Oh lac sangka iek glang tal vật chất, tukvak jaik di ini, bruk tinh thần di urang jakar, urang lin di dom pulao kaoh jeng hu patagok cambaih laih tapa rilodự án daok hu peih ngak. Dom mejam bingu lan, bingu ba-ar,  bingu thạch thảo, mười giờ…daok rak hadah pak Trường Sa Tết ini mai meng sa dự án kayua Viện Khoa học Kỹ thuật Ngak nong gah Meraong peih ngak dalam 3 thun tapa.

Puac thun 2015 meng blaoh, Viện Khoa học kỹ thuật Ngak nong gah meraong pahadar 90 thun harei padang tagok. Dalam mbang kan hu nan piah ka dom rai rah urang jakar roh duah ilamo di Viện taom gaok gauk bo kurang dom urang jakar khoa học, dalam nan hu dom urang jakar chủ chốt. Salih ka panuac langyah ka bruk oh hu mbaok ini, lac sa blah thư payua mai meng Trường Sa. Tapa blah thư nan, kadha bui sambai jeng hu pambak tabiak. Nan lac: Tết ini, Trường Sa  hu bingu that!

Thun 2012, Viện Khoa học kỹ thuật Ngak nong gah Meraong peih ngak dự án ngak iek dom phun pala anek athur raong di pulao kaoh Trường Sa, dalam nan hu dua vaktu. Urak ini dự án daok peih ngak vaktu 2, meng thun 2015 tal thun 2016. Yaom lac bruk ngak di dự án nan lac daong ka bộ đội Trường Sa pala hu piah tự túc meneing dom kaya mbang dalam nan hu njam patam saong rilo pabui, ada, limo… min dom urang khoa học jeng buh rilo pren yava ka bruk “phụ” di dự án, nan lac roh duah sa pajaih bingu laghaih haong lingik tasik kan kandah angaok pulao. Tiến sĩ Ngô Quang Vinh -  urang dang akaok dự án jeng lac urang hu mbaok tame padang ngak asal kadha roh duah meng dom harei akaok meti brei thau: Saneng tal bingu kayua dahlak saneng lac bruk sangka iek glang ka bộ đội di pulao jeng njauk caik hatai tal bruk padang cảnh quan ka nyu mekre, patagok pulao tui jalan hu tính nhân văn saong rai diuk tinh thần phong phú jang. Hatai saneng ngak gheih mekre ka pulao nyu patabiak meng nan. Meyah hu tabiak rivang Song Tử Tây ye meda mboh hu 2 mejam bingu lan tukvak ini daok tabiak bingu biak siam.

Oh njauk lac sa đề tài roh duah saoh, dom urang ngak ilamu hu mbaok tame ngak dự án jeng hu caik ralo tâm huyết ka bruk ba bingu tabiak pulao. Hadei di 3 dalam 4 jalan nao, mong veik, thei jeng njauk hatai lac meyah oh ba abih pren yava, hatung hatai tame ye dự án ini kan peih ngak hu kayua lac bruk pala bingu, lac bruk di dom chuyên gia Phòng roh duah njam patam, bingu saong cảnh –  oh mbuan yau yaok rituh dự án bo dom sa-ai hu peih ngak blaoh di baoh taneh dalam dom pluh thun tapa. Kan kandah biak ralo min kan abih jeng lac kurang taneh, kurang aia pruh saong labaih angin  mbak... Dalam dom công đoạn praong abih di sa dự án khoa học jeng njauk  klaak meneng ka nyu lagaih haong bruk di anak meta. Pagap yau hadei di tuk ngak salah blaoh bruk roh duah dalam duk ngak iek, njauk di nyu brei ba pajaih bingu tabiak pulao piah pala iek ye dom urang ilamu hu ngak jeng labik dreih yau langik tasik, taneh riya pak Trường Sa piah pala di baoh taneh, piah samar pasiam veik dom kadha oh ka lagaih, pakatut tukvak ngak iek, samar hu pajaih bingu laghaih ba tabiak pala angaok pulao. Urak ini hu dom mbang nao tui kuhria tok dalam  sa bilan, yau nan bo kayua langik tasik saong ralo kadha karei pambak tame, dom sa-ai njauk daok veik tal dua bilan. Hu dom mbang nao labaih pluh harei angaok tasik riyak praong mebuk riyak tal limin drei min mai veik baoh taneh hu dua klau bilan, dom sa-ai jeng paruac parac kuhria caga ka mbang tabiak pulao bahrau. Thạc sĩ Nguyễn Đình Tuân, urang jakar roh duah di dự án ndom lac: Dahlak hu nao tabiak 12 pulao di Trường Sa, hu taom gaok urang jakar urang lin biak ralo. Tapa tukvak peih ngak angaok pulao ye mboh tamuh hatai anit, mikva caong tame drei jeng biak ralo. Hu daok la ndom glai haong urang jakar urang lin, tapa nan drei kham merat jang piah ngak habar ka dự án hu jak jeng.

Meng jalan atah labaih 600 km dut haong baoh taneh gam haong lingik tasik kan kandah, piah ka phun tamuh hu, tabiak bingu hu angaok pulao, bruk iek glang lac bruk biak prong. Yaom lac hu bruk pambuak gauk catang meng dom urang jakar ilamu min urang dang tabiak iek glang phun bingu jeng lac dom urang lin hải quân. Langiu tukvak trực chiến, dom sa-ai caik ralo tukvak piah iek glang, pruh ia  ka phun bingu. Pabak veik bruk sangka iek glang nan, urak ini, meng Trường Sa Lớn tal Song Tử Tây, Nam Yết, jaik pluh janih bingu daok nerak mekre. Trung tá Vũ Xuân Trường - Chính trị viên, phó đảo Song Tử Tây chreih chrai khan lac: Bruk pala bingu piah  padang pulao hijao – hacih – mekre  lac dự án prong. Iek tui bruk langik tasik langiu ini, pulao hu pambuak haong dom cei, dom wa dalam baoh taneh hu jalan pacang me-om, buh khak ka nyu njauk. Bingu angaok pulao urak ini biak ralo min dom janih bingu yau lan, hoàng yến, chiều tím nan lac janih phun daok tamuh siam saong tabiak bingu biak ralo.

Trường Sa – dua sap anit ranam yau hu sa pren dui pachreih biak khang ngan haong ralo ralo urang taneh Việt. Kayua lac daok atah bayah labik bak riyak angin ye nan jeng lac sa binah rilo darah di taneh aia, lac labik dom urang lin tasik harei melam khik iek piah hala dok bhong patuk kanjik katam par glaong di kreh tasik hijao. Meda lac, nan jeng lac makna ngak ka dom urang ilamu oh huac glaih glar, kan kandah, abih hatung hatai ba sambo hijao tabiak pulao. Saong njauk lac, jeng kayua thau hu hatung hatai nan bo dom urang lin labik pulao atah, yaom lac rai diuk daok kurang ralo janih min jeng kham merat patak pataom yaok ka aia, pacang me-om angin piah ka dom mầm hijao ini nyu ndaih hala, tabiak bingu, ka rai diuk di pulao kaoh oh njauk lac tok hu dua bilan hajan – pandiak bo nyu daok hu gam mùa Xuân!