Urang bac sy mai tangi sua urang ruak pak di labik iek  ruak 

Ong Vì Văn Hóa, umo 69 thun, urang daok di palei A La, xã Chiềng On, huyện Yên Châu (Sơn La) njauk ruak hen phế quản meng rilo thun ini mai. Yau nan min, kayua sang kan kandah, nan ye ong tok nao pasang iek ruak di sang iek ruak hu 2 mbang saong oh hu jien piah nao iek ruak veik.

Jaik 3 thun mai ini, hu Thiếu tá Bùi Văn Nghị, urang jakar quân y di Đồn biên phòng Chiềng On bhian mai tal sang piah pasang iek ruak, brei jru oh mek jien, meng nan ruak kik di ong Hoá jeng trun hu meneing. Langiu di nan, tuk ruak trak, ong meda nao tal Đồn piah ka rang jakar pak ini pasang iek brei, ong Vì Văn Hóa mboh biak uan tabuan:

(Bác sĩ di đồn sangka mai tal ini iek ruak ka mikva bhap bani khaol dahlak mboh biak uan tabuan; dua tra lac meyah oh hu dom bác sĩ di balai, di đồn ye duh hatai rilo, oh thau nduac nao pak halei, tok thau nao tame piah taom gaok bác sĩ piah ka bác sĩ iek ruak brei nan ka meng mboh gindang hatai.)

Chiềng On rilo meng hu bhap bani urang bangsa takik daok, rilo sang kan kandah, daok atah di pasak huyện, nan ye Đồn biên phòng Chiềng On meng lavik mai jeng labik pambak tame akaok mereip ka bhap bani labik ini tuk ruak kik pandik harao. Dom urang jakar quân y di Đồn tuk halei jeng hu mbaok luac harei melam, mikva meda mai mong iek ruak  di tuk halei jeng hu.

Hu ba mai ngak bruk di đồn biên phòng Chiềng On meng thun 2019, meng abih hatai ka bruk ngak, ranam bruk ngak, anit ka mikva oh ginup jien padai piah nao tagok sang iek ruak praong tuk pandik harao, Thiếu tá Bùi Văn Nghị kham merat bac megru ilamu bruk ngak, caik tukvak bac sap Xinh Mun piah ndom puac hu haong bhap bani pak ini, duah thau ka adat cambat tanarakun, pambuak dom jalan taong ruak piah paglaong siam mekre dalam bruk pasang iek ruak ka bhap bani. Jeng tui “gru jru tuan quân hàm hijao” Bùi Văn Nghị, labik bo jabat khik iek nan lac xã bhum III, rai diuk daok gaok kan kandah, yau nan ye mikva jeng oh ka sangka iek glang rilo tal bruk pacang khik, mong iek pren yava ka sang di drei.

Piah salih jalan saneng, jalan ngak di mikva, sa-ai haong urang jakar, urang lin dalam jabat bhian nao trun tal puk palei, tal yaok baoh sang piah pathau khan bruk pacang caga jit, jak ba mikva mbang menyum ka nyu hacih sa-at, pataom mek hareik, jah glai ram, puh ramik sang danaok saong brei yaok ribau “tờ rơi”, siuk pabang mbaok oh mek jien, pathau khan kadha 5 paka di mentri y tế dalam bruk pacang caga jit Covid-19, Thiếu tá Bùi Văn Nghị khan lac:

(Tapa tukvak ngak bruk, mikva jeng hu salih jalan sahneng, thau iek glang pren yava di drei nan lac kadha pachreih ba praong abih ka adei sa-ai khaol dahlak . Tuk mai tal đồn biên phòng khoal dahlak pasang iek ruak, meyah daok dalam prein pasang iek ye khaol dahlak brei jru oh mek jien, daok meyah tapa prein, khaol dahlak meda tacei pato ka mikva nao tagok dom sang iek ruak praong gah angaok; meyah caong khin nao iek ruak di sang iek ruak trung ương ye khaol dahlak meda pok sap iew daong piah daong brei meneing jien padai nao iek ruak ka mikva piah ka mikva sahnang hatai taong ruak).

Dalam thun bloh, đồn biên phòng Chiềng On hu nao pasang iek, taong ruak saong brei jru ka jaik 500 mbang bhap bani; pambuak haong dom jabat, dom gah chức năng ngak siam bruk pacang caga jit ruak Covid-19 dalam 2 xã Chiềng On saong Phiêng Khoài, huyện Yên Châu; klauk jru vắc xin pacang caga Covid-19 ka bhap bani labaih 5.000 mbang.

Gam haong bruk pasang iek, khik caga quyền ngak po bhum taneh, an ninh trật tự labik tapen negar, dom gru jru tuan quân hàm xanh di Chiềng On, huyện Yên Châu, Sơn La jeng abih hatai iek glang pren yava ka bhap bani, kayua lac dom sa-ai tuk halei jeng thau lac tapen negar lac palei negar, bhap bani dom bangsa yau adei sa-ai tung pruac dalam sang di drei. Blaoh meng nan, yaok urang gam rik daong pren yava di drei piah pacang khik, cak rok patagok kinh tế - xã hội, ngak jeng paga pacang khang kajap tapen negar, bak hatai anit ranam gauk di bol lin saong bhap bani./.

Urang lang: Jasi -3/3