suan hukum, eik lipa kathaot rambah yau kak pagam.  Lac urang jakar dân vận, sa-ai haong đồng đội oh lac harei atau melam, pambuak haong puk palei, oh thau glaih glar, pathau khan, jak ba bhap bini oh jia, oh pang tui kol kanjkah jhak, oh ba tangin tame daong ka kol tội phạm. Livik livik harei, mikva thau hu saong kham merat hu mbaok tame bruk mesruh pacang jru phiel ma tuý, oh daok di cư tự do, oh daok tui agama suan hukum. Meng hu sa-ai saong dom urang jakar, urang lin mai daong, puk palei hu siam mekre veik. Sa-ai Hờ Thị Mỷ, sa urang dalam palei, lac:Hu bộ đội Ly trun pathau khan, mikva thau hu bruk njauk, bruk suan. Urak ini, mikva dalam palei oh daok thei jia tui kol kanjak jhak, kham merat ngak mbang, patagokkinh tế sang.

Lac urang anek di palei Mông, menek tabiak saong praong tagok di bhum taneh ini, thượng uý Giàng Cha Ly thau cambaih makna ngak brei ka mikva eik lipa kathoat rambah nan mai meng hatai khin hu rilo anek saong bruk bhian randap oh daok sa labik. Taphia nan lac akaok sahneng di bhap bini daok biar nan ye mbuan njauk kol kanjah jhak lợi dụng. Meng mboh yau nan, sa-ai kham merat bac da-a saong nao ngak lin piah hu jalan mai daong bruk ka puk palei di drei. Hadei di tuk bac tamat trường Sỹ quan lục quân Sơn Tây, patui di nan lac trường sỹ quan chính trị Bắc Ninh, sa-ai mai ngak bruk di Trung đoàn 82 Điện Biên ngak trung đội trưởng huấn luyện bloh urak ini, lac urang jakar trợ lý chính trị iek gah tuyên huấn- Ban Chỉ huy Quân sự huyện biên giới Sông Mã. Lingiu bruk pato pasram, sa-ai haong đồng đội bhian trun puk palei piah duah thau. Meng thau cambaih puk palei, ndom biai meng sap di bangsa drei piah pathau khan brei mikva thau saong ngak tui sarak di Đảng, hukum di Karja; tacei pato mikva raong glang, pala drak, định canh định cư. Sa-a Giàng Cha Ly brei thau, piah ka bhap bini thau, bhap bini jia, njauk « 4 gam » haong mikva: Sa urang ngak bruk jak ba brei hu ilamu, pambuak haong bhap bini, thau bhap bini. Caong thau bhap bini, kol drei brei tame dalam bhap bini. Urang nan brei hu đạo đức siam, hu trách nhiệm haong rup drei saong bhap bini, brei njom tame dalam hatai tư tưởng Hồ Chí Minh.

Rilo thun gam ngak bruk pato pasram, đơn vị di sa-ai tuk halei jeng dang akaok di taong abih bruk. Tuk salih tapa gah chính trị, sa-ai hu ba tabiak jalan ngak dân vận di puk palei mek hu siam lagaih, daong langyah chip rilo cuang kandah mblo tabiak, ngak siam bruk pato pakai chính trị tư tưởng, dak padang nền nếp chính quy, pato pasram kỷ luật ka urang jakar, urang lin. Sa-ai hu pok brei rilo harak meyaom di dom pakat. Trung tá Vũ Đình Tứ, chỉ huy phó Quân sự, Ban chỉ huy Quân sự huyện Sông Mã brei thau: Giàng Cha Ly lac sa sỹ quan daok ranaih, abih hatung hatian ka bruk ngak. Giàng Cha Ly ngak bruk dân vận biak siam, bhian trun puk palei jak ba bhap bini padang ngak palei pala bahrau, pathau khan jak ba bhap bini jhui pang tui kol kanjah jhak nyu pacuh pajarak. Hu mbaok haong pakat uỷ, karja palei ngak siambruk Đảng, bruk chính trị.

Thượng uý Giàng Cha Ly biak njauk haong angan lac urang anek di puk palei Tây Bắc. Dom bruk ngak di sa-ai hu daong ngak brei mekre jang rup binguk dom urang lin  Bộ đội Cụ Hồ dalam hatai bhap bini/.