1. Kuhria caga prein ngak saong ilimo, kham marat ba nagar tame jaman uak drei patagok

Nyaom biai mbang ka 10, Mban Chap hanh Trung uong Ndang guan XIII padang angan uak drei patagok di bangsa Viet Nam mada peih meng Nyaom raya XIV di Ndang. Piah ngak hu bruk ni, meng tukvak ni nao, dalam Ndang, dalam bhap bini pajum prein ngak 3 bruk krah hadah lac ngak barau the che chinh tri, rami ramik veik bruk ngak karja saong paglaong ilimo manuac ngak bruk, gam khik iek tani tanat, gam ngak krah hadah patagok, ngan haong nan pachreih pamdadeih hatai ranam nagar di bangsa.

 2. Tong Bi thu Nguyễn Phú Trọng plang lahik

Harei 19/7/2024, Tong Bi thu Nguyễn Phú Trọng plang lahik hadei di tukvak mabuk ruak caik ralo padrut padruai palai damen di abih urang Ndang, bhap bini jeng ye gauk yut di dunya. Harak Pahadar ka Tong Bi thu Nguyễn Phú Trọng hu khan cambaih: “Sahaneng hadah krah di ndong chi Nguyễn Phú Trọng lac bhap bini, manuac urang ngak hatai pusak, abih prein yawa ngak bruk ka bhap bini, padak padang urang barau ka xa hoi chu nghia saong marat prein pajum pataom nagar, dahlau abih pajum gauk di Ndang, pajum abih bhap bini saong pajum abih grauk yut di dunya”.

3. Bruk rami ramik halau janeng jabat ngak bruk – sa bruk krah hadah praong piah khik nagar

Harei 25/11, harei nyaom biai Mban Chap hanh Trung uong mbang ka XIII, Tong Bi thu Tô Lâm ieu abih pakat uy, abih jabat ndang, karja, dom pakat, dom gah, dahlau abih lac urang jakar pan akaok nan ngak baoh kareih camin nao dahlau, ngak bruk abih prein yava di harei pajum abih Sarak Nghi quyet taka 18 saong harak pathau khan Mban chap hanh Trung uong di bruk rami ramik veik bruk ngak karja abih he thong chinh tri di 3 bilan akaok thun 2025.

4. Kinh te Viet Nam patagok khang kajap

Kinh te Viet Nam daok khik hu janih siam dalam thun 2024. Patagok GDP kuhria mboh labaih 7%, lam phat jieng hu khik iek catang ala 4%, piah ngak hu jalan ba tabiak.

5. Pasiam akaok di Ndang saong Karja, oh thei karei dalam bruk taong bhat urang jakar ngak suan hukum

Harei nyaom biai Mban Chap hanh Trung uong Dang Cong san Viet Nam mbang ka XIII hu pajiong, abih phieu harak, pilih ruak ndong chi Tô Lâm, Uy vien Mentri Chinh tri, Akaok nagar ngak Tong Bi thu. Quoc hoi mbang XV hu palih ruah Akaok Quoc hoi Trần Thanh Mẫn saong Akaok nagar Lương Cường.

Bruk padak padang, ngak siam di Đảng saong pacang caga tham nhung, kanjah jhak nan bruk ngak asal pusak di thun 2024. Ralo urang jakar pakat glaong di Đảng, Karja njauk ky luat, caik guk hinh su, brei mboh jalan oh palao ka thei klah di duis.

6. Rabuk ka 3 ngak kanjah jhak trak damak di manuac saong drap ar di gah Barak

Rabuk ka 3 (angan Yagi) ieu lac sa rabuk praong abih dalam 30 thun tapa, rabuk ngak matai 323 urang, lahik 22 urang oh ka duah mboh saong 1.978 urang njauk bala, kuhria ngak lahik labaih 81.700 ty ndong.

7. Siam ralo brei ka jalan mbak saong nang luong

Tal ni, labaih 2.000km jalan peih samar hu ba tame pandar saong marat ngak blaoh 3.000 km jalan peih samar dalam thun 2025. Danak jalan ndien 500kV talei 3 Quảng Trạch – Phố Nôi ngak blaoh. Quoc hoi mbang XV khan tapa sarak nghi quyet di bruk bụ jien tame ngak jalam pasei peih samar Barak – Maraong. Quoc hoi jang patabiak danak dak dien hat nhan Ninh Thuan.

8. Salih barau akaok ngak hukum saong dom sarak nagar

Quoc hoi mbang XV hu caik nem tanut hadah dalam thun 2024 tui ralo sarak quyet sach salih barau sahaneng lap phap saong taong bhat ralo bruk praong dalam nagar. 18 hukum saong 21 sarak nghi quyet lac hu khan tapa, hu dom sarak quyet dinh hadah krah yau brei ngak Hukum taneh riya, Hukum Sang danaok, saong Hukum Pablei salih taneh riya sang danaok hu peih ngak dalau 5 bilan, meng 1/8/2024.

9. Urang dalam nagar pajum prein brei oh daok baoh sang taik tahak

Harei 5/10, Rajaei saong Kapul Akaok Uy mban Trung uong Mat tran Nagar Viet Nam hu peih ngak Danak dak brei oh daok baoh sang taik tahak di nagar tui angan “Sang danaok ka bhap bini’ caong ngak brei oh daok 153.000 baoh sang taik tahak di nagar anak harei 31/12/2025.

10. Yaom kaom darak pasar taneh riya sang danaok saong ameh yaom trun tagok salih ralo

Thun 2024 lac sa thun ralo srau dau di darak pasar taneh riya sang danaok tuk yaom sang daok tagok glaong oh tui hukum dut haong jien mek tame di mikva ngak srau dau di makna drap ar saong kadung jien di mikva. Darak pasar ameh jeng tagok yaom kayua yaom ameh dunya tagok.