Hadei di jit praong Covid-19, dom gah chức năng tỉnh An Giang bhian duah thau, daong ka dom doanh nghiệp yam tapa kan kandah, khik bruk ngak saong pasiam veik kinh tế. Pasak Daong doanh nghiệp An Giang tuk halei jeng tui iek, pachreih ba, pathau khan bruk langyah dom tavak tavaiy, cuang kandah ka doanh nghiệp, daong palagaih ka urang buh jien tame, doanh nghiệp peih ngak danak dak dalam tỉnh. Langiu di nan, Pasak daok hu ba tabiak dom bruk ngak, jalan ngak pasiam gah ngak mbang pablei salih, pasang iek, taong yaom bruk ngak hu dalam maraik gauk pakat tỉnh. Ong Trang Công Cường, Phó yam ndok Sở Jalan ngak saong buh jien tame tỉnh An Giang khan lac.“Tapa bruk taong yaom ini, biak hu makna piah ngak brei salih bahrau cambaih laih dalam bruk khik ramik, tacei ba, jang yau pasiam veik bruk ngak mbang pablei salih di dom so, dom mban, dom gah, dom bhum palei. Tapa nan, dom so, dom mban, dom gah ba tabiak dom jalan langyah piah ngak pasiam, rami ramik veik, piah ngak habar peih ngak siam jang bruk daong ka doanh nghiệp taoh talaih dom kan kandah, tavak tavaiy di doanh nghiệp, HTX, sang pablei salih di dalam tỉnh; ngak brei bruk njauk hatai ka dom doanh nghiệp di dalam tỉnh dak harei dak siam jang”.

Meng bruk yam takai nao gam saong langyah samar drah nan, rilo doanh nghiep hu caga siam, duah hu jalan nao bahrau dalam bruk ngak mbang, pablei salih; gam cak rok kinh te gam klah rabha haong kanja palei, padang talei pambuak bruk khang kajap saong brei mboh hatai jia tame bruk ngak di dom jabat khik mik di kanja. Ong Phạm Thuyên, Tổng yam ndok Cty Cổ phần ICI An Thịnh, ban Long Xuyên, tỉnh An Giang khan lac. “Dalam tukvak tapa, Cty Cổ phần địa ốc ICI hu peih ngak dom danak dak di dalam tỉnh An Giang. Min, kayua sarak, rilo adat hành chính daok gar, tavak. Yaom lac kan kandah, tavak tavaiy, min Sở Jalan ngak saong buh jien tame jeng biak caik hatai daong saong ba mbuan lagaih abih ka doanh nghiệp, duah jalan taoh talaih, hu taom gaok dom so, dom mban, dom gah karei hu ginum biai njauk gauk piah pok tagok UBND tỉnh lang talaih kan kandah ka doanh nghiệp”.

Ong Nguyễn Thanh Bình, akaok UBND tỉnh An Giang brei thau, anak tal, langiu di bruk patui veik peih ngak samu gauk rilo jalan langyah, taoh talaoh samar drah dom paga pacang, pachreih dom doanh nghiệp oh padeih ngak bahrau saong padang mbang ngui, tỉnh daok daong palagaih ka doanh nghiệp mbeik drei tame kinh te dunya, tapa dom bruk daong gah adat hukum ka dom doanh nghiệp. Pachreih bruk pablei salih dalam, langiu tinh saong di dunya, daong ka doanh nghiệp, labik ngak pandap salih bahrau pandap panda, paglaong chất lượng kaya pandap...“Anak tal, tỉnh An Giang pataom prein tame peih ngak siam, lagaih dom bruk ngak, jalan ngak. Dalam nan, biak caik hatai padang ngak saong cak rook patagok dom chuỗi giá trị bahrau. Gam haong nan, jeng dui pachreih dalam taneh ia, daong ka dom doanh nghiệp parabha dom pandap panda, jhul khang bruk peih ngak dom sarak, jalan ngak dui pachreih doanh nghiệp salih so saong cak rok patagok kinh tế số.

An Giang tuk halei jeng thau lac, jak jeng di doanh nghiệp lac bruk duk iek ka jak jeng di tỉnh; mek bruk salih bahrau hành chính ngak bruk patagok; mek bruk taom gaok, daong ka doanh nghiệp pak di labik ngak pasak, piah ngak jeng bruk salih bahrau mboh di anak meta saong paglaong prein maraik gauk di tỉnh; padang thaot binguk pan akaok, kanja An Giang chreih chrai, sami samar, duah jalan ngak bahrau, tuk halei jeng yam takai nao gam haong bruk cak rok patagok di doanh nghiệp, piah ka doanh nghiệp sahanang hatai buh jien tame, ngak mbang, pablei salih cak rok patagok saong praong khang./.