Hồng Phương, urang vak di rayo sap ndom Viet Nam  daok di ĐBSCL hu kadha vak ndem ka bruk ini.

 Hadei di jaik 3 bilan pasram, mala gom sân khấu di Sang bac Cao đẳng Ilamo Nghệ thuật Cần Thơ, dom diễn viên không chuyên lac dom anek saih dom pakat mai meng Sang bac THPT An Khánh hu ngak salah hoạt cảnh, daoh tamia saong trích đoạn cải lương ngan haong thaot binguk saai Võ Thị Sáu, anh hùng tapon nyaom bol pan phao kraong.

 Dom bruk pasiam ilamo chuyển thể, ilamo parang me-in, padang ngak danak dak, vak kịch bản, pilih ruah ragu ragam, hóa trang, khan aw ngui cuk, pandap panda, rami ramik labik ka nyu gheih… kayua giảng viên, sinh viên Sang bac Cao đẳng Ilamo Nghệ thuật dang tabiak ngak. Tapa tukvak pasram danak dak, anek saih hu thau cambaih jang ka dak rai sajarah, bruk taneh ia dalam tukvak 1945 – 1954.

Amuk Lê Thu An, Phó akaok Sang bac THPT An Khánh, quận Ninh Kiều, Cần Thơ brei thau: "Tapa danak dak dom adei hu pasram, dreih yau sa asar intan atau asar randaih urak ini hu thah ka nyu hadah tagok. Tuk pambuak haong janih cải lương ye dom adei thau hu prein khang di drei, dak harei dak takre saong ba ka dom adei sa labik ma-in biak khang kadang, kein laba".

Sân khấu hoá dom kadha văn học sajarah lac tuk piah ka anek saih pasram pabak ilamo pang hu, thau cambaih dom tác phẩm, duah jalan ngak bahrau, caga ba drei tame tác phẩm, pamadeih tagok hatai takre di dom adei. Tapa nan, dom adei anek saih hu thau saong thau cambaih jang ka jalan sarajah di ong akaok ong kei dahlau deih.

 Adei Trần Đức Minh, anek saih sang bac THPT An Khánh brei thau: " Tapa ini anek saih thau hu siam jang, hadar kanal lavik jang saong hu bac rilo kadha hadei di dom kadha hu bac di  tal bac. Parang me-in yau nan meda thau cambaih jang ka hatai di yaok nhân vật, tapa nan pasram veik dom hatung hatai siam bac hu tapa kadha".

 Oh lac adei Trần Đức Minh bo meda mboh lac bruk “Sân khấu hóa kadha văn học, sajarah” lac labik ma-in siam makre, kein laba ka dom anek saih. Ong Lâm Tấn Phát, Gru pato Khoa Sân khấu, Sang bac Cao đẳng Ilamo Nghệ thuật Cần Thơ brei thau: "Caong lac danak dak ini hu bruk caik hatai sangka rilo jang, peih praong jang piah ka yaok umo anek saih di dom adei hu labik ma-in siam makre, kein laba, gam paglaong hatai pachreih bac di dom adei".

Meng jak jeng di vở diễn, meda mboh lac bruk ini patagok hu hatai sahneng hadah krah saong lagaih haong umo thun di anek saih trung học di dalam ban Cần Thơ. Danak dak “sân khấu hóa kadha văn học, sajarah” anak tal meda hu peih praong di dom sang bac phổ  thông di ban Cần Thơ, rik daong paglaong siam mekre bruk pato saong bac môn Ngữ văn./.