Abih bilan ngak kaphe siam mekre ngan haong yaom glaong di abih meng halei mai, di bhap bani palei Đức An, xa tapen negar Thuận An, huyen Dak Mil, tinh Dak Nong bui sambai puh ramik sang danaok saong jalan thuan dalam palei pala piah kuhria caga raok thun bahrau. Dua gah jalan palei, dak hadah tanjak sambo bar bingu hala saong bak prein diukrai. Dua gah tangin pan mbaik katrei praong cakak dhal phun kayau di anak sang, ong Nông Minh Thước brei thau, ngan haong bruk padang ngak palei pala bahrau, baoh sang halei di palei Đức An jeng hu caik hatai sangka. Bruk ngak mbang di bhap bani dalam palei jeng ginup abih yau nan ye urak ini mikva hu jalan lagaih piah ngak brei ka palei pala nyu siam gheih jang. Gam haong kadha siam gheih di pakat palei pala bahrau, ong Thước daok mong mboh hu hatung hatai daong ba gauk di mikva dalam palei, talei pambuak bruk di rajaei saong bhap bani: 

“Hulin Dahlak daok pak di ini jeng labaih 30 thun paje, harei dahlak bahrau mai pak di ini daok oh ka hu hagait, meng kan jalan taneh haluk halin tal urak ini ngak meng betong blaoh, mboh lac palei pala hu salih bahrau paje. Dom pakat rajaei pathau khan trun tal bhap bani ye mikva thei jeng pachreih tui, dom hagait hu urang jakar tacei pato ye mikva ngak tui. Harei ini palei pala cak rok patagok yau ini lac mboh biak bui sambai hatai.”

Ong Tôn Quốc Trưởng, akaok palei Đức An, xa Thuận An, huyen Dak Mil, tinh Dak Nong brei thau, palei hu labaih 400 baoh sang, meng di thun 2022 oh hu daok baoh sang kathaot. Dalam palei hu labaih 560ha pala ngak kaphe, durian, amraik kalu ba mai jien mek tame grap tanat; dom bruk ngak mbang pambuak gauk, ngak tabiak, pablei tabiak kaya nong hu dak padang, rilo baoh sang kaya meda. Tui ong Trưởng, palei mek hu dom tanut ba tabiak di palei pala bahrau kieu mau saong mikva daok patui veik kham merat piah jeng sa bhum palei hadah krah, bahrau.

“Bhap bani hu mbaok tame dom bruk ngak, rik daong jien ndo, prein ngak  piah padang ngak dom canah jalan, tapa di nan ngak jeng mbaok meta labik daok di palei ngak mata Đức An nan lac hadah, hijao, hacih sa-at, siam mekre saong yam tal lac palei pala hadah krah.”

Tui ong Lê Xuân Lý, Phaok akaok UB Bhap bini xa Thuận An, huyen Dak Mil, thun  2011 puk palei peih ngak bruk padang ngak palei pala bahrau ngan haong bruk meng camereip biar nan ye gaok biak rilo kan kandah. Min mai meng bruk buh jien tame ngak njauk bruk di pakat palei pala, abih di nyu lac gah jalan mbak nao mai, nan ye prein khang kinh te hu pamedeih tagok biak samar drah. Gam haong nan lac bruk daong prein, sa hatung hatai di bhap bani hu daong ka dom tanut ba tabiak di palei pala bahrau samar hu tamat blaoh saong xã hu ba tabiak dom tanut ngak glaong jang dalam tukvak mai meng anak tal.

“Thun 2018 xã Thuận An mek hu angan palei pala bahrau, tapa masa tukvak kham merat ye puac thun 2023 xã mek hu ngan palei pala glaong. Padang ngak palei pala bahrau tok hu tanut bahrau peih ngak oh hu tanut tamat blaoh. Xa Thuận An daok kham merat dalam thun 2025 tagok palei pala bahrau ngak mata.” 

Ong Nguyễn Văn Tuấn, Akaok Bilik Ngak nong saong cak rok patgaok palei pala huyen Dak Mil brei thau, tal ini taong abih 9/9 xã di huyen mek hu tanut palei pala bahrau, dalam nan hu 3 xã mek hu tanut palei pala bahrau paglaong. Jalan ngak tal thun 2025 hu jeng huyện palei pala bahrau di huyện tapen negar Đắk Mil hu tamat blaoh, caok cang pakat pan akaok pasang iek saong mboh tangin.

“Baoh jeng siam mekre mek hu palei pala bahrau di huyen Dak Mil tok lac tukvak masa akaok mereip min. Huyen oh padeih veik di nan bo daok patui patagok, langiu di khik kajap jang ye daok ngak paglaong asal siam dom tanut ba tabiak. Piah peih ngak hu ye gam haong pren khang di pakat nagar, puk palei ye kadha prong di abih nan jeng lac bruk mek tangin tame ngak di bhap bani.” 

Tui jalan Mek bhap bani ngak gok ngak gha, mek bruk ngak piah ngak kajap, patagok siam pren khang, dom tanut padang ngak palei pala bahrau di huyen tapen nagar Dak Mil, tinh Dak Nong daok dak yam dak ngak tamat blaoh. Dom pakat uy ndang, karja puk palei gam haong bhap bani daok patui veik kham merat piah pamaong tal brei dak padang dom puk palei kaya meda, siam gheih, dom palei pala siam makre dalam diuk rai./.