Biak mbuan thau bruk bui sambai di urang sup meta tuk eng drei nao mai hu hadei di tuk pandar camin meta hadah. Ni lac sa danak dak bo Tiến sĩ Hải song dom urang daong bruk di drei dok caong ngak ka dom urang sup meta tuk halei jeng cong khin mboh jalan. Mong tapa gah langiu, baoh “camin meta hadah” bahrau di abih yau camin meta karei karei, min biak di nyu ini lac sa janih camin điện tử sit, hanjual, hu gam báo thức, định vị, pang nhạc. Dalam labik atah meng 5tấc tal 3 mét hu lập trình bloh, camin meda mboh dom pandap pacang gak hanuak, gah iu, gah angaok, gah ala, megei atah kandang. Bloh nyu yuh, megei brei ka urang pandar nyu thau njaik, piah nao jalan karei. Ndom tal bruk tabiak rai di camin meta hadah, Tiến sĩ Nguyễn Bá Hải brei thau:

Harei harei nao ngak hulin nao gar KaPul urang sup meta quận Thủ Đức, nan ye hulin sahaneng lac habar drei oh ba ilamu bac megru di Hàn Quốc ka rô bốt sinh học. Rô bốt oh hu meta, oh hu tanye, dhung, oh hu dhung, dalah, min nyu nao mai nyaik hu pandap pacang. Nan lac hatai sahaneng camereip dong ka hu lin ngak tabiak pandap cuk dong ka urang sup meta njaik hu pandap pacang jalan.

Thun 2012, mbang cemereip di abih Tiến sĩ Hải brei tabiak rai gru camin meta hadah hu dong ka urang sup meta thau hu dom pandap vil val drei nyu daok pak halei, prong atau sit, glong atau beir, atah atau jiak. Boh camin meta hadah tuk camereip nan hu angan lac "SPKT Eye", dok hu urang sup meta ieu lac “Chiếc nón kỳ diệu”. Kayua tuk nan, camin nan nyu hu thaik thaot yau sa boh muat bảo hiểm, prong, trak jiak 2 kg song yaom  tal 20 triệu đồng. Hadei di labaih 9 mbang salih bahrau, urak ni phiên bản camin meta hadah hu ngak sit hanjuan veik yau sa boh camin meta, trak labaih 200gr song yaom patrun tal 10 mbang, dok labaih 2 triệu đồng sa boh. Haniem phol di urang tiến sỹ ranaih umo lac mboh hu cambuai klau di dom urang sup meta, tuk urang eng drei nao mai biak mbuan lagaih. . Tiến sĩ Nguyễn Bá Hải lac.

Nan lac haniem phol praong di abih dalam rai duik di drei, tuk mboh dom urang kan kandah, kurang meta mong mboh piah nao mai, min drei meda pabak hu ka dom urang nan meng công nghệ. Drei mboh bruk ngak nan biak siam, bak hatai anit ranam anek menuac.

Rilo labik brei panuac caong blei bản quyền camin meta hadah ini saong yaom oh lap, min tiến sỹ Hải oh pablei song khin duah labik dong piah ngak alin brei ka urang sup meta. Urak ni, VN hu labaih 1 triệu 200 ribau urang sup meta hanjuan atau trak, dalam nan hu labaih 300 ribau urang taglaoh. Nan lac sa dalam dom makna bo Thủ tướng rajaei njauk thuyết phục kayua camin meta biak kein lagaih ni. Tiến sỹ Hải jeng brei thau, pandap ngak tabiak hu dang angan, hu harak pok meyaom min meyah lac karja khin ye saai halan hatain jao veik. Jia tame bruk ngak di urang Tiến sỹ ranaih umo, Gru pato ưu tú, Phó Giáo sư, Tiến sĩ Đỗ Văn Dũng, Akaok sang bac Đại học Sư phạm Kỹ thuật ban raya Hồ Chí Minh lac:

Hải kham merat buh abih pren yava di drei piah tacei pato veik ilamu drei hu bac megru bloh, roh duah ka rai harei hadei, rai meda dong ka taneh ia drei yam tagok glaong jang, tui samu dom negar karei karei dalam khu vực dalam bruk ilamu công nghệ. Hulin jia lac Hải meda ngak hu bruk nan.         

Tiến sỹ Hải dok hu rilo sáng kiến karei karei hu yaom glaong yau: jamriak lai cà phê, robot pato sap Anh. Daok baoh camin meta hadah ka urang sup meta dok hu rilo phiên bản bahrau siam jang di anak tal. Kayua tui hatai kham merat di urang tiến sỹ umo 32 thun ni, saai dok cong khin dong ka urang sup meta mboh hu thaot binguk, sambo màu song meda puac hu harak tapuk. Tuk nan, baoh camin meta hadah di Việt Nam meda par tabiak negar langiu, piah ka ilamu khoa học kayua bhap bini hu pambuak seok ka dom cong khin oh meda labik padeih ./.