# Harei ini (27/5), Quốc hội daok brei panuac ka dom dự án hukum praong yau Dự án Hukum sang daok (pasiam veik), Dự án Hukum pablei salih bất động sản (pasiam veik) saong dự án Hukum Pasiam veik, pabak dom paka di Hukum pato beuk ngak. Tui danak dak, page ini dom urang QH ginum biai pak tổ ka Dự án Hukum sang daok (pasiam veik) saong Dự án Hukum pablei salih bất động sản (pasiam veik). Biar harei, Quốc hội ginum biai pak hội trường ka dự thảo Hukum likhah caga saong baoh sang (pasiam veik); pang harak pathau khan pasang iek dự án Hukum Pasiam veik  , pabak dom paka di Hukum pato bruk ngak. Dahlau di nan, harei kabroi, Quốc hội hu brei panuac ka dự án Hukum Doanh nghiệp (pasiam veik) saong Danak dak padang ngak adat, hukum thun 2015, ramik veik Danak dak padang ngak adat, hukum khóa XIII saong thun 2014 di Quốc hội. Brei panuac ka danak dak padang ngak adat, dom urang lambaok njauk hatai haong asal danak kuhria dahlau di Quốc hội. Yau nan min, ralo urang QH ndom lac, njauk brei ngak dahlau dom dự án hukum praong, siam ka rai diuk, abih di nyu nan lac dom Dự án Hukum pambuak pagam tal bruk peih ngak Hukum negar.

# Harei kabroi, amuk Trương Mỹ Hoa, dahlau deih ngak Phaok akaok negar, urak ini pan akaok mban tacei pato bruk jak ba “ kayua anek saih Truong Sa anit ranam” gam saong dom urang pan akaok tinh Tay Ninh mai hu mbaok dalam tuk peih bruk alin saong pala dua phun bàng vuong di baha Phước Trung dalam labik du lich ceik Bà Đen, tinh Tay Ninh. Ini lac pandap bo urang jakar pulao Truong sa payua alin Ni trương Thích Nữ Diệu Nghĩa – urang dang akaok dom baha Núi Bà piah thau dhar phun Ni trưởng hu rik daong padang ngak cơ sở vật chất di Trường Sa. Ni trưởng Thích Nữ Diệu Nghĩa biak padrut drui tuk taduan mek hu dua phun bàng vuong kayua urang jakar chien sy saong bhapbini pulao truong sa alin saong brei thau lac daok rik daong rilo jang piah gam saong urang lin khik tasik, pulao, khik caga taneh ia.

# Bruk Trung Quốc ba caik suan adat giàn khoan Hải Dương 981 angaok bhum tasik Việt Nam hu dui atah jaik sa bilan. Gam haong bhap bani dalam negar, bhap bani urang Lo daok pak tỉnh Bình Thuận jeng tagok sap phản đối bruk ngak suan ini di Trung Quốc. Ong Bạch Dân Vinh, urang Lo, daok ngak mbang pak bal Phan Thiết, tỉnh Bình Thuận lac: “Bruk ba caik giàn khoan 981 meng blaoh nan brei mboh Trung Quốc oh ngak njauk tui panuac bo urang dang akaok dua negar hu sanya blaoh . Bruk ini ngak pambak tal talei rohim gul pataom di Việt Nam haong Trung Quốc, pambak tal sron mbon di khu vực saong dunya. Bhap bani Việt Nam tuk halei jeng iek prong hòa bình saong kham merat khik caga chủ quyền di taneh aia”.

# Biar Harei kabroi, Đại tướng Phùng Quang Thanh - Ủy viên mintri Chính trị, akaok mintri Quốc phòng hu taom gaok ndom biai nao mai saong amuk A mê ra Hát- (Ameerah Haq), phaok Tổng thư ký Liên hợp Quốc, akaok Cuc daong bruk khik hoa binh di thuc dia daok hu mbang ravang saong ngak bruk di Biet Nam. Akaok mintri ndom lac, bruk daong, bruk klah rabha alamu di Jabat khik hoa binh Liên hợp quốc dalam tukvak tapa hu daong ka Biet Nam ngak siam bruk kuhria caga dom asal kadha piah hu mbaok tame khik hoa binh. Akaok mintri Phùng Quang Thanh caong khin, tukvak tal, Liên hợp quốc sangka ba mbuan lagaih piah Biet Nam hu mbaok tame dom gah karei ye pathram saong pato pakai sap Anh, klah rabha alamu ka bruk khik hoa binh.

#  Harei kabroi  26/5, Kapul urang ngak bruk di Mentri pato megru kayua  Thứ trưởng Bùi Văn Ga dang akaok kapul hu ngak bruk haong tỉnh Bình Định saong Sang bac Đại học Quy Nhơn pasang iek bruk kuhria caga ka mbang pakacah tuyển sinh Đại học Cao đẳng thun ini. Tal tukvak ini, labaih 60 ribau hồ sơ anek saih tut angan tame pakacah pak Cụm pakacah Đại học Quy Nhơn, trun jaik 10.000 hồ sơ dut haong mbang pakacah thun dahlau. Sang bac ĐH Quy Nhơn hu pambuak haong Sở Pato megru tỉnh Bình Định pasang iek 79 labik pakacah ngan haong labaih 1.700 duk pakacah pak bal Quy Nhơn, bal sit  An Nhơn saong huyện Tuy Phước; jak ba 4.000 mbang urang jakar iek thi, giám sát thi... pak dom Hội đồng; kuhria ka labik mbang, labik ndih, radaih nao mai, grap tanat an toàn giao thông... 

