Trang tin 10h30 và 14h30 ngày 5/2/2016  

#/ Dalam tuk uan raok thun bahrau anek sak kara 2016, beir harei 4/2 di HN, akaok negar Trương Tấn Sang hu nao rivang song tadhau yhut tết urang jakar, urang ngak di kapul Dầu khí negar Việt Nam. Tadhau yhut dom jak jeng di gah dầu khí, akaok negar ndom lac sajarah dak rai patagok labaih 40 thun song dom bruk ngak hu di gah dầu khí dalam dom thun tapa, kapul meda yam tapa kan kandah, patui jalan nao tagok.

 # Jeng dalam harei 4/2 , Ủy viên mintri Chính trị, akoak Ủy ban Trung ương Mặt trận negar Việt Nam Nguyễn Thiện Nhân hu nao ravang, tadhau yuh tet urang dahlau thiah ngak akaok taneh ia Lê Đức Anh, Trần Đức Lương saong urang dahlau thiah ngak akaok Ủy ban Trung ương Mặt trận negar Việt Nam Phạm Thế Duyệt. Dalam thun barau asak tra 2016, ông Nguyễn Thiện Nhân payua panuac tadhau yuh dom urang dahlau thiah dang akaok Đảng, karja , Mặt trận negar Việt Nam thun barau rilo pren yava, caik hatai sangka, rik daong glo akaok ka bruk Mặt trận,  rik daong ba taneh ia patagok, nao tagok khang kajap .

#/ Thủ tướng rsjaei bahrau mbaoh tangin tame harak angan 2.275 xã biak kan kandah, xã tapen negar, xã an toàn di 48 tỉnh, ban di TƯ tame angan buh jien tame ngak di danak dak 135 tuk vak 2016- 2020. Dalam nan gilang pariak TƯ buh tabiak 2.240 xã di 44 tỉnh, kadung jien puk palei buh tabiak ka 35 xã di 4 tỉnh ban . Quảng Ninh, Hà Nội, Khánh Hòa, Bà Rịa - Vũng Tàu.

# Pagaiy  4/2 Trung ương kapul Liên hiệp dam dara Việt Nam, Công ty Cổ phần Tập đoàn KIDO, kapul Liên hiệp dam dara Việt Nam ban ine Hà Nội peih harei xuất quân danadak “sang praong “ ndua dhar phuan urang kumei di thun” alin labaih 1.600 paok pandap saong vé radaih ba urang ngak kamei nao palei mbang Tết dalam Xuân Bính Thân 2016. Ndom ka harei xuất quân, saai Nguyễn Phi Long, Bí thư Trung ương Đoàn, akaok Trung ương kapul Liên hiệp dam dara  Việt Nam brei thau : “Tukvak tapa Trung ương Đoàn saong Trung ương kapul Liên hiệp dam dara Việt Nam hu tacei pato dom pakat đoàn pataom tame pasang iek ka dua đối tượng. Sa lac dom ayut sinh viên kathaot, dua lac dom ayut dam dara urang ngak di dom labik công nghiệp khu chế xuất. Abih di nyu nan lac dalam harei tet ini kol dahlak jeng pataom tame piah daong ngak habal piah rilo ayut sinh vien kathaot, urang ngak kathaot hu daong nao palei di harei.” 

#/ Hadei di labaih 2 thun peih ngak danak dak “ Dong padang ngak bahrau, pasiam veik sang dok ka boh sang hu buh pren yava ka CM” ban sit Đà Nẵng pachreih hu labaih 66 tỷ đồng hu ngak bloh 2000 boh sang dok. Dom harei ni, hu 500 boh sang bahrau dok samar ngak salah bloh piah dom boh sang hu buh pren yava ka CM tame mbang tết dalam sang bahrau. Jien peih ngak meng kadung jien karja, jien ieu pataom di domDN song dom boh sang rik dong piah padang ngak bahrau.

# Melam 4/2, Ủy ban bhapbini tỉnh Tây Ninh peih bruk taom gaok sinh viên dalam tuk tet Nguyên đán Bính Thân 2016; alin harak meyaom ka 69 sinh viên hadah trah, bac daa naih joi, yam tapa kan kandah dalam bac megru saong diuk rai, kham merat ngak bruk Đoàn, hội thun 2015.  Langiu di nan dom adei sinh vien daok hu brei thau dom asal kadha ka sarak pato pakai, pachreih urang naih joi ka tỉnh di thun 2016 saong pamaong tal thun 2020.  

#/ Mesup harei 4/2 di Khu ilamu parang iek  Hồ Nước Ngọt, tỉnh Sóc Trăng hu peih pakak “Hội Báo Xuân Bính Thân 2016" Hội báo Xuân Sóc Trăng thun ni hu labaih 400 tapuk  báo, tạp chí, tập san di dom jabat thông tấn, báo chí dalam negar hu mbaok song rilo janih siam gheih, mekre meta. Langiu di nan, dom ấn phẩm báo chí di tỉnh, dom mintri, dom gah, dom Hội song kapul  nyaom 

Khaw tin dunya 

# pasak caga saong dut iek jit ruak negar Rumani harei 4/2 khan brei thau urang metai akoak mereip kayua kum pabui di Rumani di bilan laar ini. Urang gaok bala lac urang likei umo 38 thun daok di ban Bu-ca-rét (Bucharest). Dom urang y tế padrak urang bhapbini njauk klauk caga vắc-xin caga kum , abih di nyu nan lac uranaih, urang taha saong dom urang gaok dom baok ruak pabmual tal lao phổi saong tim.

#/ Thái Lan, Indonesia và Malaysia njauk gauk brei cakak trun sản lượng katak cao su tự nhiên labaih 615.000 tấn dalam  6 bilan kuhria meng bilan 3 anak tal piah patrun nguồn cung piah tagok yaom janih nguyên liệu ni, hu dang di tanut beir di abih dalam jiak 6 thun tapa. Dalam sa panuac khan, 3 negar ĐNÁ jeng ndom lac bruk ngak nan piah pacang bruk patrun di yaom katak cao su tự nhiên hu pagam tapak tal jien bilan di urang pala cao su di dom negar ni. 

# Harei 4/2, mintri Y tế Indonesia hu  tbaiak cảnh báo ka du lịch di dom urang bhapbini taneh ia ini caong nao tal dom taneh ia njauk virus Zika. Bruk ngak ini hu Jakarta ba tabiak hadei tuk Tổ chức Y tế dunya (WHO) cảnh báo dom taneh ia di dunya ka nguy cơ njaom ruak , taphia nan iek dom taneh ia paglaong dom jalan pacang caga anak bruk njom mbak di janih virut ini.