Meng rilo thun ini mai, bruk padang ngak sang jum pataom daong ka bhap bini Chăm hu labik daok tani tanat hu patagok khang di tỉnh Tây Ninh. Baoh sang di amuk Asinah, daok di palei Hội Thanh, xã Tân Hội, huyện Tân Châu, tỉnh Tây Ninh nan lac baoh sang biak kan kathaot di puk palei, bruk ngak di dua diuk pasang oh tani tanat. Baoh sang khut trak bo oh thau ngak habar piah pasiam veik. Amuk Asinah tok di khin hu sa baoh sang khang kajap piah daok, raong pato anek bhik bac daa saong patagok kinh tế baoh sang. Caong khin nan di amuk Asinah urak ini hu jeng biak tuk baoh sang amuk taduan hu 28 triệu đồng jien daong di ong ToDep, sa urang ngak pahala daok di ban raya HCM. Hadei di labaih sa bilan padang ngak, tal urak ini, baoh sang di amuk Asinah hu padang ngak bloh, sang atah 8m, gar 4m, tabung tauk tôn, nền tauk gạch men, khang kajap, laneng lahei. Dalam baoh sang bahrau, amuk Asinah uan tabuan khan lac:  

Sap Chăm:

Jeng hu bui sambai taduan hu sang jum pataom mbang ini, daok hu baoh sang saai Saly, sa baoh sang kan kathaot daok di phường 1, ban sit Tây Ninh. Dahlau deih, saai Saly gam saong amaik ame daok dalam sa baoh sang sit, oh pacang hu ngin, hajan. Rai diuk di baoh sang saai Saly biak kan kandah jien duah hu oh tani tanat, luac thun tok di caong tame dom sào hamu ngak padai saong nao ngak mbang pah. Puac thun  2014, baoh sang saai hu sa urang ngak pahala daok di ban raya HCm daong 28 triệu đồng, saai nao nyim di urang adei 10 triệu tra buh tame ngak sang barau. Urak ini saai Saly hu sa baoh sang barau khang kajap piah daok, piah padang mbang ngui. Maong tame baoh sang barau ngak bloh, saai Saly uan tabuan brei thau: 

Sap Chăm:

Thun barau ini, oh lac hu baoh sang saai Saly, amuk Asinah bo daok hu biak ralo baoh sang kan kathaot karei dalam ban sit Tây Ninh  hu bui sambai mbang tết dalam dom baoh sang barau hu angan ieu lac sang jum pataom. Dom baoh sang jum pataom ini biak hu makna praong ngan saong mikva kan kathaot urang Chăm, daong ka urang hu bui sambai saong jia tame rai diuk daok hu salih barau siam mekre jang./.