Tra Vinh peih ngak sumu gauk

 dom jalan langyah bruk pablei kaya nong

Meng 185.000ha taneh ngak nong, meblah 79% taneh riya, nan ye Trà Vinh thau lac bruk ngak mbang kinh tế praong lac bruk ngak nong. Yaom lac jaik di ini tỉnh hu tagok samar gah nang suât saong san luong, min kinh te di tỉnh jeng oh ka hu rilo salih barau, jien mek tame di urang nong oh ka tani tanat. Piah patagok dom yaom glaong bruk ngak nong, Trà Vinh daok pataom tame ngak tui jalan pambuak 4 gah (karja – urang nong- urang alamu – doanh nghiep). Kadha vak ka dom jalan ngak sumu gauk ini di urang vak Sa Oanh daok di bhum taneran kraong Cuu Long brei thau ka bruk ini : 

Piah patagok bruk ngak nong tui jalan kein laba saong khang kajap, tal thun 2020, tỉnh Trà Vinh ba tabiak bruk lac hu jaik 9.300 ha taneh ngak nong hu ngak tui mo hình mblang hamu praong. Dalam nan, phun padai labaih 6.800 ha; phun mbang baoh 1.650 ha, daok veik lac njam patam saong phun công nghiệp katut harei. Taneh pala dom janih ini meblah meng 5 – 8%  taneh phun pala yau nan di tỉnh.

Tal urak ini, tỉnh barau ngak hu 4.300 ha mblang hamu praong ka phun padai saong 46 ha ka phun tabau. Karei phun njam saong phun công nghiệp katut harei urak ini jeng oh ka ngak jeng labik pala praong kayua taneh pala di urang nong rilo meng sit sot, oh pataom sa labik. Kayua yau nan ye biak kan si ieu doanh nghiep buh jien tame ngak, pambuak haong urang nong saong pandap ngak tabiak daok pagam pambak tame urang blei, bruk pala njauk, yaom laik rah tabiak miat. Urang nong Đặng Văn Hòa daok di xã Ngãi Hùng, huyện Tiểu Cần ndom lac :“caong khin di kol dahlak lac caong công ty jeng ye dom pakat karja daong atau pok panuac tagok pakat angaok lac tal bilan paik, tal tuk yuak, hu cong ty trun blei tapak, oh tapa trung gian gah langiu”

Bruk pambuak gauk dalam tỉnh urak ini bahrau lac bruk pambuak gauk di karja saong urang nong dalam bruk padang quỹ taneh, mặt bằng, tacei pato alamu pala drak, daok doanh nghiep hu mbaok tame biak takik, bahrau tame bruk pablei pandap vật tư piah duah laba, daok bruk blei pandap ka urang nong oh ka hu sangka. Taphia di nan, akaok sahaneng di gah bhapbini jeng daok lac paga pacang dalam tuk peih bruk pambuak gauk, hu oh takik tuk pablei tabiak mbuan lagaih, urang blei gah lingiu bayar yaom glaong jang ye urang nong yah klak hợp đồng, ngak ka doanh nghiệp oh daok jia tame, oh khin đầu tư. Ông Nguyễn Phú Sĩ, Phó akaok Công ty lương thực Trà Vinh - doanh nghiệp dang akaok gah blei padai di tỉnh ndom lac :“Caong khin di kol dahlak lac ngak habal pambuak bruk saong puk palei ngak jeng bhum padai chat luong glaong piah nao tal bruk padang angan brah hu angan Trà Vinh ( Trà Vinh di Việt Nam). Bruk mblang hamu praong njauk daok dalam bhum quy hoạch suai lavik, kol dahlak brei padang kho bãi di labik nan piah ka mikva payua padai tuk caong khin. Hu yau nan meng oh lihik padai.

Tui ông Trần Trung Hiền, akaok Sở ngak nong saong patagok palei pala tỉnh Trà Vinh, piah paglaong chất lượng saong langyah bruk pablei tabiak ka pandap panda kaya nong di tỉnh, gah ngak nong brei pataom tame bruk pambuak 4 gah, dalam nan bruk pambuak gauk di urang nong saong doanh nghiep hu dom jabat khik ramik karja biak caik hatai sangka.“Kol dahlak daok ba tabiak dom jalan ngak, dalam nan kol dahlak sangka rilo di abih lac peih bruk sản xuất gilac saong pambuak bruk sản xuất tui jalan 4 gah meng blei pandap tame tal pablei pandap tabiak; meng ieu dom doanh nghiep pataom mbaok tame tui jalan buh brei nyim dahlau pajaih, khak drak, jru khik caga phun pala saong mbaoh tangin pambuak bruk blei kaya nong.

Piah pachreih urang nong patagok sản xuất tui jalan tập thể, ngak praong, tỉnh ba tabiak rilo sarak ưu đãi piah pachreih dom doanh nghiệp. Cambiah laih tỉnh daong meteh yaom jien ka doanh nghiep saong daong taong abih yaom jien ka dom kapul lambaok urang nong peih tal pato pakai saong tacei pato alamu ka urang nong ngak kaya nong tui hợp đồng, bao tiêu…Ông Đỗ Văn Khê, akaok Sở Kế hoạch - Đầu tư tỉnh Trà Vinh daok brei thau lac: “Piah ba mbuan lagaih ka doanh nghiệp buh jien tame ngak mbang gah ngak nong palei pala, uy mban bhapbini tỉnh patabiak rilo sarak ưu đãi. Ka sa lac klak jien pah taneh ka doanh nghiep, trun jien jhung jien mesraiy di gilang pariak, taphia di nan, padang quy taneh hacih piah doanh nghiep peih bruk san xuat pablei salih samal di abih. Abih di nyu nan lac tỉnh hu ưu đãi biak praong, yaok thun buh tabiak 2%-5% jien karja tỉnh piah daong gam saong Trung ương tame gah ini”.

Tui ông Trần Quốc Tuấn, akaok Sở Công Thương tỉnh Trà Vinh brei thau : “Tỉnh barau padang Kadung jien patagok kinh tế pambuak bruk saong phun jien jaik 5 tỷ đồng. Kadung jien piah daong jien ka dom hợp tác xã dalam tỉnh salih jamraic, peih praong bruk sản xuất piah patagok năng suất chất lượng pandap ngak habal pablei siam pandap di mikva urang nong.

Ngak mbang sản xuất tui jalan tập thể, quy mô praong jeng daok hu dom kan kandah, min bruk ngak hu mboh biak siam mekre. Meda ndom lac nan jalan njauk nao tal, lac jalan siam lagaih di abih ka bruk pala drak jeng ye ngak padai, piah pamaong tal darak pasal praong, tani tanat. Taphia di nan, ngak mbang sản xuất tui jalan ini ini daok rik daong patagok yaom glaong saong peih ngak hu danakdak rami ramik veik gah ngak nong tui jalan khang kajap di tình./.