Dom kapal taong ikan dahlau di tuk tabiak tasik hu pasang iek catang di Chi cục Thủy sản

Dalam dom thun tapa, bruk Ủy ban châu Âu (EC) pacang taong cap kaya ikan suan hukum, oh pathau khan, oh tui adat (IUU) cảnh báo “thẻ kanyik katam” ba mai rilo kan kandah ka gah ngak pandap, taong cap kaya ikan dalam taneh ia jeng yau di tỉnh Bà Rịa Vũng Tàu. Meng bruk ba tangin tame ngak khang di dom gah chức năng, dom bruk ngak suan, lih tapa taong cap kaya ikan bhum tasik negar langiu di urang taong ikan dalam tỉnh trun biak rilo. Meyah thun 2019, hu 14 mbang kapal ikan ngak suan ye tal thun 2021 trun daok 4 mbang min.

Urang taong ikan angan Trần Văn An (daok di palei Hải An, xã Lộc An, huyện Đất Đỏ) hu 2 kapal taong ikan di kreh tasik atah. Meng thun 2019, ong brei pagam pandap pasang iek saong vak tame siphau yaok harei bruk taong cap di 2 kapal ikan. Dalam tuk taong cap di tasik praong, ong hu gah chức năng tacei pato, langyah brei thau dom adat dalam bruk taong cap angaok tasik, tacei cambaih angaok bản đồ, labik halei urang taong ikan Việt Nam oh hu adat taong cap. Meng nan, kapal di ong yaom lac taong cap di tasik praong min oh ka mbang halei ngak suan dom adat ba tabiak.

Ong Nguyễn Văn Hồ, Phaok Yam ndok Cảng ikan Bà Rịa Vũng Tàu brei thau, mBan khik ramik Cảng hu duah thau, pambuak bruk khang kajap haong dom gah chức năng piah pasang iek bruk tabiak, tame pabah lamnge, vak tame siphau yaok harei jalan nao di dom kapal, gilai, khang hatai oh brei adat tabiak tasik dom kapal ikan, dom po gilai oh ngak njauk tui adat taong cap… gam haong nan, peih brei ka taong abih dom po kapal, gilai, dom thuyền trưởng kapal iakn taong cap di tasik praong mbaoh tangin tame harak sanya oh lih tame bhum tasik taneh ia langiu. Pasang iek, padang angan dom kapal, gilai mbuan ngak suan piah tui iek catang.

Thau lac UB bhap bini pakat xã, phường, ban sit lac labik jaik abih piah khik ramik, pato pakai, pathau khan urang taong ikan bruk pacang taong cap IUU, UB bhap bini tỉnh hu ba tabiak ngak khang dom jalan ngak. Dalam nan, ieu karja dom puk palei brei thau cambaih bruk dalam labik drei khik iek, pathau khan, jak ba tal yaok baoh sang, yaok po kapal ikan.

UB bhap bini tỉnh hu tacei pato dom jabat chức năng pasang iek catang bruk ngak di kapal ikan angaok tasik; padang angan dom kapal mbuan ngak suan piah pasang iek catang saong langyah khang dom kapal ikan taong cap suan hukum bhum tasik taneh ia langiu; pasang iek bruk pagam pandap tui iek jalan nao saong pasang iek veik bruk duah thau asal di nyu di dom sang mac, piah pasang iek catang asal dom kaya ikan di dom DN pablei tabiak negar langiu.

Tal urak ini, Bà Ria Vũng Tàu hu mbaoh tangin tame sarak pambuak bruk haong dom tỉnh yau Bình Thuận, Ninh Thuận saong Kiên Giang piah khik iek, langyah dom kapal ikan ngak suan saong pambuak gauk ngak pasiam piah taoh klaak "thẻ kanyik katam" di EC; brei dom po kapal mbaoh tangin tame harak sanya dahlau di tuk tabiak tasik lac oh lih tapa bhum tasik taneh ia langiu.

Ong Trần Văn Cường, Yam ndok Sở Ngak nong saong Patagok palei pala tỉnh brei thau, “Urak ini, dom kapal taong ikan di kreh tasik praong dahlau di tuk tabiak tasik, jeng brei tapa dom bruk pasang iek catang di Chi cục Thủy sản. Tuk tabiak truh pabah lamnge, dom bilai, đồn biên phòng daok tui iek jalan nao saong labik taong cap. Meyah mboh urang taong ikan padam jamriak, kapul “phản ứng nhanh” ieu tapak tal dom po kapal, gilai brei thuyền trưởng peih mac định vị, meyah ngak suan ye taong phạt catang saong tanut phạt glaong abih tui  adat hukum”./.

Urang lang: Mousa Phương – 09/03