1./Pasak Khoa học saong Ilamu Nga di Hà Nội bahrau peih nyom biai tui kadha: Pambuak bruk Việt Nam- Liên Bang Nga dalam gah pato megaru tapa dom tổ chức xã hội. Bruk ngak ini piah pahadar “Harei hòa hợp saong  yasa bangsa” di Liên bang Nga (4/11) saong harei Cách mạng bilan 10 (7/11).Dalam nyom baii, dom urang lambaok ndom lac, Liên bang Nga hu pren khang saong labik dang praong dalam bruk pato megru di dunya. Dalam 60 thun tapa, Liên bang Nga/Liên Xô hu pato pakai ka Việt Nam yaok pluh ribau urang khoa học, urang jakar, chuyên gia lành nghề….pabak ka bruk dak padang xã hội chủ nghĩa di gah Barak saong pacang kol khamang di gah meraong. 

2/ Pachreih tui harei hukum VN (9/11/2013 - 9/11-2014), di Hà Nội, mintri ngak nông saong patagok palei pala barau peih nyaom meyai “Pahadah harei hukum VN”. Harei hukum VN hu peih tabiak ngak di grauk labik dalam taneh ia, nan lac bruk praong dalam rai diuk chính trị - pháp lý di taneh ia, rik daong patagok akaok sahneng iek praong saong ngak njauk tui hukum di urang jakar, công chức, viên chức saong bhap bini dalam bruk “diuk rai saong ngak bruk tui Hukum negar saong adat hukum”.

3./Anak bruk Trung Quốc daok peih ngak dom bruk pasiam veik suan adat hukum di mblang Chữ Thập dalam pulao Trường Sa di Việt Nam, Urang brei panuac di Mintri Ngoại giao Việt Nam Lê Hải Bình ndom lac: “Việt Nam hu ginup adat hukum saong dakrai sajarah brei mboh quyền ngak pô di drei ngan saong dua pulao Hoàng Sa saong Trường Sa. Bruk ngak nan di gah Trung Quốc nyu xâm phạm nghiêm trọng tal quyền ngak pô di Việt Nam di pulao Trường Sa, vi phạm adat hukum dunya, nao cagar veik Tuyên bố ka jalan ndom puac daok dang di dom gah angaok tasik Biển Đông.

4/ Tuyên Quang lac tỉnh  bhum ceik hu 22 bangsa adei saai, labaih meteh menuac sia nan lac urang bangsa takik, kinh tế ralo meng lac ngak nông. Meng thun 2009 tal urak ini, dalam tỉnh Tuyên Quang hu labaih 3.500 baoh sang urang bangsa takik kan kathaot mesraiy phun jien patagok bruk ngak mbang ngan saong yaom jien jaik 19 tỷ 800 triệu đồng. Tỉnh jeng hu daong ngak barau jaik 10.000 sang daok ka urang kan kathaot ralo meng lac baoh sang urang bangsa takik ngan saong yaom jien daong jaik 163 tỷ đồng; taong abih anek saih kan kathaot hu miễn jien bac; taong abih urang kan kathaot hu brei harak BHYT… Tỉnh kham merat tal abih thun 2014, baoh sang kan kathaot trun daok 14,15%.

5./Dalam dom bruk ilamu saong công nghệ bhum Nam Trung bộ saong Tây Nguyên”, di ban sit Tuy Hòa, Mintri Khoa học saong Công nghệ pambuak bruk haong Uỷ ban bhap bini tỉnh Phú Yên bahrau peih ndom biai “pambuak pagam cung- cầu công nghệ daong patagok kinh tế xã hội bhum Nam Trung bộ saong Tây nguyên”. Bhum Nam Trung bộ saong Tây nguyên urak ini hu 12 tỉnh, ban, dalam nan hu bhum duyên hải patagok gah công nghiệp- dịch vụ, daok bhum Tây Nguyên nyu patagok gah ngak nông.

6/ Mbiah tal urak ini, dalam 96 xã padang ngak palei pala barau di tỉnh BT, yaok xã mek hu 10,93 tanut. Dalam nan, 21 xã điểm saong dom xã tut angan đạt chuẩn thun 2014 -2015, kuhria rah tapa yaok xã ngak hu 13,85 tanut saong hu 8 xã mek hu meng 15 tal 18 tanut. Meng akaok thun tal ini, abih tih giá trị ngak hu dalam bruk padang ngak palei pala baru dalam tỉnh hu labaih 366 tỷ đồng, buh jien tư ngak pasiam dom jalan mbak palei pala, điện, thủy lợi, pato megru saong y tế… Bình thuận kham merat tal puac thun 2014, dalam tỉnh hu takik di abih meng 7 tal 8 xã mek hu bộ tiêu chí padang ngak palei pala barau saong 21 xã mek hu tanut chuẩn di thun 2015.

7./Di palei Đầu Giồng, huyện Trần Đề, tỉnh Sóc Trăng bahrau peih bruk padang ngak sang iek ruak đa khoa Trần Đề. Tuk sang iek ruka nan hu padang ngak bloh siam mekre, hu ginup pandap iek ruak, meda daong giảm tải ka sang iek ruak praong, saong hu pabak siam jang bruk iek glang pren yava bhap bini daok di bhum tapen tasik yau huyện Trần Đề. Tui kuhria, sang iek ruak nan hu padang ngak salah saong peih tabiak iek ruak di puac thun 2016.

Patui di ini dom khau tin dunya:

8/ Meyah nao tal TL dalam tuk ini, tuai damuai hu ba drei tame rija palao gom hoa đăng meng kan Loi Kra-thong biak, bui sambai. Dalam nan chreih chrai di abih nan lac angaok kraong Chao Pray-a, di Băng Cốc. Dahlau di nan, dom baoh sang TL hu caga dom baoh gom lồng, ngak bè meng din, hu bingu hadah rilo sambo. Hadei di nan, urang palao pandap cầu nguyện di drei angaok dom baoh bè gun hu ngak meng hala patei trang trí, seik tui ia saong caong khin ia nyu ba seik nao dom bruk oh patuah jamo saong tadhau yuh sa thun  hu siam mekre, salamat.

9./Dalam dom bruk di nyaom darak parang iek “Indo Defence Expo 2014”, rah tabiak meng harei 5 tal harei 8/11 di Jakarta, Mintri Quốc phòng Indonesia tapa dom công ty quốc phòng hu mbaoh tangin tame dom harak pambuak bruk blei phao ndao piah patagok pren khang di hải quân saong không quân.

10/ Dom urang metai kayua njom Ebola oh padeih di labik 4 ribau 818 urang yau panuac khan di LHQ, bo biak di nyu daok glaong jang biak ralo. Ini lac panuac ndom di ong Crít-tốp-phơ Đai-ê, sa chuyên gia pakat glaong di gah y tế dunya tuk ndom ka dom bruk daok rah tabiak njauk duh hatai di jit Ebola urak ini./.