Dalam tuk salih số, pamaong tal karja số, xã hội số, kinh tế số saong jeng sa đô thị thông minh, dom thun tapa, TP.Vũng Tàu ba tabiak padang ngak rilo bruk, rilo danak dak piah duh ka bruk salih bahrau bruk ngak harak gar tapa mạng yau ye: App brei mboh labik ngak, bilik ginum biai oh hu harak ba-ar, taduan mek saong bayar harak gar online, tuyến phố oh pandar jien mbaok…

Lac labik camereip abih di TP.Vũng Tàu peih ngak bruk “tuyến phố oh pandar jien mbaok”, Phường 1 kham merat ka taong abih labik ngak mbang, pablei salih angaok jalan Lý Tự Trọng pablei salih nao mai tui jalan oh pandar jien mbaok. Amuk Thái Thị Hồng Minh, Phaok Akaok UBND phường 1 brei thau, tuk peih ngak bruk jalan phố oh pandar jien mbaok, phường gaok oh takik kan kandah. Min hadei di langyah, jak ba, jaik abih dom sang pablei salih tut angan sanya ngak tui saong khan brei ka urang karei thau piah ngak tui: “Labik jalan ini oh lac duh ka rahra phường 1, bo daok ka abih menuac di ban raya tuk mai blei pandap di jalan ini. Tapa nan, yaom lac oh ka hu taong abih rahra tui bruk oh pandar jien mbaok, min phường hu jak jeng dalam bruk rahra pachreih tui saong ba tangin tame haong phường, pathau khan ka tuai oh pandar jien mbaok tra”.

Ngak tui bruk salih bharau gah ngak harak gar, langyah harak gar online, UBND phường 5, TP.Vũng Tàu hu padang 34 tổ salih số, daok rah tui dom tổ dân cư, yaok baoh sang takik abih hu 1 urang thau saong ngak hu siam bruk ngak harak gar tapa số.

Di Sở Tài nguyên saong Môi trường, bruk salih số hu maong lac bruk praong, caik ka yaok urang jakar, công chức brei ngak tui, jeng lac jalan daong paglaong “tiếp cận chỉ số” ka taneh riya di rahra saong doanh nghiệp.

Tui panuac di ong Lê Anh Tú, Phaok Yam ndok Sở Tài nguyên saong Môi trường tỉnh Bà Rịa – Vũng Tàu, anak tal, Sở brei pataom dữ liệu taneh riya tame ứng dụng VNeID, ba tabiak bruk padang ngak dom robot piah langyah dữ liệu, daong langyah bruk di urang jakar công chức, viên chức, duh ka bruk khik ramik Karja di gah tài nguyên, di puk palei dalam tỉnh saong di Trung ương: “Ini lac bruk oh ta-eng di tỉnh Bà Rịa – Vũng Tàu bo brei pambuak tame haong hệ thống dữ liệu di Trung ương, piah ngak tabiak karja đô thị, karja điện tử, karja số saong peih bruk salih số di gah tài nguyên jeng yau di tỉnh. Ini lac sa dalam 3 bruk praong bo tỉnh Bà Rịa – Vũng Tàu brei ngak salah dalam nhiệm kỳ ini”.

TP.Vũng Tàu kham merat tal thun 2025 hu labaih meteh dom menuac sia saong taong abih dom doanh nghiệp hu tài khoản điện tử saong tal thun 2030 dom menuac sia hu tài khoản điện tử lac labaih 80%.  Piah ngak hu bruk nan, ong Vũ Hồng Thuấn, Phaok akaok UBND TP.Vũng Tàu brei thau, yaok urang jakar, công chức, urang dang akaok brei thau cambaih ye bruk pathau khan, jak ba bhap bini meng hu siam lagaih: “Langiu menuac dang akaok ye urang jakar, công chức jeng brei thau bruk salih, tuk urang jakar, công chức oh thau ye ngak habar bhap bini thau hu. Kol drei njauk thau lac, salih số lac salih meng jalan ngak meng tangin, gaok mai lac meng jamriak min kayua anek menuac ba tangin tame ngak, daok urak ini lac salih tapa số hoá”.

Tỉnh Bà Rịa - Vũng Tàu thau lac, salih số saong bruk karja điện tử lac piah paglaong siam lagaih, paglaong prein khik ramik karja, salih bahrau bruk ngak harak gar, pasiam palagaih bruk đầu tư, pablei salih, paglaong prein meriak gauk di tỉnh, paglaong siam mekre raidiuk di bhap bini. Gam haong nan, ngak tabiak jalan khau tin pambuak gauk khang kajap di dom jabat dalam hệ thống chính trị, bộ máy karja, di karja haong bhap bini, doanh nghiệp haong kapul nyaom./.