# Salam uan nyaom roya Kapul Liên hiệp dam dara Biet Nam mbang ka VII, tukvak 2014-2019 saong Nyaom roya Kapul Doanh nhân ranaih Biet Nam mbang ka 5, tukvak 2014-2017, harei 26-5, di Hà Nội, Trung ương Kapul Liên hiệp dam dara Việt Nam, Trung ương kapul Doanh nhân ranaih Việt Nam peih ngak danakdak pilih ruah giải thưởng patuk bhong – doanh nhan ranaih Biet Nam hadah krah 2014 saong khan brei thau danakdak Nyom roya pakat negar kapul doanh nhan ranaih Biet Nam mbang ka 5, tukvak 2014 – 2017. Dom doanh nhân ranaih hu alin giai thuong lac dom greih camin dam dara hadah krah, lambaok vakil ka rairah ranaih Biet Nam trí tuệ, năng động, tuk halei jeng caong khin yam tagok ngak kaya meda ka drei saong ka taneh ia, lac dom greih camin hadah krah daong ngak brei pamedeih tagok hatai caong padang mbang ngui di dam dara Biet Nam. Harei alin giai thuong hu peih ngak di harei 30/8 di ban ine Ha Noi gam saong mbang peih Nyom roya Hội Doanh nhân ranaih mbang ka 5. 

# Meng akaok bilan 5 tal ini, yaok harei, khoa Ranaih sang iek ruak đa khoa tỉnh Quảng Ngãi taduan jaik 200 ranaih ruak mai iek ruak, tagok dua mbang dut haong harei thường, dalam nan urang ruak tangin takai camboi meblah jaik 1/4. Langiu di nan, ruak sởi, tangin takai camboi, tagok baoh aia hu mboh meng ralo bilan dahlau, dom harei ini dom janih ruak pagam tal jalan suak java saong jalan tung pruac jeng mboh biak rilo. Amuk Trần Thị Thi daok pak huyện Bình Sơn hu taco ngoại bahrau tame cấp cứu kayua pandiak glaong labaih 39 độ C, glaoh ta-aok gam haong aih craoh daok iek ruak pak sang iek ruak Đa khoa Quảng Ngãi brei thau: “pandiak ralo blaoh taglong taglaoh. Ba taco tame sang iek ruak Bình Sơn hu dua harei ye panduan mai ini. Tuk ini pandiak bhang, nan ye ranaih tame sang iek ruak ralo”.

Khaw tin dunya:

# Harei kabroi, bhapbini dunya daok brei sap lên án bruk Trung Quoc padang gian khoan hai duong 981 di bhum dac quyen kinh te di Biet Nam, taphia nan ndom lac, Biet Nam njauk ba brauk ini tagok toa an dunya. Giáo sư Giôn-na-than Luân-đôn (Jonathan London), chuyên gia ka bruk Việt Nam saong Đông Nam Á di sang bac Đại học Hồng Công, Trung Quốc ndom lac, jalan siam di abih bo Biet Nam meda pandar tuk ndom tal dom cang thang di tasik lac ba tabiak dom bang chung ka dunya mboh cambiah laih bruk daok rah tabiak di tasik yau habal, saong brei ka dunya thau bruk ngak di gah Trung Quoc, abih di nyu nan lac, bruk ba kapal methuh mai di bhum ini. Ong jia lac, menuac sia dunya meda hu meta maong cambaih laih jang ka dom hagait daok rah tabiak di tasik.

# Pak bal ine Viêng Chăn, Phaok Thủ tướng Raja-ei Lào, Akaok Phân ban hợp tác Lào-Việt Nam, Sổm-sa-vạt Leng-sa-vát (Somsavad Lengsavat) hu taduan raok ong Nguyễn Chí Dũng, Thứ trưởng Bộ Kế hoạch- Đầu tư, Phaok akaok phân ban Hợp tác Việt Nam–Lào. Pan van taduan raok, Thứ trưởng Bộ Kế hoạch- Đầu tư Nguyễn Chí Dũng  taong yaom glaong bruk sangka saong palagaih di Raja-ei Lào piah ka dom doanh nghiệp Việt Nam peih ngak dom dự án đầu tư pak Lào dak harei dak mek hu ralo baoh jeng siam mekre. Tal ini, dom dự án hu phun jien buh tame ngak mbang prong yau dự án Muối mỏ di Tập đoàn Hoá chất Việt Nam, dự án Thủy điện Sê-ka-mản 1 (Sekaman 1) hu brei mboh hatai kham merat di dom urang buh jien tame ngak mbang di Việt Nam pak Lào.

# Thủ tướng Pakixtan Na-oa Xa-ríp (Nawaz Sharif) hu mai ban ine Niu Đê-li (New Delhi) piah pataom mbaok harei tagok ngak Thủ tướng di ông Na-ren-đra Mô-đi (Narendra Modi), Thủ tướng barau di Ấn Độ. Brei panuac dahlau di tuk tapa rivang, Thủ tướng Pakixtan ndom lac : ong caong ba dom kadha hoa binh tal An Do, saong daok hu panuac lac,  ginum biai nan lac jalan piah langayah dom bruk di dua gah An Do saong Pakixtan. Tui ông Na-oa Xa-ríp, paglaong talei pambuak bruk siam mekre saong Ấn Độ nan lac bruk dang akaok di Pakixtan./.