Pathau mikva saong taong abih gauk!

Tỉnh Tây Ninh urak ini hu labaih 3.800 urang bangsa Chăm. Bruk peih ngak sarak daong patagok bruk ngak mbang, pala drak, daong sang daok, pato megru… di rajaei gam saong puk palei hu daong ka urang Chăm patruh eik, patrun kathaot, tani tanat rai diuk. Saphigiah, urang vak di rayo sap ndom VN hu kadha vak brei thau ka bruk nan:

Sang saai A Vì Giah, bangsa Chăm daok di khu phố 2, phường 1, ban sit Tây Ninh, tỉnh Tây Ninh dahlau daih lac sang kan kathaot, meng hu mbang tui danak dak 135, 167 bo urak ini hu tabiak truh kan kathaot. Jien mek tame di baoh sang saai meng bruk pala bei blom saong raong limo. Saai A Vì Giah brei thau: “dahlak hu karja palei daong mesraiy phun jien, daong jien ngak sang… Meng hu bruk daong di ralo gah nan ye dahlak samar tabiak truh kan kathaot”.

Tapa danak dak 135, 167 di rajaei, urak ini, taong abih dom xã, phường hu urang Chăm dalam tỉnh hu jalan ia pandar palei pala, labaih 70% baoh sang hu pandar điện negar, hu peih brei labaih 61 ha taneh ka dom baoh sang kurang taneh ngak mbang, daong 131 sang daok ka baoh sang kan kathaot bangsa chăm ngan saong taneh 8.980 m². Tuk hu taneh ngak mbang, mikva chăm thau ba jamriak, ba ilamu tame pala drak, raong glang; salih janih phun pala hu yaom kinh tế glaong yau cao su, tabau, bei blom…. jien mek tame tani tanat, rai diuk dak harei dak salih barau. Khu phố 2, phường 1, ban sit Tây Ninh, labik hu labaih 80 baoh sang urang Chăm daok. Mboh raidiuk mikva hu ginup meda jang. Sang halei jeng hu ginup pandap pandar dalam sang yau: ti vi, radaih mac… anek bhik hu nao bac da-a tal labik tal bhua. Anak bruk salih barau bhum palei di drei, ong Chàm Sá, hakim sangmegik khu phố 2 chreih chrai khan lac:

 Sap chăm

Langiu danak dak 135, 167, ralo danak dak, sarak karei yau danak dak bruk ngak negar patrun kathaot, sarak brei mesraiy phun jien laba lap… jeng hu tỉnh Tây Ninh peih ngak taong abih, piah daong pren ka urang bangsa Cchăm paglaong rai diuk. Gam saong nan, tỉnh daok sangka tal bruk pato pakai, paglaong akaok saneng ka bhap bini chăm. Tỉnh brei ba danak dak sap chăm tame pato dalam sang bac ka anek saih chăm, rik daong khik ramik ilamu bangsa. Tal urak ini, bhum urang chăm jeng hu blai y tế, yaok blai jeng hu ginup dom y – bác sĩ, hu ginup dom pandap duh ka bruk iek ruak ka mikva. Dom thun jaik di ini, dom puk palei di urang Chăm oh rah tabiak jit ruak, bruk ndih tapui jeng takik saong uranaih lavang lavaih jeng trun. Ong Phạm Văn Chi, akaok duk bangsa di UB bhap bini tỉnh Tây Ninh brei thau:

 “Tỉnh Ủy, HĐ bhap bini saong UB bhap bini tỉnh tuk halei jeng sangka tal bruk bangsa saong sarak bangsa, tuk halei jeng ba mbuan lagaih ka dom puk palei peih ngak. Dom sarak di TƯ ba tabiak hu tỉnh peih ngak ginup, ngak njauk tui tukvak ba tabiak”.

Meng dom sarak daong yau nan, tal urak ini kinh tế bhum bhap bini chăm dalam tỉnh Tây Ninh hu ralo salih barau. Janih phun pala, janih raong hu salih tui jalan ngak tabiak pandap piah pablei, bruk ngak mbang, pablei salih dak harei dak pambak praong hu daong ngak brei tagok jien mek tame saong patrun baoh sang kan kathaot biak ralo./.