# patui veik danak dak ngak bruk, harei 26/5, ala bruk tacei pato di Phaok akok Quốc hội Nguyễn Thị Kim Ngân, Quốc hội pang  harak pathau khan pasang iek dự án Hukum doanh nghiệp (pasiam veik); pang harak pathau khan langyah bruk tiếp thu, pasiam veik dự thảo Hukum phá sản (pasiam veik) saong ginum biai ka dom asal kadha  daok hu panuac karei di gauk di dự thảo hukum ini.  Dự thảo Hukum  doanh nghiệp (pasiam veik) meda daong ka Việt Nam tagok 50 bậc ka bruk pasiam veik môi trường đầu tư, kinh doanh, taphia di nan daong ka raja-ei pasang iek siam jang dom bruk ngak di doanh nghiệp. Tukvak daok veik di van page ini, Quốc hội pang harak pathau khan langyah bruk tiếp thu, pasiam veik dự thảo Hukum phá sản (pasiam veik) saong ginum biai ka dom asal kadha daok hu panuac karei di gauk di dự thảo hukum ini.

# Di Hà Nội, Đại tướng Trần Đại Quang, Ủy viên mintri Chính trị, akaok mintri Công an Việt Nam barau taduan raok kapul urang jakar pakat glaong Bộ An ninh Lào kayua ong Kông-thoong Phông-vi-chít, Thứ trưởng Bộ An ninh Lào pan akaok kapul dalam tuk kapul tapa pataom mbaok dalam nyaom biai pambuak bruk khik caga an ninh saong pacang caga tội phạm di mintri Công an Việt Nam saong mintri An ninh Lào mbang yaka V, peih ngak di Việt Nam.  Akaok mitri Trần Đại Quang jia lac nyaom biai pambuak bruk khik caga an ninh saong pacang caga toi pham di mintri cong an Biet Nam saong mintri an ninh Lao mbang yaka V mek hu rilo siam mekre, rik daong paglaong talei pambuak bruk mengkan, huu nghi siam mekre di dua taneh ia.

# Piah phản đối bruk ngak di Trung Quốc ba caik suan adat giàn khoan Hải Dương 981 dalam bhum tasik di Việt Nam, Liên đoàn Lao động bal Buôn Ma Thuột, tỉnh Đắc Lắc bahrau peih mittinh rik pren khik caga chủ quyền pulao tasik Việt Nam. Pak van mittinh, urang dang akaok Liên đoàn lao động bal Buôn Ma Thuột pok sap iew công nhân viên chức lao động bal Buôn Ma Thuột brei mboh hatai ranam taneh aia tui hatai gul pataom, pakacah gauk ngak mbang; taphia di nan brei bình tĩnh, hadah hadai;  oh caik ka dom urang kanjah jhak nyu katung dui, pacuh pajarak tame dom bruk ngak quá khích, trun jalan ngak lahik trật tự an ninh chính trị saong trật tự an toàn xã hội di puk palei. 

# Ngan saong kadha “dam dara Kiên Giang rik pren khik caga tasik Biet Nam”,  di sang bac Cao Đẳng nghề, Tỉnh Đoàn Kiên Giang barau peih pathau khan bruk tasik ka dom urang jakar doan dalam tinh doan, gah kapul pan phao kraong saong urang doan, sinh vien di dom sang bac cao dang dalam tinh. Taphia nan, ba tabiak dom jalan ngak ka dam dara urang ranaih urak ini njauk ngak hagait piah rik daong pren yava dam dara gam saong taneh ia khik caga chu quyen gireih di negar.

# Harei 25/5, sa sruh gilai số hiệu QNg 96180 TS di urang taong ikan angan Đặng Dùm daok pak thôn Tây, xã An Vĩnh, huyện Lý Sơn, tỉnh Quảng Ngãi daok taong mek ikan pak  mblang tasik Vịnh Bắc Bộ di Việt Nam ye njauk sa sruh gilai lạ ginuh tame ngak tayah tayac saong karam trun tasik. Angaok gilai hu 7 urang, ong Đặng Dùm po gilai njauk rambuis trak saong metai hadei di nan; daok urang taong ikan angan Trần Xuân Dương, umo 50 thun, daok pak thôn Tây, xã An Vĩnh, huyện Lý Sơn tal urak ini jeng oh ka duah mboh. Dom urang daok veik hu sa sruh gilai sraong veih saong ba tame pulao Cô Tô, tỉnh Quảng Ninh piah iek glang.

