1/ Harei kabroi 3/9. akaok negar ong Trương Tấn Sang song kapul ngak bruk di TƯ hu nao rivang song ngak bruk di xã palao Thổ Châu, huyện Phú Quốc, tỉnh Kiên Giang. Di labik ni, akaok negar song kapul ngak bruk di TƯ hu nao rivang Cột mốc chủ quyền palao Thổ Châu, rivang Đồn Biên Phòng Thổ Châu di Bộ Chỉ huy Bộ đội Biên Phòng Kiên Giang. Akaok negar hu panuac kakei urang jakar, urang lin Đồn Biên phòng Thổ Châu patui jalan pambuak bruk song dom gah karei khik kajap chủ quyền tasik palao Tây Nam di taneh ia. Di xã palao Thổ Châu, akaok negar Trương Tấn Sang song kapul ngak bruk di TƯ hu pok bingu song am cuh gilau di Đền Tưởng niệm Thổ Châu hu padang tagok piah pahadar 500bhap bini, urang lin njauk khol Khmer Đỏ pametai dalam harei 10/5/1975

2/ Harei 2/9, nyaom meyai akaok mintri năng lượng APEC mbang ka 11 (ieu lac EMM11) hu rah tabiak di ban ine Bắc Kinh di TQ. EMM11 hu mbaok 29 kapul, dalam nan hu lambaok ka 21 nền kinh tế thành viên APEC saong dom kapul nyom dunya hu pambuak tal… Nyaom meyai mbang ini hu pataom tame ginum meyai 4 kadha praong, nan lac an ninh, năng lượng,  pablei salih saong đầu tư năng lượng, dak padang công động năng lượng kein lagaih, khang kajap saong nguồn năng lượng hacih. Lambaok VN di nyaom meyai hu puac harak tham luận “bruk peih ngak danak dak hu kein lagaih năng lượng saong khik ramik năng lượng di VN”. Tham luận klah rabha tiến độ jeng yau ilamu di VN dalam bruk peih ngak hukum patak pataom saong kein lagaih năng lượng. 

3/ Harei 3/9, ủy viên mintri Chính Trị, Phó akaok Quốc Hội Nguyễn Thị Kim Ngân song amuk Nguyễn Thị Nghĩa, Thứ trưởng mintri pato megru hu mbaok peih thun bac bahrau 2014-2015 di sang bac Trung học phổ thông chuyên Tiền Giang. Brei panuac di tuk peih thun bac bahrau 2014-2015 di sang bac Trung học phổ thông chuyên Tiền Giang, amuk Nguyễn Thị Kim Ngân tong yaom glong bruk kham merat song mek hu jah jeng di sang bac dalam thun bac bloh. Tapa nan, Phó akaok Quốc hội alin brei ka sang bac 5000 baoh siphau, 200 boh katap song 1 ti vi piah dong ka sang bac Trung học phổ thông chuyên Tiền Giang hu lagaih jang dalam bruk pato song bac.

4/ bác sỹ Nguyễn Bá Huệ, Giám đốc sang iek ruak đa khoa tỉnh Lào Cai brei thau: 2 dalam 9 urang njauk rambuac trak dalam bala radaih takhuak angaok jalan roya 4D labik xã Tòng Sành, huyện Bát Xát daok trak jang saong mbuan metai. Bruk iek glang, daong ka urang njauk rambuac daok rah tabiak dalam kham merat. Ngan saong urang njauk dhar kayau klauk tapa meta gaok tal glo akaok hu blac akaok brei ka darah nyu nduac hu. Daok urang kamei njauk đa chấn thương, chấn thương glo akaok urak ini daok hu blac cấp cứu.

5/ UB bhap bini tỉnh Đồng Nai bahrau ngak bruk song dom sở, ban, ngành dalam tỉnh ka bruk peih tal bac pato sap ndom, akhar haroh bangsa Chăm, Khơme di dom huyện: Định Quán, Long Thành, Xuân Lộc song ban sit Long Khánh tukvak 2014-2018. Di nyaom biai, dom panuac ndom lac gru pato hu mbaok pato pakai brei hu bằng cấp song brei thau cambaih sap Khmer song sap Chăm.Dalam tuk nan, di ĐN urak ni oh ka hu gru pato yau ni, kayua yau nan ye meyah peih ngak dalam thun ni biak kan kandah. Lingiu di nan, asar kadha song labik pato brei mong iek veik ka nyu lagaih song hatai khin di mik va.

