Sa urang brei thau, dalam 1 mbang nao tapa 1 labik hu rilo biệt thự mekre min daok joa lange, tuk ba phone pan tangin tabiak duah iek angaok mạng Internet piah duah thau yaom biệt thự, sa-ai tatuak drei taduan hu dom mbang ieu phone yaih khan. Sa-ai oh thau habar urang gah daih thau laik phone di drei saong ieu mai sua tangi njauk bruk bo drei daok duah thau. Bruk ini hu ong Nguyễn Doãn Sơn – urang ilamu gah khik kandauk, Cty Cổ phần An ninh mạng Việt Nam VSEC – langyah yau ini: “Bruk pandar dom công nghệ glaong piah duah thau thông tin meda klaik mek thông tin di menuac pandar tapa bruk tame Internet atau tame mạng 3G, 4G. Dom jalan ini dak harei dak cakrok nan ye menuac pandar kan thau dahlau hu. Rilo Cty thau thông tin di tuai saong brei adat gah ka 3 meda pataom mek thông tin này, pablei ka gah karei”.

Lingiu di bruk gaok njauk yaih khan oh caong khin dalam tuk duah thau angaok mạng, tukvak jaik di ini, rilo tin nhắn hu angan je daok tabiak mbaok rilo, min kan thau lac biak atau ja. Kadha ini daok kandauk dalam 1 bruk jhak bahrau nan lac Yaih khan pablei salih tapa phone tangin – ieu katut lac Telesales. Ong Lê Quốc Vinh - Chủ tịch Hội đồng quản trị gam ngak Tong Yam ndok Cty Truyền thông Lê brei thau: “Urang hu laik phone di drei, hu data di drei ye urang ieu. Yaok harei dahlak taduan hu jaik 10 mbang ieu meng gah pablei salih sang danaok, taneh riya, chứng khoán,  du lịch… Min dahlak bhian pang phone di menuac bo dahlak thau”.

Tuk Telesales ngak ja, mek angan, pandar tin nhắn hu angan je dreih yau di dom gah yau Gilang pariak, nhà mạng viễn thông… ye hu oh takik menuac njauk lah pachot. Bahrau ini dom adit, rilo menuac khan brei Cục meriak gauk saong Khik caga urang blei pandar ka bruk pachot, meblah mek quyền pandar sim phone tangin, meblah mek thông tin thẻ tín dụng. Dom menuac njauk lah pachot nan hu 1 urang mek angan lac yaih khan pablei salih tapa phone tangin di 1 nhà mạng halei nan, khan lac urang pandar brei nhắn tin piah patagok sim 3G jeng sim 4G online. Hu rilo menuac ngak tui, sim phone di drei njauk kreik veik, jien dalam thẻ tín dụng njauk nyu kaoh mek abih. Ong Ngô Tuấn Anh – Phaok Chủ tịch iek gah An ninh mạng Tập đoàn Công nghệ BKAV – langyah brei thau: “Jaik di ini, bruk taong tame mạng meda lac biak rilo jang dut saong dahlau daih. Kol jhak nyu ba tabiak bruk dui pachreih urang, pagap yau tame sa jalan link saong dom menuac taduan hu thông tin bhian ngak tui. Tuk nan, lac drei njauk kol jhak nyu klaik mek tài khoản, klaik mek jien. Ngan saong yaok urang ye jien meda lac oh rilo, min rilo menuac njauk yau nan, ye jien nyu blah mek lac biak praong”.

Tuk sarak ka 91 pacang tin nhắn yaih khan, thư điện tử yaih khan, ieu phone yaih khan hu ba tame pandar meng harei 1/10/2020, ye bruk tin nhắn yaih khan, ieu phone yaih khan mboh trun daok takik. Min bruk pachot meng dom mbang ieu phone yaih khan, tin nhắn yaih khan yau daok tagok jang, abih di nyu lac dalam dom bilan akaok thun. Kayua yau nan ye, piah plaih lah pachot, urang pandar phone tangin njuak paglaong hatai sangka, siam di abih lac tuk halei jeng duah thau cambaih laih meng bruk ieu phone ka menuac payua tin nhắn tapa “chat” atau tapa email, atau ieu tal laik phone jalan talei pandiak di labik bo urang pandar phone taduan hu tin nhắn mboh medil./.

Urang lang: M.Phuong - 3/5/2021