# Thủ tướng Raja-ei njauk hatai ka bruk daong pandap panda ka dom Sang uranaih pak dom bhum kan kandah thun 2016. Daok dom pandap daong, iek tui kinh tế, tui bruk di yaok bhum palei, tui tâm lý, umo rabha tabiak nhóm Sang Uranaih tui bhum (bhum taneran, bhum ceik, huyện kathaot…); brei daong dahlau ralo jang ka dom sang Ilamo dalam bhum atah bayah, bhum kan kandah piah đề xuất dom angan pandap daong, njauk tui hatai caong,  tui bruk di yaok puk palei, abih di nyu nan lac dom kadha me-in vận động ka uranaih.

# Tổng cục Thủy lợi, mintri ngak nông saong patagok palei pala barau hu công điện ka bruk dui panak tukvak mek ia mbang sa, duh ka bruk pala drak bilan Đông Xuân 2015 – 2016, bhum trung du saong bhum taneran Bắc bộ. Dom đơn vị pathau khan, jak ba, tacei pato bhap bini khik ia dalam hamu, khik ginup ia ka bruk ngak taneh saong pala drak; peih bruk khik iek ia catang dalam dom công trình thủy lợi, oh caik ka ia sraiy ngak lihik ia

# Tal harei 26/1, jaik abih dom puk palei dalam tỉnh Lào Cai hajan tuyết padeih laik, min nhiệt độ jeng daok meng âm 1 tal 2 độ C. Tui kuhria mboh di Sở Ngak nong saong patagok palei pala tỉnh, tal urak ini dalam tỉnh hu jaik 200 drei limo, kubao , ralo meng lac limo la-oi saong kubao taha  metai la-ar. Khat lahik kayua băng tuyết ba mai kuhria mboh labaih 30 tỷ đồng. Kadha bo raja-ei saong bhap bani daok huac kanda urak ini nan lac nền nhiệt trun biar saong duui atah dalam dom harei anak tal ye tapon limo kubao khang kadang jeng kan diuk hu.

# UB bhap bini tỉnh Quảng Bình barau tabiak quyết định công nhận gilac 2 xã mek hu tanut chuẩn palei pala barau nan lac: Quảng Thanh (huyện Quảng Trạch) saong Quy Hóa (huyện Minh Hóa).Yau nan, tal tukvak ini, Quảng Bình hu 30 xã mek hu tanut chuẩn palei pala barau, meblah jaik 22% dalam abih tih dom xã dalam tỉnh… Danak dak bruk ngak  negar padang ngak palei pala barau hu daong ka bruk kinh tế - XH di tỉnh patagok samar saong khang kajap, ngak jeng mbaok meta barau ka bhum palei pala di tỉnh.  

# Meng harei 10/1- 7/2/2015, Tổng công ty Thương mại Quảng Trị hu peih  dom labik pablei pandap lưu động khik grap tanat yaom kaom pablei ka bhap bani dalam tuk Tết Nguyên đán 2016. Dom janih pandap bhian pandar dalam dom harei tết yau har meneng, kẹo, mứt, aia giải khát, dưa món, giò lụa, brah ndiuk... hu công ty ba mai tal bhum palei pala atah bayah ngan haong yaom lap abih, chất lượng siam abih, piah ka taong abih manuac urang kathaot saong daok pak bhum atah abih jeng blei hu pandap panda piah mbang Tết, taduan raok thun bahrau. Taong abih janih pandap  yaom25 tỷ đồng; dalam nan kadung jien karja tỉnh daong 10 tỷ.

# Urak ini dalam tỉnh Đắc Lắc hu labaih 85% bhap bini palei pala, abih di nyu nan lac dom bhum atah bayah, bhum urang bangsa takik, taphia negar hu pandar ia hacih saat. Tỉnh Đắc Lắc kham merat tal thun 2020, taong abih bhap bini palei pala di tỉnh hu pandar ia hacih mek hu tanut chuẩn pakat negar ngan saong 60 lít  sa urang sa harei. Urak ini tỉnh Đắc Lắc hu 133 công trình ba ia praong, dalam nan hu 19 công trình pabak hu ka meng 500 baoh sang bhap bini tagok, daok veik nan lac meng 30 tal ala 500 baoh sang. Langiu di nan, tỉnh daok hu 10 ribau bingun rok, bingun khoan pabak ia pandar ka bhap bini.

# Tỉnh Cà Mau daok brei  jhul patagok danak dak padang ngak palei pala bahrau dalam thun 2016 tui jalan kham merat hu 20 xã hu pok brei angan lac palei pala bahrau. Sa dalam dom bruk ngak hu tỉnh Cà Mau pataom tame nan lac jak ba taong abih nguồn lực brei buh jien tame padang ngak palei pala bahrau; dalam nan, langiu phun jien buh tame di karja, Cà Mau meda jak ba hu jaik 50 tỷ đồng meng bruk rik daong di bhap bani, doanh nghiệp, urang buh jien tame dalam saong langiu negar.

Patui di ini dom khau tin dunya:

# Bruk pakacah tamia lân pakat dunya mbang ka 9 barau rah tabiak dalam dua harei tapa di labik Chinatown di Singapore, taduan hu bruk pok meyaom di ralo urang maong iek dalam saong langiu taneh ia, ngan saong dom kadha parang iek gheih dom kĩ thuật kan angaok geng kayau Mai Hoa Thung. Bruk pakacah tamia lân pakat dunya ini, lac sa dalam dom bruk ngak yaok thun caga tết nguyên đán di Singapore. Hu 13 kapul pakacah mai meng do taneh ia saong bhum taneh dalam khu vực châu Á hu mbaok tame pakacah thun ini. VN jeng hu mbaok tame ngan saong dua kapul lân sư nan lac Tinh Anh Đường saong Phước Duyên Đường mai meng ban raya HCM.

# Ban ine Washington haong ralo bal karei gah Đông Bắc negar Mỹ daok kan kandah dalam bruk nao mai kayua ribuk tuyết prong abih dalam dom pluh thun tapa dalam tuk New York (Niu Y-óoc) daok hu bình thường veik. Tui kuhria mboh, manuac urang metai kayua mbang ribuk tuyết angan "Snowzilla" ini tagok tal 25 urang. Jaik 2.000 urang tut angan tame puh ramik.

# Jabat xuất nhập cảnh Chê Chu, HQ brei thau dalam thun 2015, urang negar langiu tui jalan DL nao tal pulao Chê chu piah daok veik taneh ia ini sung hukum tagok tal labaih 4.000 urang. Pambuak tal bruk 59 tuai DL VN “lahik” angaok pulao Chê chu dalam tukvak meng harei 12 tal harei 17/1 meng bloh, jabat xuất nhập cảnh Chê chu brei thau, kuhria tal tukvak ini hu duah mboh 28 urang saong daok  duah 31 urang daok veik, taphia di nan pambuak bruk saong gah cảnh sát, khik caga takai tasik Chê chu piah pacang cakak dom urang ini nduac tame baoh taneh./.