# Page harei 28/5, pak jabat raja-ei, Thủ tướng Nguyễn Tấn Dũng hu taduan raok Thượng nghị sỹ Benjamin Cardin, akaok Tiểu ban Đông Á-Thái Bình Dương dalam Ủy ban Đối ngoại Thượng viện Hoa Kỳ daok rivang saong ngak bruk pak Việt Nam. Thượng nghị sỹ Hoa Kỳ Benjamin Cardin brei mboh hatai bất bình, sangka praong tal bruk ngak ndung bak khiêu khích di Trung Quốc ba giàn khoan aia dalam Hải Dương 981 gam haong ralo gilai hu phao ndao, gilai quân sự saong kapal haok hộ tống tame dalam bhum tasik Việt Nam saong hu ba caik giàn khoan ini dalam bhum đặc quyền kinh tế di Việt Nam. Thượng nghị sỹ Benjamin Cardin jeng brei thau, tamat mbang rivang saong ngak bruk pak Việt Nam, ong meda tapa Singapore hu mbaok dalam Diễn đàn Shangri-La saong ong meda ba bruk  giàn khoan Hải Dương 981 gam haong dom bruk srau dhau daok rah tabiak angaok tasik tabiak diễn đàn praong ini.

# Di ban raya Hồ Chí Minh, pagaiy harei 28/5, kapal dam dara “jalan dam dara kayua tasik, pulao palei negar 2014” kayua Trung ương Đoàn, Bộ Tư lệnh Quân chủng Hải quân pambuak bruk peih tabiak hu nao ravang bol lin saong bhapbini  angaok pulao Trường Sa saong nhà dàn DK1. Ngan saong kadha “ dam dara kayua chu quyen tasik, pulao Biet Nam”, danakdak kapal dam dara thun ini hu mbaok jaik 200 urang mai di rilo tinh, ban, to chuc chinh tri xa hoi dalam taneh ia. Dalam nan, hu 90 urang lac dom kreih camin ranaih hadah krah ye : urang jakar co so, urang doan, doanh nhan, gru jru, sinh vien, van nghe sy, urang vak bao…Gam saong dom urang jakar, sruh kapal angan Trường Sa jeng hu ba tui rilo pandap yaom labaih 2 ty dong di baoh taneh, payua tal urang jakar bol lin saong bhapbini daok di pulao kaoh.

# Page harei 28/5, pak bal Quảng Ngãi, tỉnh Quảng Ngãi, lambaok Kho bạc karja Việt Nam hu pok brei 1 tỷ đồng saong Gilang pariak Đầu tư saong patagok Việt Nam jao 1,6 tỷ brei Kadung jien daong urang taong ikan saong kapul urang ngak ikan tỉnh Quảng Ngãi piah daong ka dom urang taong ikan tỉnh Quảng Ngãi njauk kaol Trung Quốc meblah mek, palai tayah drap ar tuk daok taong mek ikan angaok bhum tasik di Việt Nam. Yaom jien ini kayua urang jakar, urang ngak bruk di Kho bạc Karja saong Gilang pariak đầu tư saong  patagok Việt Nam rik daong, pachreih urang taong ikan patui veik bruk tabiak tasik khik caga chủ quyền pulao tasik di palei negar.

# Pagaiy harei 28/5, di Hà Nội, mBan Thường vụ Đoàn khối Doanh nghiệp Trung ương Peih harei pataom dam dara hadah krah ngak tui panuac Va gah daonh nghiep trung uong mbang 3. Harei pataom rah tabiak saong rilo asal kadha siam mekre ye : taong yaom dom bruk ngak hu meng peih ngak Chỉ thị 03 dalam 3 thun (2011-2013) di dom pakat mintri doan gah doanh nghiep trung uong; pataom iek veik dom ilamu ngak gheih dalam bruk peih ngak Chỉ thị 03; ba tabiak dom asal kadha, dom jalan ngak piah jhul khang bruk bac megru saong ngak tui jalan hadah krah siam mekre di Wa dalam tukvak tal. Kadha praong abih di harei pataom lac pok meyaom 60 dam dara hadah krah ngak tui panuac Wa di gah doanh nghiep trung uong mbang ka 3.

