Thu tuong Nguyen Xuan Phuc hu mbaok di var peih pakak 

Thun  2014, labik inem krung  kalan  Tây Sơn Tam kiệt hu  Thủ tướng rajaei dak angan inem krung pakat negar. Thun 2015, tỉnh hu padang ngak, ramik pasiam  dom labik di inem krung, song hatai cong khin padang sa danak dak pok meyaom bruk ngak dane angan di Saman patao Tây Sơn, pren yava di Patao Quang Trung - Nguyễn Huệ. Thun  2020, danak dak padang ngak peih prong  Labik kalan Tây Sơn Tam kiệt hu peih tabiak ngak, lac dom kadha: Padang sang Tiền bái (labik kakuh dom văn thần, võ tướng), Sang Thượng điện (labik kakuh Tây Sơn Tam kiệt), ramik pasiam Sang  Tiền tế (labik kakuh amaik ame song ong muk), rami ramik  padang veik Sang bia, nghi môn song hạ tầng kỹ thuật...  ba kalan Tây Sơn Tam kiệt – Labik inem krung sajarah pakat negar jeng labik nao rivang ilamu - sajarah duh ka tuai dalam taneh ia song angaok dunya

Brei panuac di tuk peih pakak, Akaok negar  Nguyễn Xuân Phúc ndom lac, Bình Định meng kan mai lac bhum taneh bak sajarah, ilamu. Ni lac labik pataom, pambuak ilamu dom bangsa Việt, Chăm... tapa sajarah, hu ngak jeng anek menuac Bình Định thượng võ, nhân văn, ilamu  Bình Định hadah krah, rik dong tame dom blah sajarah hào hùng, gilang ilamu praong di bangsa Việt Nam. Bình Định jeng lac bhum taneh ginreih, menuac naih gheih, labik tabiak bruk khởi nghĩa Tây Sơn kak kajap haong angan Anh hùng bangsa Quang Trung-Nguyễn Huệ.

Meng sajarah hào hùng di bruk Tây Sơn-Anh hùng Nguyễn Huệ hu dom rai  rah urang Bình Định oh padeih khik ramik, patui veik song patagok dalam dom thun tapa. Abih di nyu nan lac, dalam 2 mbang mesruh pacang Prang song pacang  Mỹ, bol bala song bhap bini Bình Định khang hatai mesruh, oh huac metai lahik, rik dong rilaow darah di drei piah gam hong bhap bini dalam taneh ia, cih vak dom blah  sajarah  độc lập bangsa, yasa taneh ia.

Yaom lac, labaih  200 thun tapa  , min dom kadha di  saman Tây Sơn jeng dok mboh di bhum taneh gireih ni yau Thành Hoàng đế, Điện Tây Sơn, kalan Đô đốc Bùi Thị Xuân... Akaok negar mboh lac, bruk rami ramik, patagok  yaom glaong labik kalan Tây Sơn Tam Kiệt hu makna biak siam piah ka labik ni jeng sa labik ilamu sajarah biak praong, ngak hadah mbaok meta rahra Bình Định song rahra dalam taneh ia.

Akaok negar ndom lac, bruk padang rup patau, kalan, Muinyim Patao Quang Trung-Nguyễn Huệ, saong dom anh hùng bangsa  oh lac piah pahadar bo dok piah ngak tui , bac megru, piah pataom iek veik dom ilamu meng sajarah  ...

Tapa bruk ini, Akaok negar tacei tabiak 5 kadha bac megru hu meng Quang Trung-Nguyễn Huệ, urang patao gheih ghang. Dom kadha ni hu makna biak prong, oh lac ngan song bruk khik kajap quốc phòng, khik caga  an ninh taneh ia, palei negar, bo dok ndung bak  dom makna biak dalam ka bruk patagok kinh tế-xã hội ka Bình Định song ka taneh ia .Nan lac: jia tame rup drei, jia tame bruk praong saong khang kajap di taneh ia drei piah ngak  ; Samar drah, “nan lac ngak hagait jeng samar, drah"; hatai khang, sahneng mboh dahlau, khang hatai dalam bruk ngak; thau pambak tame tuk vak, yaok bruk ngak sit piah mek hu jayah puac abih; tantu cambaih laih dalam bruk ngak, mboh lac jayah meng tong .

Piah khik ramik song patagok khang kajap yaom glaong dom inem krung ilamu sajarah dalam tỉnh, di var ngak bruk, tỉnh Bình Định hu panuac caong  Mintri ilamu, Thể thao song Du lịch sangka dong  jien piah buh tame rami ramik, pasiam veik dom danak dak ilamu sajarah, abih di nyu nan lac dom bimon kalan Chăm; sangka, dong samar  ngak salah bloh harak gar pok angan Võ cổ truyền Bình Định lac inem krung ilamu  phi vật thể dunya./.

Urang lang: Hanipha- 18/2