Boh kayau, njam patam hu ba tabiak pablei ka drak pasa 

Sở Công Thương tỉnh An Giang brei thau, tuk vak tapa, Sở kham merat pambuak bruk peih ngak rilo jalan siam lagaih dong ka  doanh nghiệp jhul khang bruk pablei kaya nong tapa dom labik pablei rai prong yau: siêu thị, cửa hàng tiện ích, pablei salih online... pamong tal patagok rilo janih tui dom jalan pablei pandap panda, kaya nong.

Piah ba kaya pandap mai jiak jang song urang blei pandar  dok dalam song langiu negar, Sở Công Thương, Pasak Xúc tiến Thương mại song  Đầu tư tỉnh khik bruk yaih khan di angaok blah web: sanphamangiang.com song angiangexport.com. Gam song nan, ba pandap praong di  tỉnh, dalam nan hu brah, kaya ikan, boh kayau tagok dom labik pablei salih online praong, yau: Lazada, Amazon, Shopee, Tiki... 

Piah paglaong yaom dom pandap mek hu angan OCOP song dom pandap hu prein khang, An Giang pataom tame dong dom DN padang angan je, paglong yaom dom pandap đặc sản song hu jalan yaih khan. Meng ikan rien bilan ia ndik, Cty Cổ phần njam patam boh karaoh pandap mbang An Giang (Antesco) hu ngak jeng rilo pandap, tame pa-op pablei dalam song langiu negar, hu tuai damuai atah jiak biak takre, blei ngak pandap alin hadiah.   

Dom pandap di tỉnh yau: ikan rien kho tabau, mesin ikan rien chưng, đậu nành njam hu pablei khang di darak pasa  dom tỉnh  bhum taneran krong CL, gah kreh negar, gah brak song dom siêu thị... Đậu nành njam hu pablei tapa dom darak pasa  Hoa Kỳ, Liên minh Châu Âu (EU), Japon, Úc...

Yam tapa tanut biak catang di darak pasa labik blei tame, rilo DN di An Giang hu ba angan brah, njam patam, kaya ikan … di tỉnh tabiak dunya, ba rilo yaom glaong ka bruk sản xuất. Sở Công Thương An Giang brei thau, 9 bilan di thun  2022, pok jien pablei pandap tabiak negar langiu di  tỉnh mek hu jiak  857 triệu 600 rabau USD, tagok 12% dut song tuk vak ni thun dahlau, mek hu 100% bruk batabiak. Dalam nan, pok jien pablei dom janih  brah, ikan, njam, jhik pet tapa negar langiu hu  559 triệu 500 rabau USD; dom janih kaya nong, kaya ikan jeng hu tagok  9-13% dut song tuk vak ni thun dahlau.

Tui jalan patagok gah ngak nong iek tui pren meriak gauk di dom janih kaya nong praong song bruk blei di darak pasa, tỉnh dok peih rilo jalan paglong pren meriak gauk di 4 janih pandap hu rilo, lac ikan pra, padai brah siam, njam patam song paaok di angaok darak pasa dalam taneh ia saong langiu dunya.

Sở Công Thương An Giang jeng ngak salah baoh siphau sit tacei pato doanh nghiệp peih bruk tut angan pablei tabiak negar langiu tui hukum bahrau di  Trung Quốc ka hacih saat pandap mbang dalam tuk peih ngak dom harak pambuak bruk pablei salih. Gam song nan, pambuak bruk  song Vụ Thị trường Châu Âu-Châu Mỹ yaih khan DN pablei tabiak negar langiu hu prein khang tame dom labik  pablei prong di dom taneh ia./.

 Urang lang: Hanipha- 24/10