Meng puac thun 2020, UB bhap bini tỉnh Tay Ninh hu jao brei Sở Ngak nong saong Patagok palei pala jhul pasamar bruk tacei pato, peih ngak Danak dak Yaok xã sa pandap OCOP tal dom bhum palei. Mbiah tal urak ini, danak dak ngak hu siam lagaih, tapa nan paglaong jalan sahaneng di pakat uy, karja dom pakat saong dom D.N ka makna praong dalam  di Danak dak OCOP dalam bruk cak rok patagok kinh te palei pala.

Tapa taong yaom, dak angan dom pandap OCOP thun 2020, tỉnh Tây Ninh hu 9 pandap hu dak angan yau: tapei cam lipih di Công ty TNHH Tân Nhiên (ban sit Hoà Thành); tapei cam pambu ia kakuan, njam glai rilo janih di  sang urang pablei salih angan Lê Thị Thanh Thuý (ban sit Trảng Bàng); sara amraik, sara toi di trại carit Oanh Vĩnh (huyện Tân Châu)…,dalam nan hu 2 pandap hu brei angan 4 patuk, 7 pandap hu 3 patuk. Urak ini, rilo D.N, sang urang pablei salih thau samar ba pandap, kaya nong drei ngak tabiak tagok yaih khan online, brei thau ka pandap tal urang angaok mạng, urang blei dalam saong langiu tỉnh.

Sa-ai Hồ Ðắc Vĩnh – po trại carit Oanh Vĩnh, xã Suối Dây, huyện Tân Châu brei thau, carit hana bơ toi, toi amriak di labik ini hu brei angan OCOP klau patuk. Langiu di jalan pablei pandap meng kan, sa-ai Vĩnh daok ba pandap tagok mạng XH, blah web online yau Lazada, Postmart. Meng nan, pamdap hu urang thau tal rilo jang, pablei hu tani tanat gam dalam tuk jit ruak sraw kadau.

Pandap OCOP hu brei angan, Công ty TNHH Tân Nhiên  hu ba tagok jaik abih dom blah web pablei salih praong di Viet Nam. Sa-ai Ðặng Khánh Duy – Yam ndoc Công ty TNHH Tân Nhiên brei thau, pablei salih angaok dom blah web pablei salih online lac jalan ngak piah yaih khan tal urang blei pandar rilo jang, daong ka urang pablei pandap lang yah dom panuac tangi sua di urang blei hu drah samar, oh daok hu hagait atah di gauk,  nan ye mbuan peih praong darak pasar.

Anak meta mboh lac, dom blah web online yau Sendo, Postmart, Voso hu dom labik pablei karei ka dom pandap OCOP. Ini lac bruk ngak birau piah langyah bruk pablei saong blei dalam samar Cong nghe 4.0 bo dom blah web điện tử ba mai ka bruk ngak nong hacih sa-at di Tây Ninh, meng nan, dom pandap  hacih hu ba tal tangin urang blei grauk labik.

Muk Phạm Thị Phương Thảo - Phaok yam ndoc Bưu điện tỉnh Tây Ninh brei thau, tukvak tapa, Bưu điện hu ba dom pandap đặc sản di tỉnh tagok blah web điện tử, yau sara amriak, tapung 5 janih ratak, ia hani danko, brei ka urang daok grauk labik dalam negar hu thau tal dom đặc sản di tỉnh Tây Ninh. Dalam tukvak anak tal, Bưu điện tỉnh brei pathau khan, yaih khan ka urang blei pandar thau blah web ini, piah hu blei pandap asar siam, khik hu hacih sa-at ka pandap.

Yau nan min, biak mai daok hu rilo D.N sit, HTX, bhap bini di bhum palei pala oh mbuan hu taom gaok dom jalan nan. Kayua lac, piah pablei pandap angaok mạng XH, dom urang ngak po pandap brei thau cambaic ilamu cong nghe; thau pablei pandap, thaot binguk, vak kadha yaih khan, javap jalei angaok mạng…

Meda mboh lac, dalam tuk jit ruak yau urak ini, blah web điện tử oh lac “ baoh phao daong sraong” bo daok lac jalan pablei salih suai lavik, ngak jeng talei pambuak bruk khang kajap dalam pablei kaya nong Viet, patagok pandap OCOP, ba mai mbuan lagaih saong salamat ka urang ngak tabiak pandap saong urang blei./.

Urang lang: Ai Nghiem – 02/07/2021