Ban raya jeng daok kurang sang bac, kurang tal bac, kurang gru pato saong kurang pandap panda pato bac

Di quận Tân Phú dom thun jaik di ini, dom anek saih hu bac 2 jala sa harei hu rilo jang min jeng daok biak bier, abih di nyu nan lac di pakat tiểu học bahrau hu labaih 27%, pakat THCS hu labaih 33%. Urak ini bahrau hu 8 dalam 17 sang bac hu abih anek saih tal 1, tal 2 hu bac 2 jala sa harei.

Dreih yau nan, di quận Bình Tân, thun bac ini hu rilo jang labaih 9.000 anek saih, rilo meng lac di pakat mầm non saong THCS. Ong Ngô Văn Tuyên, Akaok Jabat Pato magru quận Bình Tân brei thau, yaom lac anek saih tagok rilo min quận Bình Tân jeng daok hu ginup labik bac. Kan kandah urak ini di quận lac oh khik hu 2 bruk pato dua jala sa harei: “Di quận Bình Tân menuac meng labik karei mai daok biak rilo, yaok thun anek bhik di dom urang nan tame bac gah công lập tagok 4.000-5.000, langiu di công lập jeng hu di tanut nan. Ini lac sa kan kandah ba tal bruk peih ngak danak dak pato pakai phổ thông 2018 oh ngak hu di tal 1,2,3 taong abih bán trú 2 jala sa harei, tal 6 saong tal 7 jeng yau nan..”

Daok tui amuk Hoàng Thị Thu, akaok sang bac THCS Gò Vấp, sang bac daok kurang gru pato dom môn yau ye: Ngữ Văn, Lịch sử, Âm nhạc, Thể dục. Gru pato hu parabha pato môn tích hợp jang yau dom asal kadha, dom bruk pato pakai bahrau, lac trải nghiệm saong ba jalan bac bruk ngak, pato pakai di pak ini gaok kan kandah kayua ka oh hu pato pakai siam yaom lac hu pato pasram Taphia di nan, anek saih rilo nan ye pandap panda di sang bac ka oh ginup prein pabak. Amuk Hoàng Thị Thu ndem lac: “labik bac da-a biak sit sot nan ye oh hu mblang ma-in piah peih dom bruk pataom me-in ka anek saih, kayua hu padang meng lavik mai, biak klaak, nan ye bo bruk bac da-a di anek saih jeng hu binah oh ka lagaih”.

Bruk pato dom mon bac di Danak dak pato pakai phổ thông bahrau, abih di nyu nan lac pakat THCS tuk hu dom môn tích hợp salih ka dom môn yau dahlau deih jeng ngak ka gru pato gaok rilo kan kandah.. Sa gru pato bac môn lịch sử urak ini brei pato gam mon địa lý mayah sang bac oh ginup gru piah pato. Atau dom môn di nyaom khoa học tự nhiên yau ye: Vật lý – Hoá học – Sinh học, gru pato brei parabha gauk pato habar ka nyu lagaih haong tukvak ba tabiak. Hu tuk, gru pato Lịch sử, Địa lý daok ngak gam bruk soạn giáo án gah pato di puk palei. Rilo gru brei thau, yaom lac kham marat pasram megru paglaong ilamu min tuk dang pato jeng mboh oh sanang hatai kayua ilamo ka oh hu rilo.

Tui ong Nguyễn Bảo Quốc, Phó Yam ndok Sở Pato magru TP.HCM, tuk peih tabiak Danak dak pato pakai phổ thông 2018, langiu di bruk kurang gru pato piah pato 2 jalan sa harei, ye pandap panda di dom sang bac jeng daok kurang nan ye ka oh pabak hu bruk ba tabiak di danak dak. Piah lang talaih dom kan kandah di anak meda, Sở Pato magru TP.HCM jeng hu peih pato pasram paglaong ilamuka gru pato di dom môn bahrau, ngak bruk haong dom labik pato pakai paglaong ilamu ka gru pato, piah hu jalan pabak gru pato, abih di nyu nan lac dom bộ môn bahrau: “Sở pato magru daok hu daong ka Sở Nội vụ dom sarak pilih ruah yau habar piah hu ginup gru pato,pabak hu bruk peih ngak danak dak.”.

Urak ini, TP.HCM jeng hu ngak bruk haong Đại học Sư Phạm TP.HCM saong Đại học Sài Gòn piah pato pakai gru pato to ka dom danak dak bahrau. Tui jalan pato pakai, dom sinh viên ini meda bac tamat di thun 2023 rik daong patrun bruk kurang gru pato dom bộ môn di danak dak bahrau  urak ini./.

Urang lang: Thu Thao – 28/09