Pok meyaom 50 urang yau kreih camin hadah ka adat hukum dalam taneh ia

Meda ndom lac, bruk pachreih tui Harei Hukum negar Việt Nam dak harei dak siam tagok tui jalan pambak praong bruk iek praong saong pan njauk Hukum negar, adat hukum. Thun 2021, dom mintri, dom gah, dom tỉnh ban hu ba tabiak rilo bruk ngak praong piah pachreih tui Harei Hukum negar Việt Nam. Dom tỉnh, ban peih dom bruk pakacah piah gam pachreih tui harei hukum negar Việt Nam, gam pabak kadha bahrau, yau dom bruk pakacah online ka duah thau adat hukum pacang, caga jit ruak COVID-19, taom gaok, ndom biai nao mai, mbaoh tangin tame dom danak dak pambuak bruk di dom jabat, đơn vị piah patagok bruk brei thau, pato pakai adat hukum.

Thun ini, mbang camereip Mintri Tư pháp brei ka Báo Pháp luật Việt Nam peih bruk pok meyaom 50 urang yau kreih camin hadah ka adat hukum dalam taneh ia – sa bruk ngak piah pachreih tui Harei Hukum negar Việt Nam thun 2021. Tapa nan, payua panuac tal taong abih meuac sia, lac daok di labik halei, ngak bruk hagait, praong sit yau habar, yaok rahra Việt Nam jeng meda rik daong tame bruk padang ngak, pasiam adat hukum, saong peih ngak adat hukum.

Tapa 9 thun peih ngak Harei adat hukum 9/11, tui ong Lê Vệ Quốc, akaok Vụ Brei thau, Pato pakai adat hukum – Mintri Tư pháp, bruk iek praong, pan njauk adat hukum dalam xã hội hu pambak tabiak tal yaok rahra. Meng nan, bruk hu thau saong hatai sahneng pan njauk adat hukum di rahra hu glaong tagok mboh di anak meta; bruk ngak suan adat hukum dak harei dak trun daok takik di dom labik taphia negar, pulao kaoh. Dom bruk pandiak yau jru phiel - ma túy, pablei salih menuac tapa negar, panduan nao daok labik karei tui hatai… dak harei dak trun daok takik mboh di anak meta. Rahra thau cambaih jang ka yaom glaong, ka makna di adat hukum dalam raidiuk yaok harei, thau sahneng jang dalam bruk duah thau saong pan njauk tui Hukum negar, tui adat hukum.

Min tui ong Lê Vệ Quốc, dom adat hukum di taneh ia drei maong rah tapa jeng oh ka pabak hu ginup saong oh ka siam abih. Jeng daok hu bruk kateik angaok gauk di dom adat hukum.  Dalam tuk padang sarak saong patabik harak gar quy phạm pháp luật jeng oh ka iek praong pathau khan piah ngak jeng bruk pachreih tui dalam xã hội. Kayua yau nan ye, bruk ba pandar saong tukvak pandar dom văn bản quy phạm pháp luật jeng gaok kan kandah, oh lagaih.

Akaok Quốc hội Vương Đình Huệ di rilo diễn đàn hu dom tacei pato cambaih laih, khang kadang. Nan lac ngak sarak, ngak adat hukum brei ngak meng aval, meng atah. Kadha nan caik ka dom jabat dang tabiak ngak adat hukum gam haong bruk ba tabiak sarak saong padang ngak dom danak dak văn bản quy phạm pháp luật brei sangka peih bruk pathau khan praong-dalam tal rahra. Abih di nyu lac urang gaok tal di dom sarak piah ngak jeng bruk pachreih tui, meng nan, daong ka adat hukum mbuan tame dalam raidiuk saong khik hu bruk tani tanat, khang kajap di nền lập pháp.

Piah ka Harei Hukum negar Việt Nam dak harei dak siam lagaih, tui urang pan akaok Mintri Tư pháp, yaok thun, dom Mintri, ban, ngành, tỉnh, ban njauk sangka peih ngak dom bruk praong pachreih tui Harei Hukum negar Việt Nam lagaih haong bruk di anak meta, njauk haong dom bruk chính trị daok peih ngak. Njauk pandar công nghệ thông tin, pambak tabiak praong dalam bruk iek praong saong pan njauk Hukum negar, njauk adat hukum tal yaok bol bhap rahra. Meda ieu pataom dom mạng xã hội piah tal dom harei akaok bilan 11, yaok rahra pandar samartphone atau pandar internet meda mboh hu dom thaot binguk chreih chrai, dom khẩu hiệu hu makna. Meng nan, njaom dalam jang hatai sahneng ka bruk iek praong, pan njauk Hukum negar, adat hukum, eng drei duah thau saong thau njauk adat hukum piah diukrai njauk saong diukrai haniem phol./.

Urang lang: M. Phương – 09/11