Rilo urang ngak suak mek BHXH sa mbang 

Hadei di  10 thun ngak  công nhân ka sa  Cty jhik di  Hà Nội, saai Trần Thị Dương likau padeih bruk, taduan mek BHXH sa mbang ngan song pok jien jiak  60 triệu đồng piah langyah dom kan kandah anak meta di sang drei:

“Cty gaok kan kandah, hu tuk  2-3 bilan meng hu bayar sa bilan jien bilan. Sang hu dom anek sit dalam umo mbang bac, Hulin jeng sahneng mboh lac, yau ni oh rong hu dom anek nao bac. Rilo tuk sahneng, hadei di ni taha, oh  đóng BHXH ye oh bui sambai hagait”

Bruk di saai Trần Thị Dương lac sa dalam yaok rituh ribau urang ngak likau suak mek BHXH sa mbang dalam tuk vak jiak di ni . Meng thun  2016 tal thun 2020 hu labaih  3 triệu 700 rabau urang palih ruah  sarak mbang tui BHXH sa mbang, yaok thun hu jiak  750.000 urang tabiak truh  hệ thống, meblah labaih  5% dom menuac hu mbaok tame. 

Ong Lê Đình Quảng – Phaok akaok mban Chính sách pháp luật (Tổng Liên đoàn Lao động Việt Nam) brei thau, rilo urang ngak mesraiy jien pandar cai song biak rilo urang ngak oh ginup jien mbang cai jeng suak BHXH sa mbang piah langyah dom kan kandah di anak meta. Min, bruk ni jeng hu makna lac urang ngak dok lahik nao bruk hu mbang tui sarak an sinh xã hội, oh hu jien tame yaok bilan meng jien lương hưu song oh hu brei thẻ BHYT brei saoh, piah iek glang pren yava tuk umo taha  .

Anak bruk yau ni, ong Đào Ngọc Dung, Akaok mintri Lao động-Thương binh song Xã hội mboh lac, bruk pathau khan ka sarak oh ka ginup, ngak ka urang ngak oh thau abih sarak siam mekre di bruk hu mbaok tame BHXH. Taphia di nan, hu dom menuac pagam pambak tame bruk ni piah pablei, salih  sổ BHXH di urang ngak.

“Kol drei njauk mong tapak tame bruk di anak meta, lac daok hu rilo bhap bini hu rai duik dok biak kan kandah, rilo doanh nghiệp jeng dok kan kandah dalam bruk ngak mbang, pablei salih. Daok piah khik bruk pabak urang ngak, kol dahlak  jeng hu batabiak jalan ngak ka dom  doanh nghiệp, oh bayar jien bilan hu  ka tong abih, ye brei khik  hu BHXH ka urang ngak , khik hu jien bilan  cơ bản”

Piah daong palagaih ka urang ngak samar hu mbang jien lương hưu, tui sarak  28 di Trung ương ka bruk salih bahrau sarak  BHXH, tuk vak đóng BHXH takik di abih piah hu mbang jien hưu meda trun meng  20 thun trun daok  15 thun, atau 10 thun. Anak tal, rajaei samar padang song pok tagok  Quốc hội patabiak hukum Bảo hiểm xã hội pasiam veik, Hukum ngak bruk piah pasiam veik dom  quy định tui sarak di Trung ương. Bruk ramik veik sarak BHXH tui jalan ngak ni, urang ngak hu pabak pren khang piah bảo lưu, patak pataom tuk vak đóng BHXH piah mbang jien lương hưu.

BHXH Việt Nam jeng hu panuac kakei, urang ngak oh palih ruah mbang tui BHXH sa mbang, hu quyền bảo lưu tuk vak đóng BHXH piah tuk hu  điều kiện ye hu mbaok tame BHXH bắt buộc atau hu mbaok tame BHXH tự nguyện ka ginup thun dok kurang, piah ginup  điều kiện mbang jien lương hưu pandar cai dalam rai duik song hu brei thẻ BHYT dalam luac tuk vak mbang jien lương hưu piah iek glang pren yava tuk umo taha./.

Urang lang: Hanipha- 15/4