# Dalam harei tet uranaih 1/6 thun ini, dom nhà hát, labik bui mein, rạp chiếu phim brei tabiak mbaok dom adei sit ban ine danakdak daoh tamia, bui sambai saong biak chreih. Salam uan harei dunya uranaih 1/6, meng harei 28-5 tal harei 1- 6 Huyền thoại bong bóng Fan Yang hu var parang me-in di Cung hữu nghị Hà Nội ngan saong kadha “ Giấc mơ Việt”.  Jeng patui bruk ini, Nhà hát tamia rối Việt Nam meda brei tabiak mbaok vở rối barau hu angan “Huyền thoại tasik” caik ka dom adei di harei 31/5, hu mek cam hung meng dua dalikan mengken danei angan di dunya lac ohng taha taong ikan saong anek ikan ameh ( Nga) saong Nai tiên ikab (Andersen-Đan Mạch). Rilo danakdak brei ka dom adei ranaih meda rah tabiak di mblang beir ia Hồ Tây dalam dua harei 31/5 saong 1/6 ngan saong kadha “, adei caong khin, adei peih ngak”. 

# Harei 26/5, kapul ngak bruk di Mentri y tế hu mai pasang iek bruk pacang caga jit ruak bilan hè pak phường Thắng Nhất bal sit Vũng Tàu saong Sang iek ruak Bà Rịa. Phường Thắng Nhất, bal sit Vũng Tàu nan lac labik duah mboh ralo sruh jit ruak pandiak tabiak darah saong tangin takai camboi ngan haong jaik 180 urang njauk. Min urak ini taong abih dom sruh jit hu xử lý blaoh saong daok hu kiểm soát. Hadei di tuk ngak bruk blaoh haong phường Thắng Nhất, kapul ngak bruk di Mentri Y tế hu pasang iek bruk taduan saong iek dom jit ruak bilan hè ....pak khoa Nhi saong khoa Nhiễm, sang iek ruak Bà Rịa. Meng akaok thun tal ini, sang iek ruak hu taduan iek ruak 132 urang njauk pandiak tabiak darah; 262 urang njauk ruak tangin takai camboi saong 39 urang njauk ruak pandiak tabiak darah. Taong abih dom janih ruak ini  jeng oh hu biến chứng nguy hiểm, oh ka hu urang metai .

Nhạc cắt

Khaw tin dunya

# Di ban Ô-sa-ka (Osaka), ban praong ka 2 di Nhật Bản, labaih  1000 urang Biet Nam saong Nhat Ban hu mbaok tame mbang tuần hành phản đối Trung Quốc ba giàn khoản Hải Dương – 981 tame bhum tasik di Việt Nam. Tabiak  meng mblang beir U-chư-bô (Utsubo), kapul nao takai tui dom canah jalan jaik Lãnh sự quán Trung Quốc di Ô-sa-ka dalam labaih sa tuk saong ndom tagok kha “ Trung Quốc oh meblah chủ quyền Việt Nam”, “Trung Quốc njauk tabiak truh quần đảo Hoàng Sa, Trường Sa”. Nhật báo San-kê (Sankei) saong A-sa-hi (Asahi) di Nhật Bản jeng ba khaw tin ka mbang nao takai, dalam nan, brei thau abih kapul nao takai bak sambo bhong meng ao in hala dok Việt Nam gam rilo hala dok bhong patuk kanhik.

# Mentri Lao động Hàn Quốc brei thau, Raja-ei Hàn Quốc meda daong jien padai ka dom baoh sang hu urang metai dalam mbang karam phà Xê-uôn (Sewol) di kreh bilan dahlau. Meng harei 26/5, raja-ei hu brei 1,2 triệu uôn (won) yaok bilan ka dom urang oh mai ngak bruk veik hu  tuk lahik gauk gar dalam mbang karam phà. Mentri Lao động jeng kuhria dahlau brei 200 ribau uôn yaok bilan ka dom po ngak daok khik takai gauk gar di urang metai pak labik ngak bruk tal tuk dom urang nan yam tapa kan kandahj ini. Raja-ei jeng daong 600 ribau uôn yaok bilan ka dom po ngak njauk pah urang karei mai ngak salih ka urang metai nan.

# Tư lệnh Lục quân Thái Lan, Tướng Pray-út Chan Ô-cha (Prayuth Chan-ocha) sanya tacei tabiak sa Thủ tướng lâm thời ka Thái Lan saong brei padang Rajaei barau di taneh ia ini. Panuac nan hu ba tbaiak dalam mbang họp báo hadei di tuk ong Chan Ô-cha  hu hoàng gia Thái Lan brei dang akaok Hội đồng bangsa hòa bình saong trật tự Thái Lan. Min, ông  Chan Ô-cha plaih calei lac ong meda jeng Thủ tướng di Thái Lan halei oh. Ong jeng plaih calei tanhi sua lac mbang pilih ruah Thủ tướng Thái Lan tal ini hu peih ngak halei oh, brei thau lac, bruk ini daok gimbak tame bruk di Thai Lan dalam tukvak tal./.