# Page harei 28/5, pak bal Tuy Hòa, UB bhap bani tỉnh Phú Yên peih bruk jak ba Bilan ngak brei ka uranaih thun 2014 ngan haong kadha: “Ngak ka sa xã hội oh hu bạo lực, oh taong paoh uranaih”. Dalam bilan ngak brei ka ranaih thun ini, tỉnh Phú Yên peih dom bruk ngak yau taom gaok, ndom biai nao mai, daong dom uranaih yam tapa kan kandah bac megru naih jioi; peih nyaom pakacah pathau khan ka Quyền ranaih, Hukum khik caga iek glang saong pato pakai uranaih. Di tuk peih bruk, ong Trần Quang Nhất, Phaok akaok UB bhap bani tỉnh Phú Yên pandar dom puk palei patagok pathau khan ka bruk khik caga, iek glang saong pato pakai uranaih pacang cakak bạo lực baoh sang, xâm hại uranaih, pacang caga bala ba tal rambuis di uranaih.

# Yaom thanh long dalam tinh Tiền Giang daok trun khang, dalam tuk nan daok tame bilan hajan, yau nan ye, jit ruak di dom beir phun thanh long tagok jang, rah tabiak kan kandah ngak ka urang nong pala thanh long biak duh hatai. Dalam tinh Tiền Giang urak ini hu labaih 1.000 ha thanh long njom ruak đốm patih, mboh rilo abih di huyen Chợ Gạo. Ruak tuyến trùng ngak kanhaih jhak ghà thanh long jeng daok mbang tame dom beir thanh long lavik thun, pala di bhum taneh dhaong…Gah ngak nong tinh kakei mikva ngak nong caik hatai, jhui peih praong taneh pala thanh long, njauk ngak tui quy hoach di tinh piah oh gaok kan kandah dalam bruk pablei salih di harei hadei.

Khaw tin dunya

# Tổng thống Philippines Benigno Aquino hu panuac lac, Bắc Kinh meda ngak veik bruk ba giàn khoan tame bhum tasik daok meriak gauk saong mbang ini meda lac bhum tasik di Philippines. Di mbang calei phỏng vấn báo Financial Times, ông Aquino ndom lac, Trung Quốc daok mein “ sa bruk mein nguy hiểm" saong " sarak ngoại giao pháo hạm” meda yam tapa bruk glang iek. Ong jeng khan lac, ong taduan hu pathau khan ka dom mbang kapal roh duah, pasang iek di Trung Quoc tame jaik labik dầu mỏ Galoc, atah di takai tasik Palawan jaik 60 hải lý.

# Tukvak tapa, bruk glut jaleih jalan tapen tasik, ar kraong dalam   tỉnh Cà Mau gam gam rah tabiak, ralo công trình dân sinh, kinh tế njauk khat lahik trak, pambak tal bruk ngak mbang saong rai diuk di bhap bami. Piah samar khik caga anek manuac saong drap ar di bhap bani dalam labik glut jaleih trak tapen kraong, tapen tasik, tỉnh Cà Mau hu peih ngak dom jalan ngak yau: pala glai pacang caga; padang ngak labaih 17.000m ar pacang ngan haong yaom jien buh tame labaih 511 tỷ đồng; peih ngak dom dự án tái định cư tapen tasik piah rami ramik, ba labik daok bahrau ka dom baoh sang di dân tự do, dom baoh sang daok tapen kraong, tapen tasik…

# Mbang nyaom raja-ei Lào bahrau tamat di harei 27/5 ala bruk tacei pato di  Thủ tướng Thong-sing Tham-ma-vông (Thongsing Thammavong), hu ginum biai ralo bruk njauk ngak chip, dalam nan hu bruk quốc phòng saong an ninh negar; tacei pato jalan pacang caga dom  bruk ngak ba tal srau kadau, abih di nyu nan lac tệ nạn jru phian, co klaik saong bala angaok jalan mbak nao mai; bruk kuhria caga ka mbang pakacah puac thun di dom pakat bac phổ thông; pasang iek, brei adat saong pasiam veik hukum thuế giá trị gia tăng.

# Hiệp hội pablei salih dunya Hàn Quốc barau brei thau, blei tvivi ky thuat so meng Trung Quốc di Triều Tiên tagok rilo jang 4 mbang dalam thun ini, dalam tuk hu dom khaw tin ndom lac taneh ia ini daok mbeik drei piah ngak randap saong rayo papar binguk ky thuat so. Dalam 4 bilan akaok thun ini, Trung Quốc pablei tapa Triều Tiên dom tivi kỹ thuật ngan saong yaom jien tagok tal jaik 17,66 triệu USD, tagok 338% duk saong dom bilan ini thun dahlau. Tivi kỹ thuật số lac pandap hu yaom praong ka 5 bo Trung Quoc pablei tapa Triều Tiên meng bilan 1 tal bilan 4/2014./.