Tết sớm di Bạch Long Vĩ

          Pathau mikva saong grauk yut ! Yam tapa riyak praong bilan tasik megei, dom sruh kapal puac thun ba dom kapul nyaom tabiak ravang, pachreih ba urang jakar, urang lin saong bhapbini daok ngak bruk, diukrai angaok  dom bhum tasik pulao atah di negar. Dom paok pandap ndung bak hatai anit ranam di urang daok di baoh taneh, dom plak  tangin par gauk khang, dom baoh panuac pachreh ba, hu ba Tết mai ka dom urang jakar saong bhapbini di pulao atah, hu daong pabak pren khang, daong ka dom saai khang hatai di labik akaok tabung angin, harei melam par kajap tangin phao khik caga lingik tasik di taneh ia. Vân Thiêng – urang vak di rayo sap ndom VN hu kadha vak :“Tết sớm di pulao Bạch Long Vĩ”. Daa mikva saong grauk yut gam pang .

          Lac baok pulao atah abih di vịnh Bắc Bộ, huyện pulao Bạch Long Vĩ, ban sit Hải Phòng atah di baoh taneh 75 hải lý. Tagok kapal meng 8 tuk melam harei dahlau, 5 tuk pagaiy harei hadei kol dahlak meng nao tal libik. Pagaiy hadah gilai mai, bến kapal bak urang pablei salih. Ô tô raok kol dahlak di tatua cảng, nduac samar di  jalan bê tông jaik 5 minit, kol dahlak hu mbaok di Trạm rađa 490, di Tiểu đoàn 151, Bhum 1 Hải quân. Raok kol dahlak lac dom urang jakar biak ranaih umo. Thei jeng bui sambai yau hu dom gauk hatian di drei tabiak ravang. Dom harei ini, taphia bruk khik caga lingik tasik, dom saai daok jar var raok tet. Bàn thờ negar hu caik thoat binguk Wa Ho praong, dhar đào barau hu payua tabiak meng baoh taneh barau tabiak bingu, salao baok kayau jeng ginup domjanih baoh kayau, ahan mứt. Beir njam hijao njam sabei, ritak co6ve, baoh draong ndaiy. Akaok trạm bui sambai khan brei thau, bilan halei kaya mbang nan, adei saai tuk halei jeng hu njam hijao. Thun ini, langiu chế độ di karja, trạm hu sik sa drei pabui praong jang thun dahlau ka adei saai mbang tet. Yaom lac oh hu yau daok di sang, min hatai anit ranam gauk yau adei saai jeng ginup ngak ka urang mboh haniem phul di harei akaok thun. Trung úy Nguyễn Đình Thi – urang jakar cơ yếu di trạm khan bruk mbang tet di pulao yau ini :  Raok tet di pulao karei jang di baoh taneh. Aadei saai thei jeng atah sang nan ye biak anit ranam gauk. Melam giao thừa hu peih bruk  daoh tamia, paik bingu dân chủ, pang akaok taneh ia tadhau yuh tet. Dom harei tet ye uy mban bhapbini huyen hu mai taom gaok, ravang gauk, peih dom bruk mein mangkan piah bhapbini saong urang jakar di pulao mein bui sambai. Salam uan tet, kol dahlak likau payua panuac tadhau yuh abih urang daok di baoh taneh  raok tet bui sambai, siam mekre.

 Meyah urang lin ranaih umo Vũ Ngọc Sang tuk halei jeng uan sang yaok tuk tet mai ye ngan saong  dom urang yau thiếu tá Lê Văn Hải, palei daok di Tĩnh Gia, Thanh Hóa, 5 thun tabiak pulao ye 3 thun mbang tet atah sang. Ngan haong saai, mbang tet di pulao jeng hu bruk gheih di pulao. Adei saai anit ranam gauk yau ye adei saai sa tian. Hu diuk daok di sang iek glang, raong pato anek bhik, dom urang lin di angaok pulao njauk hu trach nhiem ngak siam bruk hu jao brei. Saai Hải ndom lac :Drei trực tết rilo paje,  thau lac nan bruk ngak di drei nan ye mboh oh hu hagiay lac trak. Dom adei saai daok ngak bruk saong gauk pak ini yau  sa baoh sang, raok tet pak ini jeng bui sambai. Jeng ngak bruk yau dom harei karei. Langiu di nan, daok hu nao taom gaok  dom kapul nyaom, peih bruk daoh tamia, pachreihba  adei saai ka dom urang nan takik uan sang, ngak siam bruk ngak di drei.

Atah di baoh taneh, akaok bilan mark lac bhapbini Bạch Long Vĩ hu mboh Tết paje. Tết tui takai dom baok kapal tabiak pulao, ba tui hatung hatian di baoh taneh dalam yaok paok pandap, hop mức, dhar đào. Ba tabiak pandap panda yaom jaik 100 triệu, hu ti vi, tủ laar, máy tính….piah alin urang lin di pulao , daong dom saai pasiam bruk ngak, hu pandap mein, saai Lê Anh Quân- Phó akaok dhar gilang pariak Viettinbank quận Lê Chân, ban sit Hải Phòng khan lac:  Mboh biak drut droi,  hu klah rabha hatung hatian di bhapbini di baoh taneh tal urang jakar, urang lin saong bhapbini pulao Bạch Long Vĩ.  Tadhau yuh dom saai tuk halei jeng khang kajap, haniem phuan, ngak siam bruk bo Đảng saong bhapbini jao brei, khik caga siam chủ quyền taneh riya di taneh ia Việt Nam.

Dom thun jaik di ini, bruk taom gaok di dom labik daok ngak bruk di pulao kaoh ngan saong dom kapul nyaom, doanh nghiep di baoh taneh dak harei dak rilo, phương tiện liên lạc jeng mbuan lagaih jang, daong pulao atah yau hu jaik jang baoh taneh. Hu menyek,, sang halei jeng blei tivi, rađio piah thau  bruk di taneh ia. Dom sruh kapul di baoh taneh tabiak pulao jeng hu rilo jang nan ye urak ini pandap panda janih halei jeng hu; ia hacih, menyek hu pabak ginup, raidiuk di urang jakar, urang lin saong bhapbini di angaok pulao takik glaih glanr jang.

Nao tapa riyak praong bilan tasik megei, dom harei ini, rilo sruh kapal meng baoh taneh jeng daok tame cảng Bạch Long Vĩ, ba tui không khí raok Tết sớm tabiak ka urang jakar, urang lin saong bhapbini pak ini, daong ka pulao kaoh mboh jaik jang haong baoh taneh, khang hatai jang ka bruk khik caga chủ quyền tasik pulao ginreih di taneh ia ./.

Thúy Linh