6/ Harei 3/9, ong Lê Thanh Hải, Ủy viên mintri Chính trị, Bí thư Thành ủy ban raya Hồ Chí Minh hu mbaok peih thun bac bahrau saong gru pato anek saih sang bac Trung học phổ thông Nguyễn Thị Minh Khai. Sang bac Trung học phổ thông Nguyễn Thị Minh Khai lac sa dalam dom sang bac hu ralo salih barau bruk pato bac, paglaong chất lượng pato megru dalam sang bac. Anek saih naih – joi dalam thun bac meng bloh hu 90%, 33 anek saih mek hu angan anek saih naih joi pakat ban raya, 24 anek saih mek hu giải dalam dom mbang pakacah Olympic khu vực; anek saih tamat THPT labaih 99,8%. Thun bac ini, sang bac THPT NTMK taduan 617 anek saih tal 10, patagok abih tih anek saih dalam sang bac tal labaih 1.800 adei.

7/ Harei kaboi, huấn luyện viên Mai Đức Chung saong dom anek saih di drei tagok jalan tapa Bắc Kinh - TQ pakacah giao hữu song đội tuyển TQ  di harei 5/9. Mbang pakacah nan di kapul Việt Nam song kapul Trung Quốc daok dalam bruk kurhia caga ka Nyom roya thể thao Châu Á 2014 di 2 kapul. Tui kuhria, mbang dit giao hữu di kapul urang kamei VN song kapul urang kamei TQ hu rah tabiak tuk 19 tuk harei 5/9 di sân vận động Trung tâm thể thao Olympic Bắc Kinh. Harei 6/9, HLV Mai Đức Chung saong dom anek saih di drei mai veik Hà Nội song dok di Pasak Huấn luyện Thể thao Quốc gia Hà Nội 8 harei dahlau di tuk tagok jalan tapa HQ hu mbaok tame ASIAD harei 13/9.

Patui di ni dom khau tin dunya:

8/ Rajaei Đức saong Italia barau hu panuac ieu pambuak bruk ralo jang gac meng dom taneh ia châu Phi yau Êritơria atau Xômali dalam bruk mesruh pacang bruk pablei menuac tapa châu Âu. Êritơria saong Xômali bahrau lac 2 dalam biak ralo taneh ia châu Phi daok hu srau kadau saong eik lipa kan kathaot, jhul yaok ribau urang nao duah jalan tị nạn aatau di cư sung hukum tapa dom kapul tội phạm pablei menuac tame Italia, taneh ia châu Âu dfaok jaik châu Phi di abih. Brei panuac harei kabroi dalam mbang taom gaok akaok mintri Nội vụ Italia Angiêlinô Anphanô, akaok mintri nội vụ Đức Thômát đề Maidiêrê ndom lac, bruk mesruh pacang kol pablei menuac brei hu pambuak bruk di dunya min dahlau di abih lac dalam châu Âu saong cambaih laih jang nan lac dom taneh ia dalam khu vực yau Italia, Thổ Nhĩ Kỳ.

9/ Xinh-ga-po song In-đô-nê-xia bahrau mbaoh tangin tame harak neh rabha jalan neg angaok tasik di gah Đông eo tasik Xinh-ga-po, dalam nan hu jalan tasik atah 9,45 km meng Changi (Xinh-ga-po) tal  palao Batam di  In- đô-nê-xia. Ngoại trưởng Xinh-ga-po Xan-mu-gam (K. Shanmugam) song ngoại trưởng In-đô-nê-xia Na-ta-lê-ga-oa (Marty Natalegawa) hu mbaoh tangin tame hiệp ước nan di Xinh-ga-po ala bruk hu mbaok maong iek di Tổng thống In-đô-nê-xia Y-út-đô-yô-nô (Susilo Bambang Yudhoyono), dok rivang Xinh-ga-po song Thủ tướng Xinh-ga-po Lý Hiển Long./. 

10/ Mintri pato megru Mi-an-ma barau brei thau, taneh ia ini daok soạn thảo sa dự luật pato megru piah patagok quyền tự chủ ka dom sang bac đại học saong padang sa jabat độc lập khik iek chức năng di dom sang bac. Brei panuac di sa mbang họp, akaok mintri pato megru Mi-an-ma Đô Khin San Yi brei thau, dom sang bac đại học meda ba tabiak dom danak dak saong dự án di drei saong tự chủ ka jien ndo piah peih ngak dom danak dak tui jalan độc lập. Hadei di tuk hukum barau hu ba tabiak ngak tui, mintri oh can thiệp tame bruk khik iek di dom sang bac saong bruk ini hu jao ka sa jabat độc lập di rajaei. Urak ini mintri pato megru Mi-an-ma daok mek panuac saong đề xuất ka dự luật barau./.