Hadei di Tết Nguyên đán tal harei ini, Cty TNHH Puku Việt Nam daok dalam labik ngak kong Đồng An (phường Bình Hòa, ban sit Thuận An) jeng daok palih ruah urang ngak piah peih prong bruk ngak mbang. Min, labaih 500 urang ngak bo cty ini caong hu, lac kan duah hu chip. Amuk Quách Thị Nhung- Akaok jabat urang ngak Cty TNHH Puku Việt Nam brei thau, dom adit ini Cty gam palih ruak tapak gam tapa dom jabat meyaih khan bruk ngak. Bruk palih ruah urang ngak jeng  biak mbuan, oh duah urang ngak hu ilamu, phỏng vấn blaoh lac tame ngak min manuac mai likau bruk ngak biak takik: “Cty jhik daok kurang biak rilo urang ngak thau jhik. Thun ini, akaok thun Cty biak kan kandah dalam bruk duah urang ngak. Dalam labik ngak kong Đồng An hu biak rilo công ty jhik pet nan ye kurang urang ngak biak rilo, sa harei palih ruah hu jaik 10 urang atau takik jang”.

Kurang urang ngak hadei di Tết Nguyên đán lac bruk rah tabiak di Bình Dương dom thun tapa. Piah pabak bruk ngak, rilo doanh nghiệp njauk salih jalan duah urang ngak. Lingiu di bruk tauk harak brei thau pak di labik ngak, tut angan di sàn giao dịch bruk ngak piah duah urang ngak, dom doanh nghiệp daok ba bàn tabiak lingiu jalan piah raok urang ngak. Yaom lac yau nan, min urang ngak urak ini tok pabak hu jaik 30%.

Amuk Lai Ngọc Vân, urang jakar iek gah menuac ngak Cty TNHH Kim Xương di labik ngak kong Đại Đăng (bal Thủ Dầu Một) brei thau: công ty halan hatian pato bruk ngak, hu sarak piah dui pachreih urang ngak min jeng kan palih ruah hu ginup manuac yau hatai caong khin: “Doanh nghiệp caong palih ruah hu urang ngak piah ngak pandap jao ka urang njauk tui tukvak ba tabiak. Mai tal lac hu tame ngak; oh thau ngak jeng hu taduan tame piah pato. Urang ngak caong khin nao radaih buýt ye ndom haong công ty piah brei thau labik saong raok ba”.

LĐLĐ tỉnh Bình Dương brei thau, thun ini 920 doanh nghiệp dalam tỉnh caong hu labaih 100 ribau urang ngak, dalam nan hu gam urang ngak bahrau saong urang ngak piah pabak tame labik urang ngak oh mai ngak bruk veik hadei di Tết. Bruk caong hu urang ngak rilo jang dua mbang dut haong thun dahlau min urang ngak mai likau bruk ngak biak takik.

Tui Sở LĐTBXH tỉnh, makna ba tak bruk kurang urang ngak nan lac kayua dom doanh nghiệp di Bình Dương tagok samar. Bruk cak rok patagok bruk ngak kong khang kadang di rilo tỉnh, bal karei ngak ka urang ngak meng labik karei mai, klaak Bình Dương piah duah bruk ngak tani tanat di palei drei daok, nan lac biak prong. Anak bruk yau nan, ong Phạm Văn Tuyên brei thau, Sở Lao động-Thương binh saong Xã hội hu pathau khan haong UBND tỉnh ba tabiak jalan ngak piah pachreih urang ngak meng dom tỉnh karei mai ngak veik di Bình Dương, abih di nyu lac  pambuak gauk gah urang ngak haong dom tỉnh hu urang ngak oh ka pandar tal: “Khaol dahlak meda ba tabiak jalan ngak, pambuak gauk, daong ka doanh nghiệp saong labik pato bruk ngak piah pato urang ngak di labik nan, ngak habar ka urang ngak hu ilamu, tangin ngak glaong jang, ngak bruk hu năng suất glaong jang. Ini lac jalan ngak di tỉnh, jeng yau di dalam negar, daok salih bruk ngak caong khin hu rilo urang, pamaong tal bruk ngak caong khin hu tangin ngak ilamu glaong”.

Dui pachreih urang ngak lac kan, khik hu urang ngak lac kan jang. Nan ye langiu di bruk kham merat di doanh nghiệp ye Bình Dương brei hu rilo jang dom sarak an sinh xã hội laghaih ka urang ngak, yau: daong sang daok, labik bac da-a ka anek bhik urang ngak. Tuk urang ngak langiu tỉnh hu labik daok tani tanat, mong Bình Dương lac palei ka dua di drei, tuk nan urang meng kak kajap, suai lavik./.

         Urang lang: Thụy Sĩ  11/3/2021