1/ Liên đoàn Lao động ban sit Đà Nẵng tacei pato công đoàn dom pakat duah thau ka nyu cambaih laih saong pasang iek bruk peih ngak sarak jien bilan, jien thưởng di dom đơn vị, DN dalam tuk tết nguyên đán. Brei pambuak bruk song dom jabat, đơn vị, DN langyah chip dom tavak tavaiy di urang ngak, patrun bruk meriak gauk di urang ngak, bruk đình công, pachreih urang ngak kham merat ngak siam nội quy, quy chế di cơ quan, DN khik siam mekre dahlau, dalam song hadei di tết.

2/ Hadei di jaik 4 thun peih ngak danak dak bruk ngak pakat negar padang ngak palei pala barau, tal urak ini, tỉnh Quảng Bình hu 11 xã ngak hu bloh 19 tanut padang ngak palei pala barau. Abih di nyu nan lac, meng thun 2011 tal urak ini, tỉnh Quảng Bình jak ba bhap bini hu labaih 532 tỷ đồng piah padang ngak palei pala barau, kham merat dalam thun ini hu takik abih 27 xã mek hu tanut palei pala barau, oh daok xã halei ala 5 tanut.

3/ Di tỉnh Bình Định, urak ni hu labaih 120 DN hu pathau khan ka bruk jien bilan song jien thưởng ka urang jakar, công nhân viên dalam tuk tết nguyên đán anek sak pabe thun 2015. Dalam nan, DN hu yaom thưởng tết glong di abih nan lac 54 triệu đồng ka sa urang song DN thưởng tết beir di abih lac 200 ribau đồng ka sa urang.

4/ Tỉnh Kon Tum daok kham merat kuhria caga abih janih ka nyaom roya Đảng dom pakat saong palih 22 Đảng bộ cơ sở dalam tỉnh piah peih nyaom roya điểm, dahlau di tuk peih tabiak praong. Dalam nan, 2 Đảng bộ akaok meti dalam tỉnh peih ngak hu siam mekre nyaom roya điểm. Tui bruk ba tabiak di tỉnh ủy Kon Tum, bruk peih nyom roya điểm ngan saong 22 Đảng bộ cơ sở dalam tỉnh hu peih ngak meng ini tal puac bilan 3 tal. 

5/ Dom harei akaok thun ni, tỉnh Đồng Tháp hu 53 urang njauk ruak tangin takai cambuai. Dalam nan hu rilo urang suai thau lac ruak kayua gauk gar dalam sang oh caik hatai sangka.   

6/ Tui Liên minh Hợp tác xã Cần Thơ, urak ini hu 220 hợp tác xã ngak bruk dalam dom gah ngak nông, ngak công, pablei salih, xây dựng, pajeng ba, brei mesraiy. Dalam nan hu 132 hợp tác xã khá, joi. Thun 2015 ini, Cần Thơ pataom tame patagok chất lượng saong kein laba bruk ngak di dom hợp tác xã, kham merat mek hu 2.500 tỷ đồng, ralo jang 20% duk saong thun dahlau, ba bruk ngak ka 12.000 urang ngak.

7/ Ong Nguyễn Văn Tranh, Phó Giám đốc Sở ngak nong song patagok palei pala tỉnh Cà Mau brei thau, ikan hamu dalam tỉnh thun ni tui kuhria hu meng 20.000 – 22.000 tấn, trun 10.000 tấn dut song tukvak ini thun dahlau. Tapa nan nyu ngak patrun jien duah hu di yaok ribau boh sang rong ikan kayua ni lac bruk duah jien di mik va, abih di nyu nan lac tuk vak jiak si tết. Tui kuhria mboh dahlau, Tết thun ni ikan hamu di Cà Mau meda tagok yaom kayua ikan hu takik. Makna ngak brei ikan hamu hu takik kayua bruk tong chap ikan anek dak harei dak rilo ba tal patrun sản lượng ikan dalam thun.

Patui di ini dom khau tin dunya:

8/ Hãng kapal haok Trung Quốc Air China brei thau, meda peih jalan par tapak meng Bắc Kinh tal La Habana meng harei 28/9 tal. Ini lac jalan par tapak akaok meti meng TQ tal Cuba jeng yau dalam bhum Caribe. Tuk peih tabiak, jalan par hu daong patrun biak ralo tukvak par meng TQ saong dom taneh ia jaik taphia tal Cuba. Urak ini, dom tuai damuai njauk par tapa châu âu atau Bắc Mỹ saong meda salih kapal haok dalam tukvak nao.

9/ Mỹ khin peih prong bruk ngak mbang pablei salih song Ấn Độ, tapa nan dong ka dom DN Mỹ hu tame dalam jang darak pasa Ấn Độ. Ni lac panuac di Ngoại trưởng Mỹ Giôn Ke-ri (John Kerry) bahrau ni tuk hu mbaok dalam nyaom biai pakat glong ka bruk đầu tư hu angan ieu lac Vi-bren Gu-za-rát (Vibrant Gujarat) rah tabiak di Ấn độ. Ngoại trưởng Mỹ jeng brei thau, bruk pablei salih pandap panda saong dịch vụ di Mỹ song Ấn Độ dak harei dak tagok meng thun 2000. Bruk đầu tư tapak di 2 negar jeng dok di tanut jiak 30 tỷ đôla.

10/ Urang vak di rayo sap ndom VN daok di Ai Cập brei thau: Kuhria meng akaok thun tal ini, Ai Cập hu abih tih 10 urang njom chủng virút H5N1, dalam nan hu sa urang metai. Panuac di mintri y tế Ai Cập brei thau, urang metai akaok meti kayua cúm menuk ada dalam thun ini lac sa uranaih umo 3 thun daok di Gi-da. Dalam 9 urang njom ruak cúm menuk ada daok veik, hu 7 urang ruak daok hu iek ruak di sang iek ruak, 2 urang barau hu chuẩn đoán saong iek ruak dalam thun ini./.