Ngan saong dom doanh nghiep FDI, dom sarak an sinh xã hội daok hu labik oh ka lagaih. Tavak tavaiy rilo abih lac paga pacang gah sap ndom panuac puac, kayua urak ini oh ka hu bruk lac labik iek ruak brei hu urang jakar y tế thau sap negar langiu piah iek ruak ka urang negar langiu. Tok hu sa jalan ngak lac tuk urang ngak lac urang negar langiu nao iek ruak brei hu urang lang sap nao tui.  

Ong Chang Yong Jun – Khik iek pakat glaong di Cty TNHH Hwaseung Vina, sa doanh nghiep di Hàn Quốc daok di  Khu Công nghiệp Nhơn Trạch 1, tỉnh Đồng Nai brei thau: rilo urang ilamu Hàn Quốc di kong ty  tuk nao iek ruak BHYT di dom labik hu tacei pato jeng gaok kan kandah tuk ndem menyai nao mai, dalam tuk jien buh tame piah iek ruak di dom sang iek ruak pak quận 7 hu bác sĩ Hàn Quốc ye biak glaong. Ong Chang Yong Jun caong lac: “Dahlak sahaneng lac meyah klak bruk nao iek ruak di sang iek ruak hu tacei bo meda nao iek ruak di sang iek ruak halei jeng hu, hadei di nan ba hóa đơn atau harak gar piah bayar tui BH ye biak siam.”

Tui yaok pataom, tal bilan 3 thun 2021 hu jaik 30.000 doanh nghiệp FDI blei BHXH, BHYT, BH labik bruk ngak ngan saong jaik 5 trieu urang. Kuhria abih tih jien mek tame meng bruk nan ngan saong doanh nghiep FDI sumu 46,5% di dom doanh nghiep. Bruk khik kajap raidiuk xa hoi gah daonh nghiep FDI rik daong biak praong piah patagok prein ngak bruk, paglaong prein meriak gauk saong doanh nghiep karei, rik daong patagok kinh tế -xã hội di dom palei hu khang kajap.

Ong Bùi Sỹ Lợi, Phaok Akok UB ka dom bruk xã hội di Quốc hội lac njuak brei hu jalan ngak sir, mbang tui BHXH biak mbuan lagaih; saong brei jhul khang bruk pandar ilamu công nghệ thông tin piah urang ngak tui iek hu bruk bayar jien BHXH. Langiu di nan, dom sarak an sinh xã hội njauk brei pabak tame, salih birau sumar piah daong ka doanh nghiep FDI saong urang ngak hu mbang tui kein laba dalam mbuan sanang saong ginup abih:“Bhian brei ramik veik dom sarak tuk hu bruk oh lagaih, tuk hu dom bruk urang ngak caong khin ye Karja brei ramik pasiam piah ka sarak BHXH biak cambaih laic,  sumu yau gauk”

Tui Tổng Yam ndoc BHXH Viet Nam Nguyễn Thế Mạnh, meyah dahlau thun di 2016, gah BH hu 125 harak gal di karja, ye tal urak ini daok 25 harak gal min. Urak ini, bruk ba tame pandar BHXH di phone pan tangin hu peih ngak saong piah duh siam jang ka dom doanh nghiep FDI ye langiu di sap Viet, ứng dụng ini daok hu dom phiên bản sap Engric saong sap Hàn. Ong Mạnh  brei thau tukvak anak tal gah bảo hiểm brei pasang iek veik, lang talaih kan kandah ka doanh nghiệp FDI saong ba mbuan lagaih abih ka urang ngak:  “Khol dahlak bhian peih dom kênh piah pambuak gauk ka doanh nghiệp saong bhap bini. Abih di nyu nan lac, peih dom nyaom biai piah duah thau hatai sahaneng di bhap bini saong doanh nghiep ka dom tavak tavaiy, saong javap jalei  ka bruk peih ngak dom sarak hukum ka BHXH, BHYT.”

Dalam tuk dom tỉnh ban kinh tế praong di gah Meraong negar daok kham merat dui pachreih urang negar langiu buh jien tame ngak mbang ye biak njauk brei salih birau khang jang ka dom sarak BHXH, BHYT jeng yau bruk an sinh xã hội. Meng nan rik daong ka doanh nghiep FDI ngak bruk dak harei dak mbuan lagaih, dui pachreih hu rilo jang urang negar langiu mai tal Viet Nam buh jien ngak mbang dalm tukvak anak tal./.

Urang lang: Ai Nghiem  22/4/2021