Labik ilamu ini daok hu daong ka rahra hu thau jang saong iek praong yaom glaong ilamu sajarah di ban raya

“Labik ilamu Hồ Chí Minh” di tầng trệt jabat UB bhap bini phường 7, quận Bình Thạnh bahrau hu Đảng ủy phường tabiak mbaok di harei 17/5. Labik nan hu mblang parang iek praong 28m2, hu 3 asal kadha praong, lac: “Jalan nao tui takai yam di Wa”; Parang iek thaot binguk “Hồ Chí Minh mekre abih angan Wa”; Dom panuac pato di Chủ tịch Hồ Chí Minh brei ka urang jakar, urang đảng, đoàn viên, hội viên saong bol bhap rahra... Di labik ini daok hu rilo blah thaot ka raidiuk saong bruk ngak di Wa, daong ka urang jakar, urang đảng, anek saih saong bol bhap rahra dalam phường mboh veik dom gheih mekre dalam rai ngak bruk cách mạng di Wa Hồ, piah ka yaok urang pasang iek veik rup drei, bac megru saong ngak tui.

Bruk padang “Labik ilamu Hồ Chí Minh” di labik ini kayua dom urang đảng di dom Chi bộ, haong dom urang di Mặt trận Negar phường saong dom kapul pan phao kraong, kapul nyaom… ramik ngak saong parang tabiak. Ong Phạm Xuân Sơn, Phaok Bí thư Chi bộ Hội Doanh nghiệp phường 7, quận Bình Thạnh khan lac: “Dahlak hu ramik labik ngak bruk di drei dalam Cty meng dahlau mai tal urak ini jeng hu dom panuac ndom bo dahlak biak takre meng Wa, blah thaot di Wa… Jalan sahaneng, jalan diukrai di Wa hu pambak khang tal bruk bac megru saong ngak bruk di dahlak. Dahlak takre di abih lac jalan diukrai  siam mekre, khiêm tốn di Wa, min dalam nan lac bruk kham merat oh padeih”

Bruk salih bahrau asal kadha, jalan bac megru ka jalan sahneng, jalan diukrai hadah krah siam mekre di Hồ Chí Minh hu brei mboh cambaih tapa “Miuyim online raidiuk, bruk ngak di Chủ tịch Hồ Chí Minh”. Meng bruk quét mã QR, urang hu ravang iek 6 bilik haong 160 blah thaot, kadha văn học nghệ thuật di Chủ tịch Hồ Chí Minh. Gam haong nan, urang jeng meda maong iek tapak atau quét mã piah duah thau dom kadha dane angan di Chủ tịch Hồ Chí Minh yau: “Đường Kách Mệnh”, “Nhật ký trong tù”, “Lời kêu gọi toàn quốc kháng chiến”, “Bản Tuyên ngôn độc lập”, “Bản Di chúc” gam haong 10 kadha daoh bahrau, pok je Hồ Chủ tịch. 

Piah ka bruk bac megru tui Wa jeng bruk yaok harei, piah ka jalan sahneng, jalan diukrai hadah krah di Hồ Chí Minh dak harei dak pambak praong, njaom tame dalam, jeng jalan bhian randap di yaok menuac urang, “Labik ilamu Hồ Chí Minh” jeng hu peih tabiak di rilo doanh nghiệp, labik agama di ban raya. Di Thiền viện Chơn Đức – TP.HCM, rup patau Wa Hồ hu caik di labik hu iek praong abih dalam Tổ đường, gam haong dom pandap panda, harak gar, blah thaot, harak, báo… ka raidiuk, bruk ngak cách mạng di Chủ tịch Hồ Chí Minh. Labik ini jeng hu rilo blah thaot ka raidiuk yaok harei di Wa, brei mboh hatung hatian di Wa Hồ brei ka thiếu niên, nhi đồng saong bol bhap rahra. Thượng tọa Thích Huyền Ý, trụ trì Thiền viện Chơn Đức lac: “Bruk padang sa labik ilamu Wa Hồ di Chơn Đức thiền viện lac sa bruk biak bui sambai, chreih chrai ka abih menuac di agama pak ini, kol dahlak maong akaok meng lavik mai. Labik kakuh Wa di dom tự viện jeng yau di Chơn Đức thiền viện, ye dom Phật tử, bổn đạo mai kakuh Phật thei jeng mboh biak haniem phul. Urang kakuh Phật blaoh, urang cuh glau saong urang biak uan tabuan kayua lac tuk mai tal baha kakuh Phật, daok hu hadar tal dhar phor di Wa Hồ”

  Padang “Labik ilamu Hồ Chí Minh” lac sa jalan ngak biak gheih di Đảng bộ TP.HCM, hu patabiak dalam Sarak nyaom roya Đảng bộ ban raya mbang ka XI vaktu 2020-2025. Nan lac labik jalan sahneng, jalan diukrai hadah krah siam mekre di Hồ Chí Minh tuk halei jeng daok hu mboh, lac drap ar gah tinh thần biak hu yaom glaong, ndung bak ilamu di bhap bini, urang jakar, urang đảng di ban raya angan Wa. Hadei di labaih 1 thun peih ngak Sarak, rilo labik hu padang “Labik ilamu Hồ Chí Minh” meng dom jalan ngak cambaih laih.

Amuk Tô Thị Bích Châu, Chủ tịch Ủy ban MT negar ban raya brei thau: “Labik ilamu Hồ Chí Minh” hu ilamu mboh saong oh mboh di meta, ndung bak jalan diukrai di rahra Việt Nam. Pagap yau, oh mboh di meta lac dom kadha siam mekre di anek menuac Việt Nam, yau anit ranam taneh ia, anit ranam hòa bình, bak hatai anit ranam gauk, daong ba gauk, jum pataom gauk… Tui amuk Châu, bruk ramik ngak dom labik ilamu brei tabiak meng hatai caong di bhap bini, piah ngak jeng bruk pachreih tui di menuac sia, patagok bruk ngak di bhap bini, piah ka urang kham merat bac megru jalan diukrai siam mekre, hadah krah di Wa Hồ: “Pakacah piah rik prein, pakacah piah ngak bruk, pakacah piah caong hu rik tame saong pakacah piah ka kol drei mboh lac meng jalan ngak di Wa Hồ ye “Pakacah gauk anit ranam taneh ia, anit ranam taneh ia ye brei pakacah gauk”. Brei ngak habar ka nyu tame dalam hu bruk sahneng mboh nan dalam yaok bruk ngak di rahra, ngak jeng bruk caong takre hu ngak bruk, hu rik prein yava tame. Dalam “Labik ilamu Hồ Chí Minh”, kol drei jeng khin caik hatai pang caong khin di bhap bini , dom bruk ba tabiak njauk langyah”.

Urak ini, rilo rahra jeng ka oh thau hu abih ka makna di angan ieu “Labik ilamu Hồ Chí Minh”. Kayua yau nan ye, njauk halei oh ban raya brei padang dom labik ilamu peih, di rilo labik karei di gauk piah ka rahra mai duah thau, maong iek, abih di nyu lac dui pachreih hu dom dam dara, urang daok ranaih. Dom công trình, thiết chế pambuak pagam haong bruk nao duah jalan daong taneh ia di Wa Hồ, dom labik praong pambuak pagam haong inem krung Hồ Chí Minh – brei mboh cambaih dom yaom glaong ilamu, nhân văn, meda daong ka bruk bac megru saong ngak tui jalan hadah krah siam mekre di Hồ Chí Minh dak harei dak pambak tabiak praong dalam raidiuk menuac sia./.

Urang lang: M. Phuong – 05/06