Tan Sơn tani tanat raidiuk ka urang vượt biên suan hukum mai veik palei

Bilan 6 thun 2013, pang tui puac kol kanjah jhak nyu pachot, Ksor Eli, daok di palei Tiêng 2, xã Tân Sơn, bat sit Pleiku pablei 2 sào meteh taneh ngak padai, mek 160 triệu đồng, nduac tapa Campuchia, blaoh nao tal taneh ia ka 3 lac Thái Lan. Oh ka bak 1 bilan hadei, H’ Ngọc, diuk di Eli jeng nduac tui pasang. Nao negar langiu, diuk pasang Eli meng tatuak drei mboh lac raidiuk pak ini nyu cagar veik haong panuac yaih khan siam mekre di kol jhak. Dom urang nan njauk daok dalam sang caik ka urang vượt biên suan hukum piah dauk cảnh sát; ngak glaih glan 12 tuk sa harei min jien bilan tok hu meteh duk saong urang negar nan. Dalam tuk having akaok, rambah rambup gam saong huac kanda, diuk pasang Eli taduan hu phone saong panuac sanya daong di ong Phạm Phụng, akaok uy mban bhapbini xã Tân Sơn, nan ye sahanang hatai mai veik palei negar. Ksor Eli lac :“Raidiuk di Thái Lan biak kan kandah saong glaih glan, njauk nao ngak apah, daok nduac dauk; jien pah, urang Thái ngak sa harei hu 700 tal 1000, min dahlak ngak sa harei hu 400 Bạt, ginup diuk tapa harei. Hadei di tuk ieu phone ye Cei Phụng jak ba kol dahlak mai veik VN. “ Hu bruk hagait cei Phụng kuhria brei, dom kamuan mai sang nao oh njauk hagait”, cei Phụng ndom yau nan. Hadei di tuk mai, cei Phụng daong ka sang dahlak mersaiy jien saong padang veik raidiuk barau. Dahlak jia lac raidiuk meda mbuan sahanag jang di taneh ia langiu.”

Hu jak ba mai veik taneh ia gam sa mbang saong diuk pasang Ksor Eli, Ksor Nai daok di palei Tiêng 2 jeng daok ba tangin tame bruk dak padang harei hadei. Harei, Nai pablei radaih patuh saong ba abih jien patak pataom hu piah klak sang nao, amuk A Lam, amaik di Nai hia rilo harei kayua duh hatai. Hadei di tuk taduan hu phone di anek likei, amuk Lam khan brei karja palei thau  piah daong ka Nai mai veik sang. Hadei di 2 bilan ngak bruk jak ba di cơ sở, Nai oh lac sahannag hatai mai veik taneh ia bo daok lac urang pathau khan, jak ba hu 6 urang karei dreih yau drei. Urak ini, dalam baoh sang haniem phul, bak sap klao jum pataom, amuk A Lam, amaik di Nai thau dhar phuan karja palei hu daong jien piah bilan hadei Nai ba tangin tame pala caphe. Amuk A Lam lac : “Tuk Nai klak nao, sang biak duh hatai, huac nyu lạc atau metai. Tuk nan, karja palei thau saong trun mai sang. Hadei ini, sang taduan hu phoen di Nai daok di Campuchia ieu mai caong hu daong, karja xã drak samal sanya, vak harak thư ngỏ, pathau khan urang dang akaok pakat glaong ba mbuan lagaih ka Nai gilac mai veik palei. Akaok puk palei jeng daong pandap panda yau : brah, mì tôm daong ka Nai tani tanat raidiuk tuk camrereip.

Tân Sơn lac xã daok tapen ban sit Pleiku, hu jaik meteh menuac urang lac urang bangsa takik. Yaom lac atah biên giới, min thun halei jeng mboh bruk urang vượt biên suan hukum. Dalam dua thun 2013 saong 2014, pak ini rah tabiak abih tih 15 mbang. Min thun 2015 ini, bruk ini hu pacang cakak. Lingiu di nan, bilan 7 meng bloh, xa daok jak ba hu 7 urang mai veik palei, kham merat ngak mbang patagok kinh te, tani tanat raidiuk.

Tui Đảng ủy xã Tân Sơn, alamu piah xã samal pacang hu bruk vượt biên suan hukum, tani tanat raidiuk bhapbini lac talei pambuak bruk biak khang kajap di gah chuc nang saong dom kapul nyom piah langyah samal saong blaoh blai dom bruk. Tuk công an xã mboh yau hu menuac khin vượt biên ye karja xã samal brei kapul ngak bruk trun pathau khan, langyah piah tani tanat akaok sahneng. Ngan saong dom urang vượt biên mai veik sang, kraja daong chip dom bruk camereip; tacei labik mesraiy phun jien, daong dom urang nan tani tanat raidiuk. Ông Phạm Phụng, Bí thư Đảng uỷ, akaok Uỷ ban bhapbini xã Tân Sơn, ban sit Pleiku lac :“Hadei di tuk dom urang nan mai, kol dahlak gam saong dom mban, ngành kapul nyaom di xã jeng daong brei pandap mbang menyum saong tani tanat akaok sahneng ka dom urang nan. Meyah urang halei, sang halei caong mesraiy jien, tani tanat bruk ngak mbang, ye Đảng ủy, Ủy ban meda ngak bruk saong dom gilang pariak piah ba mbuan lagaih ka dom urang nan meraiy jien, daong ka ngak mbang, tani tanat raidiuk”

Meng bruk daong di karja palei, bruk anit ranam di puk paga, dom urang mai veik mboh lac oh hu labik halei karei brei ka drei raidiuk haniem phuan yau palei negar di drei. Tân Sơn urak ini oh daok bruk vượt biên suan hukum, sang kathaot trun daok 2,4%. Bruk bui sambai, trei sir pak ini jeng brei mboh ka kein laba di bruk khik caga an ninh, trật tự saong dom kham merat kayua bhapbini di Đảng bộ, karja palei./.