Tapen kraong ia pataok gaiy dulich pak Mỹ Tho

  Muk Huỳnh Thị Phục, po gaiy dulich di pulao Tân Long, Ban Mỹ Tho khan brei thau, dahlau diah yaok harei pajeng ba tuai damuai hu dom tuor, urak ini 10 harei meng pajeng hu sa tuor. Jeng yau rilo urang vaih gaiy, urang duh ka tuai dulich karei, muk Phục ngak harak hồ sơ min oh ka hu taduan jien daong tui Sarak 42 di Thủ tướng Rajaei: “Dahlau diah, ngak yaok bilan hu meng 30 tal 40 tour, urak ini, sa bilan hu meng 2 tal 3 tour, takik urang nao. Mehit hu daong KA po gaiy min urak ini oh mboh hu jien, bo hồ sơ payua tame dom bilan ini ye. Caong khin karja samar daong ka bhap bini lahik bruk ngak, kayua bruk ini ngak meng lavik mai, oh klak hu. Tapen gilai saong công ty oh kareih pabah mbang ye drei brei nduac tui yau bhian harei min  oh hu tuai piah pajeng.”  

Di ban Mỹ Tho, tỉnh Tiền Giang hu labaih 20 doanh nghiệp ngak mbang gah dulich ba tuai damuai rivang main. Yau nan min,  urak ini hu labaih 10 doanh nghiệp  bhian kareih pabah mbang kayua oh hu harak pambuak bruk taduan raok pajeng ba tuai. Di tapen gilai dulich Mỹ Tho, dahlau di tuk hu jit Covid-19, yaok harei hu labaih 1.000 tuai damuai ndih gaiy; abih di nyu lac harei sanecar, adit hu tal 4.000 tuai damuai, min urak ini yaok harei tok hu labaih alan 120 tuai damuai. Ong Nguyễn Văn Thanh, Giám đốc Công ty TNHH ngak mbang gah Du lịch Xanh Tiền Giang brei thau, dom tuai damuai trun labaih 60%, hu harei oh hu tuai halei. Ong Thanh brei thau: “Urak ini, dom doanh nghiệp di labik ini tuai trun takik meng 60-70%. Meng tuk tani tanat tal ini, hu tuai min oh ka rilo yau dahlau diah. Paok jien 62 ribau tỷ daong ye drei hu ngak harak ka urang ngak bruk min oh ka taduan hu jien. Yau nan ye njauk brei hu sarak daong samar kayua dahlau diah drei ngak hu laba klau mbang, urak ini laba tok 1 atau 1,5 min, njauk brei pachreih piah ba tuai damuai gilac veik.”

Bruk ngak mbang gah dulich di Tiền Giang tukvak jaik di ini mboh jua lange, takik tuai damuai. Ta-eng di labik palei klak Đông Hòa Hiệp bhian duh ka tuai negar langiu dom bilan tapa meda lac oh hu tuai halei tame rivang main. Dom labik yau: pulao Thới Sơn, baha Vĩnh Tràng, labik raong ula Đồng Tâm…jeng takik tuai. Yau nan min, tal tukvak ini, dom bruk daong tui Sarak 42 di Thủ tướng Rajaei saong paok jien daong pachreih gah dulich di tỉnh Tiền Giang daok peih ngak suai damuai kayua bruk ngak harak gar gaok rilo kan kandah, dom urang ngak bruk duh gah dulich raidiuk gaok rilo kan kandah, njauk salih tapa ngak bruk karei. Ong Nguyễn Vũ Khanh,  Yam ndoc Pasak patagok bruk dulich  di Sở Ilamu – Thể thao saong Dulich tỉnh Tiền Giang brei thau, mbiah tal tukvak ini, dom doanh nghiệp ngak mbang gah dulich oh ka taduan hu jien daong halei meng karja langiu di bruk kadun tukvak kak je. Ta-eng Pasak cak rok patagok dulich hu sarak trun jien pah taneh ka dom doanh nghiệp ngak mbang gah dulich: “Meng bilan 3 thun 2020 mbiah tal ini, Pasak patagok bruk dulich hu daong ka dom kong ty meng bruk trun yaom. Dalam mbang ka 1 meng bilan 3 tal bilan 6 trun meng 30 tal 50%  brei kuhria tui bruk khat lahik  ka dom urang pabeli salih di tapen gaiy gilai. Daok mbang ka 2, pacheih dulich meng bilan 8 tal bilan 10, Pasak daong ka dom kong ty dulich trun 50% sa bilan, dom urang pablei pandap pandar ka urang alin ka gauk hu daong 70%.”

Piah khik veik takai tuai damuai, urak ini ralo meng lac dom kong ty, cơ sở ngak mbang gah dulich di tỉnh Tiền Giang hu paglaong, parilo bruk ngak piah duh ka tuai damuai; saong hu bruk daong khuyến mãi trun meng 10 tal 20% yaom harak vé ka tuai damuai, daong urang ngak bruk ba tuai damuai rivang main…Yau nan min, piah bruk pablei salih dulich di tỉnh Tiền Giang khik ramik saong patagok dalam tuk ini, hu bruk sangka, daong di jabat khik iek karja, abih di nyu lac samar langyah dom sarak daong, pakhang bruk khan brei thau, yaih khan, pambuak bruk cung -cầu piah dui pachreih saong khik takai tuai damuai./.

Urang lang: Aí Nghiêm -  3/11/2020